ფრენკ ზაპა

ვიკიპედიაშე
ფრენკ ზაპა

ბიოგრაფია
თახმი ჯოხოფრენკ ვინსენტ ზაპა
დებადჷ21 ქირსეთუთა, 1940
ღურჷ4 ქირსეთუთა, 1993
ღურაშ აბანიააშ
ჟანრ(ეფ)იპროგრესული როკი
საქვარუაკომპოზიტორი, მუსიკოსი, დირიჟორი, პროდიუსერი
ობირეში ხონარი{{{ობირეში ხონარი}}}
ინსტრუმენტ(ეფ)იგიტარა
აქტიური1955–1993
ლეიბლ(ეფ)იVerve/MGM, Bizarre/Straight, DiscReet, Zappa Records, Barking Pumpkin Records, Rykodisc
ასოციაციეფიThe Mothers of Invention
Captain Beefheart
სტივ ვაი
ვებ-ხასჷლაwww.zappa.com
მიორჩქინალი ინსტრუმენტეფი

ფრენკ ვინსენტ ზაპა (ინგლ. Frank Vincent Zappa, დ. 21 ქირსეთუთა, 1940 – გ. 4 ქირსეთუთა, 1993) რდჷ ამერიკალი კომპოზიტორი, გიტარისტი, მობირე, კინორეჟისორი დო სატირიკოსი. რდჷ როკ-ბუნაშ „The Mothers of Invention“ ლიდერი. გრემიშ ლაურეატი.

ზაპა ართ–ართი არძოშე ფენდიერი მუსიკოსი რდჷ მუში ეპოქას. 33 წანამ კარიერაშ განწხანს, თიქ გიშაშქჷ 60 ალბომშე უმოსი, ნამუდგაშეთ დახე არძო იკათუანდჷ უგუმაჟირუ კომპოზიციეფს. თეშ მოხ, თინა ჩინებული რდჷ, მუჭოთ ელექტროგიტარისტი, მულტიინსტრუმენტალისტი, ხონარიშ ინჟინერი დო პროდიუსერი. უღუდჷ ენციკლოპედიური რჩქინა სტუდიურ ტექნოლოგიეფშე.

დებიუტიშ უკული, 1966 წანას არძო მუში ალბომიშ პროდიუსერი მუ გოხლუდეს. ხანდენდჷ მიარე ჟანრის, ჭარუნდჷ მუსიკას როკ–ბუნეფშო, ჯაზ-ანსამბლეფშო, სიმფონიური ორკესტრეფშო, ზაპაშ ალბომეფს ირო ვარი, მარა იშენით უღუდჷ კომერციული წჷმოძინა (ალბომქ „Apostrophe" 1974 წანას გჷნირთჷ ორქოშით).

ბიოგრაფია[რედაქტირაფა | წყუშ რედაქტირაფა]

ფრენკ ვინსენტ ზაპაქ დებადჷ 21 ქირსეთუთას 1940 წანას ბალტიმორს. (შტატი მერილენდი ააშ). ევროპალი ემიგრანტეფიშ ფანიას. ზაპაშ მუმაქ დებადჷ სიცილიას. ჯინჯი ბერძენულ-ლიბანური უღუდჷ. ნანა გვერდო იტალიარი გვერდო ფრანგი რდჷ.

