აიბღა

ოფუტე აიბღა აფხ. Аибӷа ქიანა  საქორთუოსაქორთუო ავტონომიური რესპუბლიკა აფხაზეთიშ არაფხაზეთიშ არ მუნიციპალიტეტი გაგრაშ მუნიციპალიტეტი კოორდ. 43.571667,40.21166743°34′18″ ოორ. გ. 40°12′42″ ელ. გ. ცენტრიშ სიმაღალა 840 მ ბორჯიშ ორტყაფუ UTC+4 აიბღა აიბღა

აიბღა (აფხ. Аибӷа) — ჟირო გორთილი ოფუტე საქორთუოშ აფხაზეთიშ ავტონომიური რესპუბლიკაშ გაგრაშ მუნიციპალიტეტიშ დო რუსეთიშ ფედერაციაშ კრასნოდარიშ აკანიშ სოჭიშ რაიონს.

გეოგრაფია

ოფუტე აიბღა წყარმალუ ფსოუშ ჟირხოლო წყარპიჯის დვალუაფჷ, ზუღაშ დონეშე 840 მ სიმაღალას დო სახენწჷფო ხურგით ჟირ ნორთო ირთჷ, მარძგვანი ნორთი რუსეთის ორხველჷ, კვარჩხანი — საქორთუოს.

ოდებელი ტერიტორია

აიბღა ასეშა რუსეთ-საქორთუოშ ოდებელ ტერიტორიას წჷმარინუანს, მუშ ბორჯის ხურგიშ დელიმიტაციაშ რუსულ-ქორთული კომისიაშ ხუნას ოკითხირეთ რდჷ დოხუნელი წყარმალუ ფსოუშ კვარჩხანი წყარპიჯის მადვალი თე ოფუტეშ განობაშ რუსეთიშო მერხველაფაშ გეშა. თე ბორჯის ქორთულ კუნთხუქ გჷმირჩქინჷ კატეგორიული პოზიცია დო ოფუტეშ თე ნორთის კინ საქორთუოშ (აფხაზეთიშ) ნორთო მიარზენდჷ. საქორთუოშ თე პოზიციაშ გეშა აფხაზეთიშ დე-ფაქტო ადმინისტრაციაქ ვარაოფიციალური ფორმათ მარდი გჷნუგჷ ქორთულ კუნთხუს.

2011 წანაშ მანგის, რუსეთიშ ფედერაციაშ ადლერის რაიონიშ სამართალმათხილეეფი ოფუტე აიბღას რდეს, თექ რუსული სამართალმათხილე დო ადმინისტრაციული სტრუქტურეფიშ დჷმაკვირაფალეფიშ ღანკით, კერზოთ, რუსეთიშ ფედერაციაშ ღანკი საქორთუოშ ტერიტორიას განობაშ ინსპექტორობაშ ინსტიტუტიშ მიშაღალა რე. ეშანილი ქიმინუა იფასებჷ, მუჭოთ ოერეფოშქაშე სამართალით ჩინებული საქორთუოშ სახენწჷფო ტერიტორიაშ ოკუპირაფილი ნორთიშ ბონი ანექსია. რუსეთიშ კუნთხუ თეს „სოჭიშ ოლიმპიადაშ უშქურანჯობაშ გამანგარებაშ“ სამანჯელით ეთმენწჷყუნდჷ.

2011 წანაშ გჷმათუთას, გაგრაშ მუნიციპალიტეტიშ დაბა განთიადის რუსი „მეხურგეეფშო“ აკოგაფილი ნოღაშ ექსპლუატაციაშა მიშულაშ ოხიოლე ცერემონიაქ იმანჯჷ. „ექსპერტეფიშ კლუბიშ“ წჷმმარინაფალეფიშ არზით რუსი „მეხურგეეფი“ აკოანჯარაფილი აფხაზი „პატრიოტეფიშჸურე“ ოფუტე აიბღაშ ოთხილარო ხაზირენეს.

ოურდუმე ხარხუაშ მოხ, რუსეთიშ ინტერესეფი ოფუტე აიბღას თით რე გოპიჯაფილი, ნამჷ-და თინა დინდარი რე ტყათ დო სარგებელი დინოხურიშით, კერზოთ, მარმალით.

მახორობა

აფხაზეთიშ სეპარატისტული პარლამენტიშ „დეპუტატიშ“ ვალერი კვარჭიაშ გჷნაცხადით „ზარხულს ოფუტეს 26-შახ ადამიერი ოხორანს, ზოთონჯის — თექ მუსხირენი - არძაშე გურამი დო ჭყანიერი ადამიერი სქიდჷ“.

რესურსეფი ინტერნეტის

• ოფუტე აიბღა – რუსულ–აფხაზური „აკორთაშ უშქური“ // Presa.ge
• აიბღა. რუსულ-აფხაზური დებაშ გეშა (ვიდეო)