ნასერ ალ-დინ შაჰი

	ნასერ ალ-დინ შაჰი
	სპარს. ناصرالدین شاه قاجار
	ირანიშ 30-ა შაჰი
დუდალ. დაჭყაფუ:	5 ეკენია, 1848
დუდალ. დათებუ:	1 მესი, 1896
წიმოხონი:	მუჰამედ-შაჰ ყაჯარი
მონძე:	მოზაფარ ალ-დინ შაჰი
დაბ. თარიღი:	16 კვირკვე, 1831
დაბ. აბანი:	თავრიზი, ირანი
ღურ. თარიღი:	მესი 1, 1896 (64 წანერი)
ღურ. აბანი:	თეირანი, ირანი
სქუალეფი:	11 ქომოლსკუა; დო 10 ცირასკუა
ედომუშამი ჯოხო:	ნასერ ალ-დინ შაჰი
დინასტია:	ყაჯარი
მუმა:	მუჰამედ-შაჰ ყაჯარი
ნანა:	მალეკ იოჰან ხანუმი
რელიგია:	ისლამი, შიიტური გეჸვენჯობაშ
ხეშმოჭარუა:

ნასერ ალ-დინ შაჰ ყაჯარი (სპარს. ناصرالدین شاه قاجار; დ. 16 კვირკვე, 1831 — ღ. 1 მესი, 1896) — ირანიშ შაჰი 1848-1896 წანეფს. ყაჯარეფიშ დინასტიაშ მაანთხა წჷმმარინაფალი. მუჰამედ-შაჰ ყაჯარიშ ქომოლსქუა.

ნასერ ალ-დინ შაჰიქ დებადჷ 1831 წანაშ 16 კვირკვეს, თავრიზის. ფათალი-შაჰიშ მონძე, მუჰამედ-შაჰ ყაჯარიშ დ მელექ იაჰან ხანუმიშ ფანიას.

ირანიშ შაჰიშ ხვისტაშა ეშართჷ 1848 წანას, მუმამუშიშ, მუჰამედ-შაჰ ყაჯარიშ ღურაშ უკული.

ნასერ ალ-დინ შაჰი ირანიშ აკა ალმახანური მონარქი რდჷ, ნამუსჷთ ვიზიტი უღუდჷ ევროპას. 1873 წანას დო 1878 წანას. დო მუჭოთ რჩქინელი რე, თიქ აჸონებულქ დოსქიდჷ თექ ნაძირეფუ ტექნოლოგიათ. თინა რდჷ აკა სპარსი მონარქი, ნამუქჷთ მიღჷ გოართოიანაფილი ომაფეშ უდიდაში— კავალერიშ ორდენი.

ნასერ ალ-დინ შაჰი რდჷ ძალამ ეფექტური. თიქ ეწიჭოფჷ ოშურიელე პიჯეფი დო საერო ნძალაუფლება. გაჩინებაფუ თინეფს სატელეგრაფო დო საფოსტო ნინალა. თიშ მართუალაშ პერიოდის გინწყჷ მაართა სკოლა დო დობეშტჷ მაართა გაზეთი. თის ძალამ მოწონდჷ ფოტოგრაფია. დუდმაართათ, თი მუშოთ გჷნიღჷ ოშშე უმოსი სურათი.

1872 წანას, თიში ზოჯუათ, ედომუშამ ირანს რკინაშარაშ აკოგაფაქ დიჭყჷ. 1890 წანას - ნასერ ალ-დინ შაჰიქ აძვილებურქ იჸუ, თუთუმიშ ჸიდირ-გიმოჩამა დოუშქუმალუდჷკონ.

ნასერ ალ-დინ შაჰიქ დოღღურჷ 1896 წანას, თეირანს.

ნასერ ალ-დინ შაჰის 11 ქომოლსქუა დო 10 ცირასქუა ჸუნდჷ. თიშ ღურაშ უკული, ირანიშ შაჰიშ ხვისტაშა ეშართჷ თიშ რანწკით მა-6 ქომოლსქუაქ - მოზაფერ ად-დინ მირზაქ (მუმალს, მოზაფარ ალ-დინ შაჰი).

რესურსეფი ინტერნეტის