ჯეკ სტეინბერგერი

ვიკიპედია-შე
ნავიგაციაზე გადასვლა ძიებაზე გადასვლა
ჯეკ სტეინბერგერი
ინგლ. Jack Steinberger
Jack-Steinberger-2008.JPG
ჯეკ სტეინბერგერი 2008 წანას
დაბადებაშ თარიღი:

25 მესი, 1921

დაბადებაშ აბანი:

ბად-კისინგენი, გერმანია

ღურაშ თარიღი:

ქირსეთუთა 12, 2020 (99 წანერი)

ღურაშ აბანი:

ჟენევა, შვეიცარია

მენოღალობა:

ამერიკაშ აკოართაფილი შტატეფიშ შილა ააშ

ომენცარე სფერო:

ფიზიკა

სამუშაშ აბანი :

კალიფორნიაშ უნივერსიტეტი (ბერკლი)
კოლუმბიაშ უნივერსიტეტი
CERN

ალმა-მატერი:

ჩიკაგოშ უნივერსიტეტი

ომენცარე ხემანჯღვერი:

ედვარდ ტელერი
ენრიკო ფერმი

ჯოხოშინელი მოგურაფეეფი:

მელვინ შვარცი
ერიკ ლ. შვარცი
თეოდორ მოდისი
დეივიდ რობერტ ნიუგრენი

ჯილდოეფი დო პრემიეფი:

ნობელიშ პრემია ფიზიკას (1988)
მენცარობაშ ერუანული მენდალი (1988)
მატეუჩიშ მენდალი (1990)

ჯეკ სტეინბერგერი (ინგლ. Jack Steinberger; დაბადებაშ ჯოხო Hans Jakob Steinberger; დ. 25 მესი, 1921, ბად-კისინგენი, გერმანია — ღ. 12 ქირსეთუთა, 2020, ჟენევა, შვეიცარია) — გერმანალი-ამერიკალი ფოზიკოსი. გურაფულენდჷ ნეიტრინოს. მიუონური ნეიტრინოშ ძირაფაშ დო დოგურაფაშ გეშა, 1988 წანას გინოჩეს ნობელიშ პრემია ფიზიკას (ლეონ მაქს ლედერმანი დო მელვინ შვარციწკჷმა ართო).

ბიოგრაფია[რედაქტირაფა | წყუშ რედაქტირაფა]

ჯეკ სტეინბერგერქ დებადჷ 1921 წანაშ 25 მესის, გერმანიაშ ნოღა ბად-კისინგენს. ნაცისტეფიშ ანტისემიტურ პოლიტიკაშ გურშენ, ჯეკ სტეინბერგერიშ დიდა დო მუმაქ, 13 წანერ ჯეკი ამერიკაშა გუტეს. ჯეკი გურაფულენდჷ ნიუ-ტრიერიშ სკოლას (არიზონა) უკულ გურაფა გაგინძორჷ არმურიშ ტექნოლოგიაშ ინსტიტუტის (ასეიან ილინოისიშ ტექნოლოგიაშ ინსტიტუტი), სოდეთ გურაფულენდჷ ქიმიურ ინჟინერიას. 1942 წანას ჯეკ სტეინბერგერქ მიპალუ ბაკალავრიშ ხარისხი ქიმიას, ჩიკაგოშ უნივერსიტეტის. ოდოქტორე დისერტაცია ხოლო ჩიკაგოშ უნივერსიტეტის თხილუ. ჩიკაგოშ უნივერსიტეტიშ გეჩინებაფუ ედვარდ ტელერი დო ენრიკო ფერმი. გურაფაშ თებაშ უკულ მუშენდჷ კალიფორნიაშ უნივერსიტეტის (ბერკლი), კოლუმბიაშ უნივერსიტეტის დო CERN-ის ხოლო.

გიშნაგორა პუბლიკაციეფი[რედაქტირაფა | წყუშ რედაქტირაფა]

პერსონალური რინა[რედაქტირაფა | წყუშ რედაქტირაფა]

სტეინბერგერიშ ოსური რდჷ ჯოან ბოურეგარდი. თიშე ჸუნდუ ჟირი სკუა. სტეინბერგერიშ მაჟირა ოსური რდჷ ბიოლოგი სინტია ალფი. თიშე ხოლო ჟირი სკუა ჸუნდუ. ჯეკ სტეინბერგერიშ სკუაქ ნედ სტეინბერგერქ დარსხუ მუსიკალური ინსტრუმენტეფიშ კომპანია სტეინბერგერი. ჯეკ სტეინბერგერიშ მაჟია სკუა ჯულია სტეინბერგერი რე ლოზანაშ უნივერსიტეტიშ ეკოლოგიური ეკონომიკაშ პროფესორი. ჯეკ სტეინბერგერი, მუჭოთ ათეისტი დო ჰუმანისტი რდჷ ჰუმანიზმიშ აკადემიაშ პრემიაშ ლაურეატი. 1980-იან წანეფშე სტეინბერგერქ გილეშჷ მუშ ოდაბადურ ნოღა ბად-კისინგენშა. ბად-კისინგენიშ სკოლას, სოდეთ სტეინბერგერი გურაფულენდჷ, გიადჷ სტეინბერგერიშ ჯოხოქ, 2001 წანას. ჯეკ სტეინბერგერქ ღურუ 2020 წანაშ 12 ქირსეთუთას, 99 წანერქ, შვეიცარიაშ ნოღა ჟენევას.

რესურსეფი ინტერნეტის[რედაქტირაფა | წყუშ რედაქტირაფა]