ავტონომიური რესპუბლიკა

ვიკიპედიაშე

ავტონომიური რესპუბლიკასახენწჷფობური წჷმნაქიმინა, ნამუსჷთ უღჷ ტერიტორია, კონსტიტუცია დო კანონდვალუა, ხეშუუელებაშ დო მართუალაშ უმაღალაშ ორგანოეფი, სასამართალო დო სახენწჷფობურობაშ შხვა ატრიბუტიკა. მარა კინე თე ბორჯის თინა ზოხორინელ სახენწჷფო ვარე[1].

სსრრ-შ ავტონომიური რესპუბლიკეფი[რედაქტირაფა | წყუშ რედაქტირაფა]

1964 წანაშე 1991 წანაშა, სსრრ-შ აკოდგინალუაშა მიშმალჷ მორსხუე რესპუბლიკეფს იდვალუაფუდჷ 20 ავტონომიური სხუნუეფიშ სოციალისტური რესპუბლიკა (ასსრ):

რსფსრ-ს:

საქორთუოშ სსრ-ს:

აზერბაიჯანიშ სსრ-ს:

უზბეკეთიშ სსრ-ს:

ავტონომიური რესპუბლიკეფი შხვა ქიანეფს[რედაქტირაფა | წყუშ რედაქტირაფა]

ასეიან ბორჯიშო ავტონომიურ რესპუბლიკეფი არსებენს აზერბაიჯანს დო უკრაინას.

რუსეთიშ რესპუბლიკეფს მუნეფიშ ჯოხოდვალას ზიტყვა "ავტონომიური" ვაუღუნა. ყარაყალპაკეთიშ რესპუბლიკა, ნამუთ მიშმურს უზბეკეთიშ აკოდგინალუაშა, ვაუღ ავტონომიურ რესპუბლიკაშ სტატუსი. მოლდოვეთიშ აკოდგინალუაშა მიშმურს გაგაუზიაშ ავტონომიური ტერიტორიული გოართოიანაფა. სერბეთის არსებენს ავტონომიური მხარე ვოევოდინა დო ავტონომიური მხარე კოსოვო დო მეტოხია (ფორმალურო).

საქორთუოშ ავტონომიური რესპუბლიკეფი[რედაქტირაფა | წყუშ რედაქტირაფა]

საქორთუოშ სუვერენულ ტერიტორიას არსებენს ჟირ ავტონომიური რესპუბლიკა — აფხაზეთიშ ავტონომიური რესპუბლიკა (ასე რუსეთის აფჷ ოკუპირაფილი) დო აჭარაშ ავტონომიური რესპუბლიკა. აჭარაშ ავტონომიურ რესპუბლიკას უღჷ მუშ კონსტიტუცია, შილა დო გერბი[2]. აჭარაშ სტატუსის გჷთმოთანჯუნს საქორთუოშს კანონი „აჭარაშ ავტონომიური რესპუბლიკაშ სტატუსიშენიბ“.[2] უმაღალაში კანონმადვალუ ორგანოს აჭარაშ ავტონომიურ რესპუბლიკას წჷმარინუანს უმაღალაში სხუნუ, ნამუთ გიშეგორუაფუ 4 წანაშ ხანით, უმაღალაშ ემაჸონაფალ ორგანო რე ავტონომიური რესპუბლიკაშ თარობა, აკანობური დუდმართუალაშ ორგანო რე საკრებულო, ემაჸონაფალ ორგანო რე გამგეობა (მერია)[2]. მართალმასაჯულაფა ავტონომიური რესპუბლიკაშ ტერიტორიას ირსხულებუ ხვალო სასამართალოეფიშე[2]. აჭარაშ ავტონომიურ რესპუბლიკას ქიმინჯენს ოკათე მათხილეშ (ომბუდსმენიშ) წმმარინაფალი, ნამუთ ზოხორინელი რე დო ჟიგინაჯინე ადამიერიშ ნებეფიშა დო დუდიშულეფიშ თხილუას. აჭარაშ ავტონომიურ რესპუბლიკას უღჷ მუშ ბიუჯეტი, ნამუსჷთ ირწანას ამტკიცენს აჭარაშ ავტონომიური რესპუბლიკაშ უმაღალაშ სხუნუ[2].

სქოლიო[რედაქტირაფა | წყუშ რედაქტირაფა]