გიორგი მარგველაშვილი

	გიორგი მარგველაშვილი;
	;
საქორთუო საქორთუოშ პრეზიდენტი საქორთუო
პოსტის გერინაშ ბორჯი
	17 გერგობათუთა, 2013 – 16 ქირსეთუთა, 2018
პრემიერ-მინისტრი	ბიძინა ივანიშვილი; ირაკლი ღარიბაშვილი
წიმოხონი	მიხეილ სააკაშვილი
მონძე	სალომე ზურაბიშვილი
საქორთუოშ განათებაშ დო მენცარობაშ მინისტრი
პოსტის გერინაშ ბორჯი
	25 გჷმათუთა 2012 – 18 კვირკვე 2013
პრეზიდენტი	მიხეილ სააკაშვილი
პრემიერ-მინისტრი	ბიძინა ივანიშვილი; ირაკლი ღარიბაშვილი
წიმოხონი	ხატია დეკანოიძე
მონძე	თამარ სანიკიძე
მენოღალობა	საქორთუო
ერუანობა	ქორთუ
ალმასქუ	მაკა ჩიჩუა
სქუალეფი	ანა მარგველაშვილი
პროფესია	ფილოსოფოსი
რელიგია	მართლმადიდებელი
ხეშმოჭარუა

გიორგი მარგველაშვილი (დ. 4 ეკენია, 1969, ქართი) — საქორთუოშ პრეზიდენტი 2013 წანაშ 17 გერგობათუთაშე 2018 წანაშ 16 ქირსეთუთაშა. ქორთუ პოლიტიკოსი, ფილოსოფოსი.

ბიოგრაფია

გიორგი მარგველაშვილქ დებადჷ ქართის, ინჟინერ თეიმურაზ მარგველაშვილიშ (დ. 1938) დო ფსიქოლოგ მზეანა გომელაურიშ (დ. 1933) ფანიას.

გათუ ქართიშ N1 საჯარო სკოლა. 1987-1992 წანეფს გურაფულენდჷ ივანე ჯავახიშვილიშ ჯოხონობაშ ქართიშ სახენწჷფო უნივერსიტეტის. 1993-1994 წანეფს გურაფულენდჷ ცენტრალური ევროპაშ უნივერსიტეტის (Central European University), დიპლომიშ უკულიან კურსის სოციოლოგიას (პრაღა, ჩეხეთი).^[1] მუშენდჷ: 1992-1995 წანეფს ტურისტულ კომპანიას საგვალო ტურიზმიშ გიდო; ^[1]1994-1995 წანეფს „ბიზნეს დღიურებიშ“ მარკეტინგიშ დეპარტამენტიშ უნჩაშო; 1996-1997 წანეფს რდჷ ქართიშ ზოხორინელი უნივერსიტეტიშ ლექტორი ფილოსოფიას დო კულტურას.^[2] 1995-2000 წანეფს ოერეფოშქაშე ურთიართალეფიშ ერუანულ დემოკრატიული ინსტიტუტიშ აბანობური ხემანჯღვერალაშ - პროგრამაშ კონსულტანტი. 1998 წანას მიაჩჷ დოქტორიშ ხარისხიქ ფილოსოფიას.

2000-2006 დო 2010-2012 წანეფს საქორთუოშ ოჯარალუ საქვარეფიშ ინსტიტუტიშ რექტორი რდჷ. 2006-2010 წანეფს საქორთუოშ ოჯარალუ საქვარეფიშ ინსტიტუტიშ ორკვიე დეპარტამენტიშ უნჩაში.^[3]

პოლიტიკა

2011 წანაშე აქტიურო მიშელჷ პოლიტიკაშა. გჷშმეშჷ ბიძინა ივანიშვილიშ დო „ქორთული ოცნებაშ“ ალმარინჯეთ. ოპარლამენტე ეშაგორუეფს კოალიციაშ გომორძგუაშ უკული, 2012 წანაშ 25 გჷმათუთას დარინეს განათებაშ მინისტრო. 2013 წანაშ 11 მესის კოალიცია ქორთულ ოცნებაქ პრეზიდენტალაშ კანდიდატო წჷმარინუ^[4]. ეშაგორუეფს კათინიშ გეშა გიორგი მარგველაშვილქ ქიდიტუ მინისტრიშ პოსტი 2013 წანაშ 18 კვირკვეს. 27 გჷმათუთაშ ოპრეზიდენტე ეშაგორუეფს თიქ ხონარეფიშ 62% ეჭოფჷ დო ეშაგორილქ იჸუ საქორთუოშ პრეზიდენტო.

დორხველი რინა

ოდაბადური ქორთულიშ მოხ უჩქჷ ინგლისური დო რუსული.^[5] მუში ჰობი რე ფელური დო ცხენენდობა. ჸუნს ოსურსქუა ანა, ნამუთ დაბადებული რე 1993 წანას დო გურაფულენს საქორთუოშ ოჯარალუ საქვარეფიშ ინსტიტუტის. მუში მაჸალე ოსური რე არტისტი დო ხანტუ მაკა ჩიჩუა.^[6]

რესურსეფი ინტერნეტის

შეგილებუნა ქოძირათ მედიაფაილეფი თემაშე „გიორგი მარგველაშვილი“ ვიკიოწკარუეს.
საქორთუოშ პრეზიდენტიშ ოფიციალური საიტი
პრეზიდენტალაშ კანდიდატიშ ოწმოხოეშაგორუე პროგრამა Archived 2015-06-11 ვებ-ხასჷლას Wayback Machine.
გიორგი მარგველაშვილი Facebook-ის

სქოლიო

↑ ^1.0 ^1.1 გიორგი მარგველაშვილიშ ბიოგრაფია
↑ მი რე გიორგი მარგველაშვილი?
↑ გიორგი მარგველაშვილი — ბიოგრაფიული ჩინებეფი Archived 2014-07-12 ვებ-ხასჷლას Wayback Machine.
↑ „ქორთული ოცნებაშ“ საპრეზიდენტო კანდიდატი გიორგი მარგველაშვილიე
↑ გიორგი მარგველაშვილიშ ბიოგრაფიული ჩინებეფი^{[ღურელი რსხილი]}
↑ გიორგი მარგველაშვილიშ ბიოგრაფია Archived 2013-11-11 ვებ-ხასჷლას Wayback Machine.

[bio-1] 1.0 ^1.1 გიორგი მარგველაშვილიშ ბიოგრაფია

[2] მი რე გიორგი მარგველაშვილი?

[3] გიორგი მარგველაშვილი — ბიოგრაფიული ჩინებეფი Archived 2014-07-12 ვებ-ხასჷლას Wayback Machine.

[4] „ქორთული ოცნებაშ“ საპრეზიდენტო კანდიდატი გიორგი მარგველაშვილიე

[5] გიორგი მარგველაშვილიშ ბიოგრაფიული ჩინებეფი^{[ღურელი რსხილი]}

[6] გიორგი მარგველაშვილიშ ბიოგრაფია Archived 2013-11-11 ვებ-ხასჷლას Wayback Machine.

[1]

[2]

[3]

[4]

[5]

[6]