ზაპა ახალობას დოინტერესაფილი რდჷ შხვადოშხვა მუსიკათ, თინეფ შქას ავანგარდისტი კომპოზიტორეფით ედგარ ვარეზით დო იგორ სტრავინსკით. თაშნეშე ალმახანური ჯაზით დო უჩა რიტმ-ენდ-ბლუზით. ნარტენდჷ გიშულებუდუკო კომპოზიტორსინ. 1959 წანას გჷნორთჷ ლოს-ანჯელესშა, სოდეთ სქიდუდჷ შურდგჷმაშ უმენტაში ნორთი. თექ დიჭყჷ პროფესიონალი მუსიკოსიშ კარიერაქ, დოჭარჷ მუსხირენი ბირა დო საუნდთრექი. 1960-1970 წანეფს ზაპა რდჷ ბუნა The Mothers of Invention ლიდერი, მიწკჷმა ართოთ გჷშაშქჷ რანწკი ალბომეფიშ ჯოხოდვალათ Frank Zappa and the Mothers of Invention დო Frank Zappa and the Mothers. ირფელქ დიჭყჷ თით, ნამუდა 1964 წანას ზაპაქ ქახოლჷ ბუნა The Soul Giants-ის მუჭოთ გიტარისტიქ დო მალასჷნე გჷნირთჷ ბუნაშ ლიდერო, კოლექტივქ დითირუ ჯოხოდვალა დო გიდჷ The Mothers. უკულნეშის ბუნაქ მაჭარჷ ხე კონტრაქტის ლეიბლ Verve Records–წკჷმა დო დითირუ ჯოხო ლეიბლიშ მეწურაფათ The Mothers of Invention–შა, რახანს ზიტყვა Mother რდჷ კუნტარაფილი ვარიანტი ოგორაფალი ზიტყვაშ Motherfucker. კოლექტივიშ ოდებიუტე ალბომქ გჷშართჷ Freak Out! 1966 წანას. 1960 წანაშ დათებუს ბუნაქ აკოცუ. ზაპაქ სოლო მოღეშ დინოჭარუაშ უკული, 1970 წანას ახალი აკოდგინალუათ აკოკათჷ ბუნა The Mothers.

1969 წანას ფრენკ ზაპა პროდიუსერი რდჷ ელის კუპერიშ ოდებიუტე ალბომიშ (Pretties for You).

1971 წანას ოკათუდჷ კონცერტის ჯონ ლენონწკჷმა დო იოკო ონოწკჷმა ართო.

1970-1980 წანეფს ზაპა დაკებული რდჷ აქტიური მუსიკალური აკოქიმინჯალათ. თე წანეფიშ ალბომეფს გჷშმეგორუდჷ Sheik Yerbouti (1979, ინოჭარილი რე 1977-78 წანეფს) ჰიტით Bobby Brown დო ალბომი Joe's Garage (1979). 1980 წანას ზაპაწკჷმა ბუნას მიოგანდჷ სტივ ვეი (ამერიკალი როკ–გიტარისტი). 1980 წანაშო ზაპა დოინტერესაფილი რდჷ პოლოტიკათ, ვა გჷშმაკოროცხუნდჷ ააშ–იშ პრეზიდენტიშ გჷშაგორუეფსჷთ ქოკათაფუდუკონი. თე პერიოდის თიქ იძირუ სსრრ, აკოხვადჷ ალფრედ შნიტკეს დო სტას ნამინს (ანასტას მიქოიანი). 1991 წანას ზაპას ქუდუხუნეს კიბოშ დიაგნოზი. თეშ უკული ზაპა აგჷნძორენს მუსიკალურ ოქიანუს აქტიურ მოღალობას. ფრენკ ზაპაქ ღურჷ 1993 წანაშ 4 ქირსეთუთას, კიბოშ გეშა.

ზაპაშ მუსიკა ამუდღათ ირსულებაფუაფუ, თრიბიუთ ბუნეფიშით. თაშნეშე Zappa Plays Zappa-იშით, ნამუსჷთ სქუა დუიზი ზაპა დუდენს, ზაპაშ ჸოფილი მუსიკოსეფიშ კათინით.

