სემიუელ კრამერი
| სემიუელ ნოა კრამერი | |
| ინგლ. Samuel Noah Kramer | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
გერგობათუთა 26, 1990 (93 წანერი) |
| ღურაშ აბანი: | |
| მენოღალობა: | |
| ომენცარე სფერო: | |
| სამუშაშ აბანი : | |
| ალმა-მატერი: | |
| ჯილდოეფი დო პრემიეფი: |
ამერიკაშ ფილოსოფიური ჯარალუაშ მაკათური (1949) |
სემიუელ ნოა კრამერი (ინგლ. Samuel Noah Kramer; დ. 28 ეკენია, 1897 — ღ. 26 გერგობათუთა, 1990) — ამერიკალი ასირიოლოგი, შუმერიშ ისტორიაშ დო შუმერული ნინაშ ართ-ართი უდიდაში ექსპერტი.
დებადჷ ნოღა ჟაშკივს, რუსეთიშ იმპერიას, ურიეფიშ ფანიას. 1905 წანას კრამერეფქ ოცხოვრებშა ფილადელფიაშა გეგნორთეს. ჸათაქ სემიუელ კრამერიშ მუმაქ ურიეფიშ სკოლა ქუდარსხუ. სემიუელ კრამერი გურაფულენდჷ ობჟათე ფილადელფიაშ უმაღალაში სკოლას. გურაფაშ თებაშ უკულ ეგვიპტოლოგიათ დეინტერესჷ. უკულიანი პერიოდის, კრამერქ გურაფა გაგინძორჷ პენსილვანიაშ უნივერსიტეტის, სოდეთ თიში ინტერესეფიშ სფერო ბჟაეიოლმარჩქინჯალა რდჷ. პენსილვანიაშ უნივერსიტეტის გურაფაშ ბორჯის, კრამერქ გეჩინებაფუ ახალნორდი მენცარი ეფრემ ავიგდორ სპეისერი, ნამუთ სალიშობური ფირფიტეფიშ გოშიფრუას ოცადუდჷ. ჸათე პერიოდიშე დიჭყჷ კრამერქ სალიშობური ჭარალუაშ სისტემაშ რკვიება. 1929 წანას კრამერქ თხილუ ოდოქტორე დისერტაცია. ომენცარე კარიერაშ გოძვენას კრამერი მუშენდჷ პენსილვანიაშ დო ჩიკაგოშ უნივერსიტეტეფს. 1949 წანაშე კრამერი რდჷ ამერიკაშ ფილოსოფიური ჯარალუაშ მაკათური. 1968 წანას აკადემიური კარიერა ქიმიოტუ, მარა აქტიურო აგინძორენდჷ მენცარული რკვიებეფს. 1971 წანას გიშაგორილქ იჸუ ამერიკაშ ხელუანობეფიშ დო მენცარობეფიშ აკადემიაშ მაკათურო.
გიშნაგორა ნახანდეფი
[რედაქტირაფა | წყუშ რედაქტირაფა]- შუმერული მითოლოგია (1944)
- ისტორია იჭყაფუ შუმერიშე (1956)
- შუმერეფი: თინეფიშ ისტორია, კულტურა დო რჯებეფი (1963)
- ცივილიზაციაშ ონწე (1967)
- ინანა, სამოთხეშ დო დიადიხაშ დიაფალი (1983, წოროავტორი - დიანა უოლკშტაინი)
- შუმერული მოსოფელს: ავტობიოგრაფია (1988)