სილეზიური ნინა
| სილეზიური ნინა ślůnsko godka | |
| გოფაჩილი რე |  პოლონეთი ჩეხეთი გერმანია ააშ დო შხვ.
|
| მორაგადეეფიშ მუდანობა | 458 000[1] |
| ოფიციალური სტატუსი | ვა უღჷ |
| ლინგვისტური კლასიფიკაცია | ინდოევროპული ნინეფი |
| ჭარალუაშ სისტემა | მოდიფიცირებული ლათინური |
| ნინაშ კოდეფი | szl |
| რუკა | |
 სილეზიური ნინაშ არანი | |
| ვიკიოფირჩა | |
სილეზიური ნინა (სილ. ślůnsko godka, პოლ. język śląski, გერმ. Schlesische Sprache, ჩეხ. slezština) — ნინა, ნამუშათ ჩეხეთი დო გერმანიაწკჷმა ართო, პოლონეთიშ ჟიმოლენი სილეზიაშ რეგიონიშ მახორუეფი რაგადანან. 2011 წანაშ ეჭარუათ, სილეზურ ნინაშა მორაგადეეფიშ მუდანობა 529 000 რდჷ, 2021 წანაშ ეჭარუაშ მუნჩემეფით – 458 000[1].
სილეზიური ნინა მეჭედელორ რე მერსხილი პოლონურ ნინაწკჷმა, თეშ გეშა კანკალე ლინგვისტი თის პოლონური ნინაშ დიალექტო მითმირჩქინანს.
ანბანი
[რედაქტირაფა | წყუშ რედაქტირაფა]
თარი სტატია: სილეზიური ანბანი.სილეზიური ანბანი რე მუსხინერი. ულირს სილეზიურ ნინაშა მორაგადეეფიი პოლონური ანბანს გჷმირინუანდეს, მარა 2006 წანას მიშაღალირქ იჸუ სილეზიურ ანბანქ, ნამუთ სილეზიური ჭარალუეფიშ ვითხოლო გვარობას გერსხჷ. თის ფართოთ გჷმირინუანა ინტერნეტის, თეშ მუჭოთ სილეზიურ ვიკიპედიას.
ასეიანი სილეზიური ანბანი აკმოდირთუ გეჸვენჯი ასო-შანეფშე:
Aa, Bb, Cc, Ćć, Čč, Dd, Ee, Ff, Gg, Hh, Ii, Jj, Kk, Ll, Mm, Nn, Ńń, Oo, Pp, Rr, Řř, Ss, Śś, Šš, Tt, Uu, Ůů, Ww, Yy, Zz, Źź, Žž;
დო მუსხირენი დიგრაფიშე: Ch, Dz, Dź, Dž.
რესურსეფი ინტერნეტის
[რედაქტირაფა | წყუშ რედაქტირაფა]- (სილეზიური) სილეზიური ვიკიპედია
- (სილეზიური) ახალი ამბეეფი სილეზიურ ნინაშა
- (სილეზიური) Pů našymu — djalykt ślůnski kodyfikowůny Archived 2008-07-14 ვებ-ხასჷლას Wayback Machine.
სქოლიო
[რედაქტირაფა | წყუშ რედაქტირაფა]
| |||||||||||||||||