ტყარი კატუ

ტყარი კატუ (Felis silvestris) — მახვამილაფარი ბჟაშუმუ ჩხოლარი კატუშობურეფიშ ფანიაშე. თიში რსხულიშ სიგჷრძა რე 58-75 სმ, მასა 6 კგ, კანკალეშა 10 კგ-შახ. რსხული მონჭირელი ტუტაშფერი რე, კუდელიშ ბოლო — უჩა, ხასჷლეფს დო კუდელს განერი რუმე ღოზეფი გოჸუნს. ტყარი კატუ გოფაჩილი რე ევროპას დო მორჩილი აზიას, ჸოფილ სსრრ-ს — მოლდოვას, კარპატეფს, კავკაციას. ხე გვალაშ დო ვეშ ტყალეფს, ჯგირო ეშმახოხუნს ჯალეფშა. ჭკომუნს მაღირღონალეფს, მაფურინჯეეფს, კანკალეშა გეთმიანთხუ ერემიშ დო სქვერიშ კიკოს. მაკობა 63 დღას იგჷნძორებუ. ხანს 3-4 ცინდალს. მორჩილი ოხერეჭე შანულობა უღუ. ტყარი კატუშ გიმენგვარობეფშე საქორთუოს ხე კავკაციური ტყარი კატუ (Felis silvestris caucasicus).

ლიტერატურა

• ქორთული სხუნუეფიშ ენციკლოპედია, ტ. 10, ხს. 91, ქართი, 1986 წანა.

ვიკიოწკარუეს^? რე ხასჷლა თემაშენ:

ტყარი კატუ