ნორმან ფოსტერ რამზეი

ვიკიპედიაშე
ნორმან ფოსტერ რამზეი
ინგლ. Norman Foster Ramsey Jr.
დაბადებაშ თარიღი:

27 მარაშინათუთა, 1915

დაბადებაშ აბანი:

ვაშინგტონი, ააშ

ღურაშ თარიღი:

გერგობათუთა 4, 2011 (96 წანერი)

ღურაშ აბანი:

ვეილენდი, მასაჩუსეტსი, ააშ

მენოღალობა:

ამერიკაშ აკოართაფილი შტატეფიშ შილა ააშ

ომენცარე სფერო:

ფიზიკა

სამუშაშ აბანი :

კოლუმბიაშ უნივერსიტეტი
ჰარვარდიშ უნივერსიტეტი

ალმა-მატერი:

კოლუმბიაშ უნივერსიტეტი
კემბრიჯიშ უნივერსიტეტი

ომენცარე ხემანჯღვერი:

ისიდორ ისააკ რაბი

ჯოხოშინელი მოგურაფეეფი:

უილიამ ნირენბერგი
დენიელ კლეპნერი
დევიდ ვაინლენდი

ჯილდოეფი დო პრემიეფი:

ერნესტ ლოურენსიშ პრემია (1960)
დეივისონი-ჯერმერიშ პრემია (1974)
ღრისებაშ ორდენი IEEE (1984)
ისიდორ ისააკ რაბიშ პრემია (1985)
რუმფორდიშ პრემია (1985)
ერსტედიშ მენდალი (1988)
მენცარობაშ ერუანული მენდალი (1988)
ნობელიშ პრემია ფიზიკას (1989)
დირაკიშ მენდალი (1990)
ვენივარ ბუშიშ პრემია (1995)

ნორმან ფოსტერ რამზეი უკულაში (ინგლ. Norman Foster Ramsey Jr.; დ. 27 მარაშინათუთა, 1915, ვაშინგტონი, ააშ — ღ. 4 გერგობათუთა, 2011, ვეილენდი, მასაჩუსეტსი, ააშ) — ამერიკალი ფიზიკოსი. გორთილი ოსცილატორული ვეშ მეთოდიშ გჷმოგონებაშ გეშა, გინოჩეს ნობელიშ პრემია ფიზიკაშ დარგის 1989 წანას. ჸათე გამოგონებას უღუდჷ დიდი შანულობა ატომური საათეფიშ კონსტრუქციაშო. რამზეი რდჷ ჰარვარდიშ უნივერსიტეტიშ ფიზიკაშ პროფესორი დო უკინებუდჷ შხვადოშხვა პოსტეფი ამერიკულ დო საირქიანო ორგანიზაციეფს, მაგალთო ნატოს დო ააშ-იშ ატომური ენერგიაშ კომისიას.

ნორმან ფოსტერ რამზეი გურაფულენდჷ ინჟინერიას დო მათემატიკას კოლუმბიაშ უნივერსიტეტის. უკულიან წანეფს ფიზიკათ დეინტერესჷ დო გურაფა გაგინძორჷ კემბრიჯიშ უნივერსიტეტიშ კავენდიშიშ ლაბორატორიას, ერნესტ რეზერფორდიშ დო მორის გოლდჰაბერიშ ხემანჯღვერობათ. კემბრიჯის რამზეიქ გეჩინებაფუ გიშარჩქინელი მენცარეფი: ედვარდ ეპლტონი, მაქს ბორნი, ჯეიმზ ჩედვიკი, ჯონ კოკროფტი, პოლ დირაკი, ართურ ედინგტონი, რალფ ჰოვარდ ფაულერი, მარკ ოლიფანტი, ჯოზეფ ჯონ თომსონი დო შხვეფი. რამზეიქ ოდოქტორე დისერტაცია თხილუ კოლუმბიაშ უნივერსიტეტის, 1940 წანას.

გურაფაშ თებაშ უკულ რამზეი მუშენდჷ ილინოისიშ უნივერსიტეტის. მაჟირა მოსოფელიშ ლჷმაშ ბორჯის რობერტ ოპენჰაიმერიშ ინიციატივათ, რამზეი ოკათუდჷ მანჰეტენიშ პროექტის. ლჷმაშ თებაშ უკულ კინ კოლუმბიაშ უნივერსიტეტიშა დირთჷ. ართი პერიოდის იმუშუ ჩიკაგოშ დო მიჩიგანიშ უნივერსიტეტეფს ხოლო. ნორმან ფოსტერ რამზეი ნობელიშ პრემიაშ გარდა, რდჷ შხვადოშხვა პრემიეფიშ დო ჯილდოეფიშ ლაურეატი. ღურუ 2011 წანაშ 4 გერგობათუთას, 96 წანერქ.

რესურსეფი ინტერნეტის[რედაქტირაფა | წყუშ რედაქტირაფა]