ბიძინა ივანიშვილი
| ბიძინა ივანიშვილი | ||
 | ||
|---|---|---|
| პოსტის გერინაშ ბორჯი | ||
| 25 გჷმათუთა, 2012 – 20 გერგობათუთა, 2013 | ||
| პრეზიდენტი | მიხეილ სააკაშვილი | |
| წიმოხონი | ივანე მერაბიშვილი | |
| დუნაბადი | 18 ფურთუთა, 1956 ჭორვილა, საჩხერეშ რაიონი | |
| მენოღალობა | საქორთუო | |
| ერუანობა | ქორთუ | |
| პოლიტიკური პარტია | ქორთული ოცნება — დემოკრატიული საქორთუო | |
| ალმასქუ | ეკატერინე ხვედელიძე | |
| სქუალეფი | უტა ბერა გვანცა ცოტნე[1] | |
| რელიგია | მართლმადიდებელი | |
ბიძინა ივანიშვილი (დ. 18 ფურთუთა, 1956, ჭორვილა, საჩხერეშ რაიონი, საქორთუოშ სსრ) — ქორთუ[2] პოლიტიკოსი, ბიზნესმენი დო ოლიგარქი. საქორთუოშ პრემიერ-მინისტრი 2012 წანაშე 2013 წანაშ 20 გერგობათუთაშახ. 2000 წანაშე სან-მარინოშ ოპატიე კონსული საქორთუოს,[3] ეკონომიკაშ მენცარობეფიშ დოქტორი.[4]
ბიოგრაფია
ორდოშიანი წანეფი
ბიძინა ივანიშვილქ დებადჷ ოფუტე ჭორვილას (საჩხერეშ მუნიციპალიტეტის), მუმა რდჷ ჭიათურაშ მანგანუმიშ კომბინატიშ მაღაროალი. სკოლაშ თებაშ უკული ენირიცხჷ ქართიშ სახენწჷფო უნივერსიტეტის ოინჟინერე-ეკონომიკურ ფაკულტეტის. გურაფაშ თებაშ უკული მუშენდჷ ჩარხეფიშ მაკიდალი ქარხანას მუშათ, უნჩაში ინჟინერო, ლაბორატორიაშ უნჩაშო. 1982 წანას თხილუ ოკანდიდატე დისერტაცია თემაშე: „მენცარული ორგანიზაცია დო ხანდაშ ეკონომიკა“.
მოგვიანაფილო ივანიშვილქ მჷწიჭყჷ მუში ბიზნესი: დიო აწარმენდჷ არმირაფილ სვირეფს, უკული კომპიუტერეფით ვაჭარენდჷ. თიშ მაართა დჷმაკვათალი რდჷ საქორთუოშ მენცარობაშ აკადემია. თე დოკვათუაშ უკული ივანიშვილს ქაშუ სოლიდურ თანხაქ, მუდგათ პროკურატურაქ დეინტერესჷ დო ანგარიშეფი ბანკის დუყადაღჷ.
1988 წანას ივანიშვილქ ქჷდიტუ საქორთუო დო გაგინძორჷ საქვარუა მოსკოვს, სოდგა ახალ პარტნიორეფწკჷმა ართო გაგინძორჷ კომპიუტერეფით ვაჭრუა. მუსხირენი ხანიშ უკული კომპიუტერეფწკჷმა ართო დიჭყეს ანგიშ გინმაღალარი აპარატეფით დო ტელეფონეფით ვაჭრუა. თეშ უკული პარტნიორეფქ ქიჸიდეს ელექტრონიკაშ მაწარმებელი ქარხანა ჰონგ-კონგის. 1990 წანაშო ივანიშვილი რდჷ ელექტრო-ტექნიკაშ გჷმოჩამაშ ართი-ართი ლიდერი რუსეთის. შაყარელი კაპიტალით ივანიშვილქ დო თიშ პარტნიორეფქ გონწყეს ბანკი „როსკრედიტი“.
აქტივეფი, ოჩეჟქიმინჯალე და შხვა საქვარუა
ივანიშვილიშ ედომუშამი ვარა ნორთულ დორხველობას რე: უქანცაფუ ღმალაშ ჰოლდინგური კომპანია "მეტალოინვესტი", ოაფთიაქე რშვილი "ექიმი სტოლეტოვი", "რუსული კრედიტი", "იმპექსიბანკი", "ინტერფინდ ტრეიდი", "სტოილენსკიშ ნივა", "ტიაჟმეხპრესი", "რტი-კაუჩუკი", რადიოტექნიკური ნაწარმიშ ურალიშ ქარხანა, "ერკაფარმა", სადაზღვიო კომპანია "რკ-გარანტი", სასუმაროეფი "მინსკი" დო "ცენტრალური" ოტრანსპორტე კომპანია "ნაგურაშურიშ გინოღალაშ ცენტრი"; საქორთუოს: ოჭკომალი პროდუქტეფიშ კომპანია "თოლია", ბანკი "ქართუ".
ივანიშვილიშ ჯოხოს ორსხუ ოთხილამურე კომპლექსიშ "ბაკურიანი-2"-იშ კიდუა, მარჯანიშვილიშ დო რუსთაველიშ თეატრეფიშ რეკონსტრუქცია, ტელეკომპანია „მა-9 არხი“ დო ა.უ.
