რობერტ ბროუნი
| რობერტ ბროუნი | |
| ინგლ. Robert Brown | |
.jpg) რობერტ ბროუნი 1855 წანას | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
მანგი 10, 1858 (84 წანერი) |
| ღურაშ აბანი: | |
| მენოღალობა: | |
| ომენცარე სფერო: | |
| სამუშაშ აბანი : | |
| ალმა-მატერი: | |
| ჯილდოეფი დო პრემიეფი: |
ომაფე ჯარალუაშ მაკათური (1811) |
.svg){kind=small}
რობერტ ბროუნი (ინგლ. Robert Brown; დ. 21 ქირსეთუთა, 1773, მონტროზი, შოტლანდია — ღ. 10 მანგი, 1858, ლონდონი, ინგლისი) — შოტლანდიარი ბოტანიკოსი დო პალეობოტანიკოსი, ნამუქჷთ მიშეღჷ ქვერსემი კონტრიბუცია ბოტანიკაშ დისციპლინაშა პიონერული მიკროსკოპული რკვიებეფით. ბროუნიქ დეტალურო ეჭარჷ თოლიშ გვირზილი, ციკლოზი, ბროუნიშ ყარაფი, გჷმირკვიუ ჩანარეფიშ ენტომოფილია დო გაჸოფიერაფა, გიშართჷ ჩანარეფიშ ახალი ფანიეფი, ნამუ კლასიფიკაცია ასე ხოლო გიმირინუაფჷ.
დებადჷ შოტლანდიაშ ნოღა მონტროზის. გურაფულენდჷ მედიცინას ედინბურგიშ უნივერსიტეტის, მარა უმოსო ბოტანიკა ოინტერესუდჷ. 1794 წანას ბროუნიქ ჯარშა მიდართჷ, სოდეთ მუშენდჷ ქირურგიშ ასისტენტო. 1801-1805 წანეფს მონაწილენდჷ ომენცარე ექსპედიციას, ავსტრალიას. ბრიტანეთიშა დორთინაშ უკულ მუშენდჷ ჯოზეფ ბენკსიშ ბიბლიოთეკას. 1827 წანას ბროუნიქ ომუშებუშა გინილჷ ბრიტანეთიშ მუზეუმშა. 1849-1853 წანეფს ბროუნი რდჷ ლონდონიშ ლინეშ ჯარალუაშ პრეზიდენტი. 1811 წანას გიშაგორილქ იჸუ ლონდონიშ ომაფე ჯარალუაშ მაკათურო. 1839 წანას გინოჩეს კოპლიშ მენდალი.
რობერტ ბროუნიქ ღურუ 1858 წანაშ 10 მანგის, 84 წანერქ. დასაფულებური რე ლონდონიშ კენსალ-გრინიშ საფულას.
რესურსეფი ინტერნეტის
[რედაქტირაფა | წყუშ რედაქტირაფა]- რობერტ ბროუნი ენციკლოპედია ბრიტანიკას
- რობერტ ბროუნი Famous Scientists-ის