აბჟაყვა (აფხ. Абжьаҟәа — „გვერდი სოხუმი“) ― ოფუტე აფხაზეთიშ ავტონომიურ რესპუბლიკას, სოხუმიშ მუნიციპალიტეტის, წყარმალუ ბესლეთიშ კვარჩხანი წყარპიჯის. ბესლეთიშ თემიშ ცენტრი (ოფუტეეფი: ბესლეთი, ჟიმოლენი ბირცხა, თუდოლენი ბირცხა). ზუღაშ დონეშე 3 მ, უჩა ზუღაშე 5,5 კმ, სოხუმიშე 4 კმ. 2008 წანაშე ოკუპირაფილი რე რუსეთიშ ფედერაციაშით.[2]
აბჟაყვა ბესლეთიშ აფხაზური ჯოხოდვალა რე. ზიტყვა ჟირი ნორთიშე აკმოდირთუ, კერზოთ „აბჟ“ — ნამუთ აფხაზურო გვერდის შანენს დო „აყვა“ — ნოღა სოხუმიშ აფხაზური ჯოხო. თაჸურეშე აბჟაყვა აფხაზურო გვერდ აყვას ე. ი. გვერდ სოხუმს შანენს.
აფხაზეთიშ აკა ოფუტეს ვარე თისხი ისტორიული ობიექტი, მუსხით აბჟაყვას რენ. თინეფშე კანკალე, მუჭოთ სამანგათ XII ოშწანურაშ ძეგლი თ. ჯ. ვენედიკური ხინჯი წყარმალუ ბესლეთის წჷმარინუანს ხუროეფიშმონძღვარუაშ მინუშის.
