ერსტედიშ მენდალი
ერსტედიშ მენდალი (ინგლ. Oersted Medal) — რე ჯილდო ნამუსჷთ ადმინისტრირენს ფიზიკაშ მაგურაფალეფიშ ამერიკული ასოციაცია. ჯილდოქ დირსხუ 1936 წანას დო თინა შინელი დანიარი ფიზიკოსიშ დო ქიმიკოსიშ ჰანს ქრისტიან ერსტედიშ ჯოხონობაშ რე. ჯილდო გინმაჩამუ ჸეთი მენცარეფს, ნამუეფქჷთ მიშეღეს დიდი თია ფიზიკაშ გურაფაშ მეთოდეფიშ გოვითარაფაშა.
ერსტედიშ მენდალიშ ლაურეატეფი შხვადოშხვა ბორჯის რდეს გიშარჩქინელი მენცარეფი: რობერტ მილიკენი, ედუარდ მილს პერსელი, რიჩარდ ფეინმანი, ისიდორ ისააკ რაბი, ნორმან ფოსტერ რამზეი, ჰანს ბეთე, კარლ ვიმანი, არნოლდ ზომერფელდი, ჯორჯ ულენბეკი, ფილიპ მორისონი, ჯერალდ ჰოლტონი, ჯონ არჩიბალდ ვილერი, ფრენკ ოპენჰაიმერი, კარლ სეიგანი, ფრიმენ დაისონი, დენიელ კლეპნერი, ლორენს კრაუსი, ენტონი ფრენჩი, რობერტ ვიხარდ პოლი, მილდრედ დრესელჰაუსი დო შხვეფი.