დინორეშა გინულა

ჟაკ დერიდა

ვიკიპედიაშე
ჟაკ დერიდა
ფრანგ. Jacques Derrida
დაბადებაშ თარიღი:

15 კვირკვე, 1930

დაბადებაშ აბანი:

ალჟირი, საფრანგეთიშ ალჟირი

ღურაშ თარიღი:

გჷმათუთა 9, 2004 (74 წანერი)

ღურაშ აბანი:

პარიზი, საფრანგეთი

მენოღალობა:

საფრანგეთიშ შილა საფრანგეთი

ომენცარე სფერო:

ფილოსოფია

სამუშაშ აბანი :

პარიზიშ უნივერსიტეტი
პარიზიშ უმაღალაში ნორმალური სკოლა
სოციალური მენცარობეფიშ უმაღალაში სკოლა
ფილოსოფიაშ საირქიანო კოლეჯი
კალიფორნიაშ უნივერსიტეტი

ალმა-მატერი:

პარიზიშ უმაღალაში ნორმალური სკოლა
ჰარვარდიშ უნივერსიტეტი
პარიზიშ უნივერსიტეტი

ჯოხოშინელი მოგურაფეეფი:

ჟან-ლუკ მარიონი
ფრენსის ფუკუიამა

ჩინებული რე მუჭოთ:

დეკონსტრუქციაშ დუმარსხუაფალი

ჯილდოეფი დო პრემიეფი:

თეოდორ ადორნოშ პრემია (2001)
ჰარი ოპენჰაიმერიშ პრემია (2008)

ჯაკ დერიდა (ფრანგ. Jacques Derrida; დ. 15 კვირკვე, 1930, ალჟირი, საფრანგეთიშ ალჟირი — ღ. 9 გჷმათუთა, 2004, პარიზი, საფრანგეთი) — ფრანგი ფილოსოფოსი. შინელი რე მუჭოთ დეკონსტრუქციაშ ფილოსოფიაშ დუმარსხუაფალი. დერიდაშ ფილოსოფიური არზუანობაშა დიდი გოლინა იღვენუ ფერდინანდ დე სოსიურიშ ლინგვისტიკაქ დო ედმუნდ ჰუსერლიშ დო მარტინ ჰაიდეგერიშ ფენომენოლოგიაქ. დუდშე დერიდა ასოცირაფილი რდჷ პოსტსტრუქტურალიზმი დო პოსტმოდერნისტული ფილოსოფიაწკჷმა, მარა უკულიან წანეფს თიქ ჸათე მიმალობეფიშე დისტანცირებულქ იჸუ.

ჟაკ დერიდა რდჷ 40-შე უმოსი წინგიშ, ოშობათ ესეშ დო პუბლიკაციაშ ავტორი. თიში იდეეფქ შანულამი გოლინა იღვენუ ჰუმანიტარული დო სოციალური მენცარობეფიშა, გიშაკერზაფილო ფილოსოფიაშა, ლიტერატურაშა, იურისპრუდენციაშა, ანთროპოლოგიაშა, ისტორიოგრაფიაშა, ლინგვისტიკაშა, სოციოლინგვისტიკაშა, ფსიქოანალიზიშა დო პოლიტიკური თეორიაშა.

დერიდაშ ნახანდეფს უღუდჷ დო ასე ხოლო უღუ გოლინა ააშს, ევროპას, ობჟათე ამერიკას დო ჸეთი ქიანეფს სოდეთ დომინირენს კონტინენტური ფილოსოფია.

ჟაკ დერიდაშ ნახანდეფიშე ეიოშანალი რე: "საჩიარი დო ფენომენი" (1967), "გრამატოლოგიაშ გეშა" (1967), "ჭარალუა დო შხვადოშხვანერობა" (1967), "ფილოსოფიაშ სანძღოეფი" (1972).

დერიდაქ დებადჷ საფრანგეთიშ ალჟირს, ურიეფიშ ფანიას. გურაფულენდჷ პარიზიშ უმაღალაშ ნორმალურ სკოლას. 1956 წანას საირქიანო გრანტი მიპალუ დო გურაფა გაგინძორჷ ჰარვარდიშ უნივერსიტეტის. გურაფაშ თებაშ უკული მუშენდჷ შხვადოშხვა ომენცარე ინსტიტუტეფს. დერიდა რდჷ თეოდორ ადორნოშ დო ჰარი ოპენჰაიმერიშ პრემიეფიშ ლაურეატი. ნომინირაფილი რდჷ ნობელიშ პრემიაშა ლიტერატურაშ დარგის, მარა პრემია დღას ვემუღებჷ. დერიდაქ ღურუ 2004 წანაშ 9 გჷმათუთას, 74 წანერქ, პანკრეასიშ კიბოთ.

რესურსეფი ინტერნეტის[რედაქტირაფა | წყუშ რედაქტირაფა]