პოლიტიკური მოღალობა
2011 წანაშ 5 გჷმათუთას ბიძინა ივანიშვილქ აკეთჷ განცხადება, სოდეთ ეშანილი რდჷ, ნამუდა თინა დორხველი პოლიტიკური პარტიაშ დორსხუაფას დო 2012 წანაშ ოპარლამენტე გჷშაგორუეფს კათინს ლამენდჷ.[5] 2 დღაშ უკული, 7 გჷმათუთას, ივანიშვილქ ფირჩა განცხადება აკეთჷ, სოდეთ მუში მუმალ პოლიტიკურ გეგმეფშენ იჩიებუდჷ.[6] 11 გჷმათუთას ომენოღალური რეესტრიშ სააგენტოქ გაცხადჷ, ნამუდა ივანიშვილქ საქორთუოშ მენოღალობა მიოდინუნ.[7] 17 გერგობათუთას თიქ საქორთუოშ პრეზიდენტის თხუ მენოღალობაშ მეჩამა.[8]
2012 წანაშ 21 ფურთუთას ბიძინა ივანიშვილქ კოალიცია ქჷდარსხუ მუში ჯინჯიერ პოლიტიკურ პარტნიორეფწკჷმა: საქორთუოშ რესპუბლიკური პარტია, ჩქინი საქორთუო - დუდიშული დემოკრატეფი, ერუანული ფორუმი.[9][10] მოგვიანაფილო, კოალიციას ქახოლჷ „ხერეჭუა გინატენს საქორთუოს“.[11] ივანიშვილიშ პარტია „ქორთული ოცნება — დემოკრატიული საქორთუოქ“ ოფიციალურო 2012 წანაშ 21 პირელს ქჷდირსხუ.[12]
2012 წანაშ 1 გჷმათუთაშ ოპარლამენტე გჷშაგორუეფს ივანიშვილიშ კოალიციაქ გომორძგუა ქომიპალუ დო გეჭოფჷ 85 მანდატი 150-შე. გჷშაგორუეფიშ უკული ივანიშვილს ხეახალაშო ქიმიაჩჷ საქორთუოშ მენოღალობაქ. 2012 წანაშ 25 გჷმათუთას პარლამენტიქ დანტკიცჷ ახალი თარობა ბიძინა ივანიშვილიშ ხემანჯღვერალათ.[13]
ლიტერატურა
- ჟურნალი ბიზნესი და კანონდვალა №1. ღურთუთა 2008 წ.
რესურსეფი ინტერნეტის
სქოლიო
- ↑ პარტიაშ დორსხუაფას ივანიშვილი სქუას ალერინუანს
- ↑ (ინგლისური) The Richest Georgians of the World
- ↑ ნიკოლოზ ვაშაკიძე: "სან-მარინოშ ოპატიე კონსულიშ საღალეეფიშ რსულებაშვანს ბიძინა ივანიშვილს მუთუნი სერიოზული აქტივობა ვა ნოღვე" // Information Agency 'PirWeli'[ღურელი რსხილი]
- ↑ ბიძინა ივანიშვილი Archived 2011-01-22 ვებ-ხასჷლას Wayback Machine. 2010 წლის Forbes რეიტინგის.
- ↑ ბიძინა ივანიშვილი 2012 წანაშ ოპარლამენტე გჷშაგორუეფს ოკათინალო პარტიას ორსხუანს. სივილ ჯორჯია, ქართი / 5 გჷმ.'11 / 12:12
- ↑ ივანიშვილიშ განცხადება – რსული ტექსტი. სივილ ჯორჯია, ქართი / 7 გჷმ.'11 / 12:18
- ↑ ხეშუულობაშ თქუალათ, ივანიშვილი საქორთუოშ მენოღალე ვა რე Archived 2016-03-05 ვებ-ხასჷლას Wayback Machine. სივილ ჯორჯია, ქართი / 11 გჷმ.'11 / 16:12
- ↑ ივანიშვილი საქორთუოშ პრეზიდენტის მენოღალობაშ ეიოჭოფალო მითმიოწურუანს სივილ ჯორჯია, ქართი / 17 გერგ.'11 / 16:02
- ↑ ივანიშვილი, ალასანია დო უსუფაშვილი პოლიტიკური კოალიციაშ აკოქიმინუაშე ქიმირაგადუეს Archived 2016-03-04 ვებ-ხასჷლას Wayback Machine. სივილ ჯორჯია, ქართი / 14 ქირს.'11 / 13:36
- ↑ ივანიშვილიშ კოალიციაქ ქჷდირსხუ. სივილ ჯორჯია, ქართი / 21 ფურთ.'12 / 14:58
- ↑ ხერეჭუა გინატენს საქორთუოს ივანიშვილიშ კოალიციას ახოლუ. ჟურნალი ტაბულა.
- ↑ ქჷდირსხუ პარტია ”ქორთული ოცნება - დემოკრატიული საქორთუო”. „რადიო თავისუფლება“. 21.04.2012
- ↑ ახალი პრემიერ–მინისტრი დო თარობა დანტკიცებული რე. სივილ ჯორჯია, ქართი / 25 გჷმ.'12 / 16:26
| პოლიტიკური პოსტი | ||
|---|---|---|
| წიმოხონი: ივანე მერაბიშვილი |
საქორთუოშ პრემიერ-მინისტრი 2012 – |
გეჸვენჯი: ' |
| |||||||||||||