შხვა ფაქტეფი[რედაქტირაფა | წყუშ რედაქტირაფა]

1971 წანას Frank Zappa & The Mothers კონცერტიშ ბორჯის მონტროს (შვეიცარია) გორჩქინდჷ დაჩხირქ. მუ ბორჯისჷთ დიიჭჷ კაზინოქ, სოდეთ კონცერტი იმანჯუდუნ, ედომუშამო დიიჭჷ ბუნაშ აპარატურაქ. ოეგებიეთ ართ-ართი შვეიცარიალ ფანქ გოუტუ ოსიგნალე მაშხალა. თე მონახვამილა ეიოშანალი რე თით, ნამუდა ნაშინა რე ბუნა დიფ ფარფლიშ ბირას Smoke on the Water, რახან თე დაჩხირს თოლს ოჸუნუანდეს ბუნაშ მაკათურეფი, ნამუნეფით ორდეს თი დღას თი ნოღასჷნ, დაჩხირმონტებული კაზინოშე ჟენევაშ ტობას ეულირი ფურკიშ ძირაფაშ უკული გორჩქინდჷ ბირაშ იდეაქჷთ. რე ვიდეო მოღე, სოდეთ თე ფაქტის იშინანს რიჩი ბლექმორი.

1971 წანას ზაპა ლონდონს მანჯუნდჷ კონცერტის, ათე ბორჯის თის დუც ქიგიანთხჷ მუში ართ-ართი ფანიშ ორჩანი ბოიფრენდიქ დო ხეშ მეგამათ თინა ქენაჸათჷ ოორკესტრე ორუმეს. ზაპაქ სერიოზული ტრავმეფი მიღჷ, მუდგაქჷთ თინა ჭე ხანით ინვალიდიშ დინახუნალს ქიმკაკირჷ. მარა ტრავმეფი დისქილიდუ დო მინარჩქვანი მერინათ დაართჷ მუსიკას.

1995 წანაშ ქირსეთუთას, ვილნიუსის ფრენკ ზაპას გეუდგეს ძეგლი, სკვერს პოლიკლინიკაწკჷმა, კალინაუსკოშ შოშეს.

ძეგლი ღოლამირი რდჷ ენთუზიასტეფიშ ინიციატივათ. დუდშე იგეგმებუაფუდჷ ძეგლიშ გედგუმა მ.კ. ჩურლონისაშ ჯოხონობაშ გიმნაზიაწკჷმა, მარა ჯარალუაშ კონსერვატულ თიაქ თე გინოჭყვადირუა გაპროტესტჷ, თინეფი რაგადანდეს, ნამუდა: საორჩანო ფიგურა ნეგატიურ გოლინას მახვამილუანდჷ მარდუეფშან. თეშ უმკუჯინუო ძეგლი იშენით ქიგედგეს, აკნაშაყარა დო ოჩეჟქიმინჯალე კონცერტეფიშ ხარჯიშა. ამუდღარშო ზაპაშ ძეგლი ვილნიუსის, ართ-ართ ტურისტულ ოძირაფუობათ იკოროცხუ.

ციტატეფი[რედაქტირაფა | წყუშ რედაქტირაფა]

ფრენკ ზაპა ართ–ართი თინეფშეიანი რე, ნამუეფსჷთ მიაჭარუაფუნა ფრაზა: იჩუე მუსიკაშენ – ენა თიჯგურა რე, ნამუდა გიოსხაპე არქიტექტურასჷნ.

დიდი თია როკ–ჟურნალისტეფიშ რენა ადამიერეფი, ნამუეფსჷთ ვა უჩქუნა ჭარუა, ნამუეფით ეთმოჭოფუნა ინტერვიუს თინეფშე, ნამუეფსჷთ ვა უჩქუნა რაგადი დო ჭარუნა თინეფშო, მისით ვა უჩქჷ კითხირინ (ორიგინალს: Most rock journalism is people who can't write interviewing people who can't talk for people who can't read.)

მა ვორექ არძოშე დიდი გიტარისტი ბიზნესმენეფ შქას დო არძოშე დიდი ბიზნესმენი გიტარისტეფ შქას.

დისკოგრაფია[რედაქტირაფა | წყუშ რედაქტირაფა]

რესურსეფი ინტერნეტის[რედაქტირაფა | წყუშ რედაქტირაფა]