გირინი

გირინი (ლათ. Asinus) — ცანდჩორქოამი ბჟაშუმუფიშ გიმენგვარი ცხენიშობურეფიშ ფანიაშე. ცხენიშე გინორთელო, უღუ გჷრძე ჸუჯეფი, დიდი დუდი, ინწრო ჩორქოეფი, ჭიფე კუდელი, ნამუთ ითებუ გჷრძე ბოწოწიშ ქუჩუჩით. ტყარი გირინი გოფაჩილი რე აფრიკას, წჷმი, შქა დო ცენტრალურ აზიას. მორჩილ ჯოგეფო ხე ტიოზეფს დო ველეფს. ჭკომჷნა ოდიარეს. გვარს ართი გვარობა რე — აფრიკული ტყარი გირინი (Equus (Aqinus) africanus), ნამუთ გოფაჩილი რე სომალის, ეთიოპიას, ერიტრეას. გირინიშ გვარი ძალამი მორჩილმუდანამი რე. დადული გირინი წანმოწანას ართ ჩოჩიკიას ხანს. თელარაშ ხანგჷრძალა 12-18 წანა რე.

ჸუდეშ გირინიშ ჯიშიშ ჟირი ბუნა რსებენს:

• აფრიკაშ დო აზიაშ აბანური რსხულმორჩილი (თ. მ. ყაზახური, შქა აზიაშ დო კავკაციური) დო ოშქაშე რსხულამი გირინი (თ. მ. ჩინური, შანდურიშ გირინი);
• კულტურული გირინიშ ჯიშეფი, ნამუეფსჷთ თარო გჷმირინუანა, ჯორიშ გიშაჸონაფალო. თეჸურე შანულამი რე პუატუური (საფრანგეთი), კატალონიური (ესპანეთი) დო ამერიკული გირინეფი.

გირინს ოზაპანე დო ოსქუაფალ ორინჯო გჷმირინუანა. გიშაკერძაფილო გვალამ აბანეფს დო ცალსაროტეფით ოულარ რზალეფს. გირინს ოშქაშეთ შეულებჷ ოჭიშით 70-80 კგ-შახ ორზოლიშ გინოღალა, საოჭიოთ — 2,5 ტ-შახ. გირინს ოსაქვარეთ 2 წანაშე გჷმირინუანა. საქორთუოს (კახეთის, მესხეთ-ჯავახეთის, აფხაზეთის) გოფაჩილი გირინი რსხულო მორჩილი რე, სიმაღალათ 95 სმ. მუკოლუაფა-ჩამაშოთ მერკემუმათხუალი რე, გარზე დო თირქუ რე, ოშა-გოშათ ილახუანს.

ლიტერატურა

• კობალაია დ., ქორთული სხუნუეფიშ ენციკლოპედია, ტ. 4, ხს. 418, ქართი, 1979 წანა.