რიჩარდ ჰემინგი

ვიკიპედიაშე
რიჩარდ ჰემინგი
ინგლ. Richard Hamming
დაბადებაშ თარიღი:

11 ფურთუთა, 1915

დაბადებაშ აბანი:

ჩიკაგო, ილინოისი, ააშ

ღურაშ თარიღი:

ღურთუთა 7, 1998 (82 წანერი)

ღურაშ აბანი:

მონტერეი, კალიფორნია, ააშ

მენოღალობა:

ამერიკაშ აკოართაფილი შტატეფიშ შილა ააშ

ომენცარე სფერო:

მათემატიკა

სამუშაშ აბანი :

ლუისვილიშ უნივერსიტეტი
მანჰეტენიშ პროექტი
ბელიშ ლაბორატორია

ალმა-მატერი:

ჩიკაგოშ უნივერსიტეტი
ნებრასკაშ უნივერსიტეტი
ილინოისიშ უნივერსიტეტი (ურბანა-შამპეინი)

ჯილდოეფი დო პრემიეფი:

ტიურინგიშ პრემია (1968)
ემანუელ პიორიშ პრემია (1979)
ჰაროლდ პენდერიშ პრემია (1981)
რიჩარდ ჰემინგიშ მენდალი (1988)

რიჩარდ უესლი ჰემინგი (ინგლ. Richard Wesley Hamming; დ. 11 ფურთუთა, 1915, ჩიკაგო, ილინოისი, ააშ — ღ. 7 ღურთუთა, 1998, მონტერეი, კალიფორნია, ააშ) — ამერიკალი მათემატიკოსი, მიშეღჷ დიდი მენცარული კონტრიბუცია კომპიუტერული ინჟინერიაშ დო ტელეკომუნიკაციეფიშ გოვითარაფაშა.

ბიოგრაფია[რედაქტირაფა | წყუშ რედაქტირაფა]

რიჩარდ ჰემინგი გურაფულენდჷ მათემატიკას ჩიკაგოშ უნივერსიტეტის, სოდეთ მიპალუ ბაკალავრიშ ხარისხი 1937 წანას. ჩიკაგოშ უნივერსიტეტიშ უკულ გურაფა გაგინძორჷ ნებრასკაშ უნივერსიტეტიშ მაგისტრატურას. ჰემინგიქ ოდოქტორე დისერტაცია თხილუ 1942 წანას, ილინოისიშ უნივერსიტეტის. გურაფაშ თებაშ უკული ჰემინგი მუშენდჷ ლუისვილიშ უნივერსიტეტის, ასისტენტ-პროფესორო. მაჟირა მოსოფელიშ ლჷმაშ ბორჯის ჰემინგი ოკათუდჷ მანჰეტენიშ პროექტის. მანჰეტენიშ პროექტიშ გეშა, ჰემინგი მუშენდჷ ლოს-ალამოსიშ ერუანულ ლაბორატორიას. 1946 წანას ჰემინგიქ ომუშებუშა გინილჷ ბელიშ ლაბორატორიაშა. რიჩარდ ჰემინგიშ მენცარული კონტრიბუცია იკათუანს: ჰემინგიშ კოდის, ჰემინგიშ რიცხუეფს, ჰემინგიშ ხურგის, ჰემინგიშ დისტანციას დო შხვა. ჰემინგი რდჷ შხვადოშხვა პრემიეფიშ დო ჯილდოეფიშ ლაურეატი, მენცარული პუბლიკაციეფიშ დო სტატიეფიშ ავტორი.

რესურსეფი ინტერნეტის[რედაქტირაფა | წყუშ რედაქტირაფა]