ტატრიშ გვალეფი
ევროპული ბიზონეფი ბელოვეჟიშ ტევრის
პოლონეთი გლობალური ტურისტული ბაზარიშ აკამდგინალი ნორთი რე, სოდეთ ირიათო იძინანს ვიზიტორეფიშ მუდანობა, გჷშაკერზაფილო თიშ უკული, მუთ ქიანაქ ევრორსხუს ქაკათჷ. ტურიზმის შანულამი თია მიშმუღუ პოლონეთიშ ართამი ეკონომიკაშა. არძაშე პოპულარული ნოღეფი: კრაკოვი, ვროცლავი, გდანსკი, ვარშავა, პოზნანი, ლუბლინი, ტორუნი, ზაკოპანე, ვიელიჩკაშ ჯიმუშ ფარისა დო ისტორიული აკანი ოშვიენჩიმი — გერმანალ ნაცისტეფიშ საკონცენტრაციე კარე აუშვიცი. საუჯგუშო რეკრეაციულ დესტინაციეფს შქას რე მაზურიშ ტობონი, ბალტაშ ზუღაშ წყარპიჯი, ტატრაშ გვალეფი, სუდეტეფი დო ბელოვეჟიშ ტვებენე. პოლონეთიშ თარი ტურისტული ოძირაფუ რე ოქინაფუ აბანეფიშ დოთოლიარაფა ნოღეფს დო თინეფიშ მელე რინელი ისტორიულ მონუმენტეფწკჷმა, ბიზნეს-ტურეფი, კვალიფიცირებული ტურიზმი, აგროტურიზმი, გვალაშ ლესქერუა, გვალაშ ცოცუა დო ანდა შხვა. შხვაშ თური ტურისტეფიშ მუდანობაშ მეჯინათ, პოლონეთი მა-14 არძაშე ძირაფონი ქიანა რე.
პოლონეთი, ტურისტული მანჯღვერე Wikivoyage-ს