ნაფიჩხუ

ოფუტე
ნაფიჩხოვო ნაფიჩხუ
ქიანა	საქორთუო
აკანი	სამარგალო-ჟიმოლენი შონე
მუნიციპალიტეტი	ჩხოროწყუშ მუნიციპალიტეტი
მახორობა	628 კოჩი 2014

ნაფიჩხოვო (მარგალურო ნაფიჩხუ) — ოფუტე ბჟადალ საქორთუოს, სამარგალო-ჟიმოლენი შონეშ აკანიშ ჩხოროწყუშ მუნიციპალიტეტის. 2014 წანაშ ეჭარუაშ მუნაჩემეფით, ოფუტეს ოხორანს 628 კოჩი.

გეოგრაფია

ოფუტე ნაფიჩხუ გვალეფიშ — მინგარიეშ დო წელამიშ ობჟათე კართეს იდვალუაფუ. ოფუტეს ობჟათეშე ომძღჷ ხანწკი, ბჟადალშე ლედარსალე, ბჟაეიოლშე — მარტვილიშ მუნიციპალიტეტი.

ტოპონიმიკა

• ობურღე, აბანი. თაქ წოხოლე ნორდუე ბურღა, მაღალი, ფართოფურცელამი ჩანარი.
• კოლოში, აბანი. კოლოშიშ ჯიშიშ ბინეხი — კოლოშონა ჸოფე თაქ მაღლარშა გოტებული.
• ნასაჯუ, აბანი. 1. თე აბანი გინოხურგილი, გინოზჷმილი დო თანჯა დოხუნაფილი რე. 2. საჯაიეფიშ გვარიშ განობა. ამდღა თე გვარიშ კათა თაქ ვახორანს.
• მუკოსქიდუ, აბანი. 1. თე აბანი ოშქურანჯი, სააბრაგო ჸოფე. თაქ ართ აბრაგის მეშარეშა ხე გეუჯიკუაფუ დო რობუშა გეგნუჸოთამუ, ინა კჷრდეს ქუმკობუნაფუ დო გინოსქილადე, თეშენი თე აბანს „ქუმკოსქიდუქ,“ ვარა „მუკოსქიდუქ“ ქიგიადუ. 2. მაჟირა გინნაჩემით, თაქ ბაბუს მოთა მინოჸვე, ბაბუ ქოლაფე რობუშა, ბაღანა ტყას ქუდოსქილადე, მეშარეეფს გინუსქილიდუაფუნა, ტყას გინოსქილადაშ გეშა „მუკოსქიდუ“ ქიგუდვალჷნა თე აბანშა.
• ოტურე, აბანი. წოხოლე ოცალუ აბანი ჸოფედჷ, კომუნისტეფიშ ხეშუულობაშ ბორჯის თაქ ჩაი დორგეს.
• შეკებული, აბანი. თაქი 30 ჰექტარი ჸოფე წოხოლე გოხურგილი, ნორთი ოცალუ ჸოფე, ნორთი — ტყა.
• შენგელიაში, აბანი. თაქ შენგელიაშ დიხა ჸოფე, ბინეხამი დობერა.
• ოხოჯური, აბანი.
• ხუჯიშ ოსხაპური, აბანი. თენა რე ნაოსხაპური აბანი, თაქ ჯარალუა ნოჩქვენა. ნოსხაპუენა ფერხულს, ხუჯიშ ოსხაპურს, ონდეთ თეატრალიაზაფილო.
• ვაჸუ, ჭყელი აბანი ჸოფე.
• ურცხა, ღალი.
• ჭუკიშ ნასილუ, აბანი. „თაქ ჭუკი ლატის ნოჭკომუე თურმე, წყარი ქუმლოფე დო დოუსილუ.“
• ხანწკი, განობა.
• შებე, აბანი.
• ნაჭკადუ, აბანი. ჯვეშო ოჭკადირე ჸოფე. თაქ მითმიოგორუანდეს მეტალურგიული წარმებაშ მიარე მოღეს.
• ნადუქანუ, აბანი. თაქ გინნოჸვე ჯვეში შარა, თე შარაშ ცენტრის ჸოფე უჯვეშაში დუქანი დო ოვაჭარე აბანი. თაქ მუნოღვენა იმერალ ვაჭარეფს ოვაჭარე მეკონ-მოკონი.
• ლეგოგუე, გოგუეფიშ გვარიშ განობა.
• ნახაჯუ, აბანი.
• ნადოხორუ, აბანი.
• ხოჯონა, აბანი.
• ოხოჯური, აბანი.
• ლედარსალე, დარსალიეფიშ გვარიშ განობა.
• შქედი, აბანი.
• მერიდიაში გა, აბანი.
• ლანდი, აბანი.
• ლაგვიაში სუკი, ლაგვილავაშ (გვარი) სუკი, აბანი.
• ნაბერაღუ, აბანი.
• გოგიაში ნაბერაღუ, აბანი.
• ბილუიაში სუკი, აბანი.
• კოსტაში სუკი, აბანი.
• მაქსიმეში გა, აბანი.
• ჭველონი, აბანი
• ლეჯაგუ, აბანი.
• ცელერი, აბანი.
• დობერა, აბანი. ამდღა ტყა რე.
• ტები, აბანი. ამდღა ხოლო ტყა რე.
• პაპა ნანწყვი. აბანი. გინოჩამათ, პაპა ნოდის ნორზებუე ჯოღორიშ ხორცის. მოინალეს ნოდიშა უთქუალჷ, ორინჯიშ კუჩხეფი მითხით, ნამუსჷთ თქვა გარზენანია. ნოდის მოუთხუ კუჩხეფი დო ქოუძირჷნა, ნამდა ჯოღორიშ ჸოფე, ქიმუტებუნა მუშობა დო დოუჭყუნა. პაპაშ თელი ოხორე ალანწყველე.
• ტობახე, აბანი. ჯვეში გინნაჩემით, „თაქ მიდგარენი ტობაშ ოსურსქუა ჸოფე დიხაშ მინჯე, ძალამი წკუნწკი ჸოფე, ღორონთც დოუჭყუ დო მუში ოხორე ალანწყველე. ამდღა თაქი უჩა ონტყოლაშე რე.“
• ჯაკონური, აბანი.
• ტები, აბანი.
• დობერა, აბანი.
• კოლოშონა, აბანი.
• ლეშონე, შონიეფიშ გვარიშ განობა.
• ლებერიე, ბერიეფიშ გვარიშ განობა.
• ლეფიჩხაიე, ფიჩხაიეფიშ გვარიშ განობა.
• ლეგოგიე, გოგიეფიშ გვარიშ განობა.
• ლეპაპე, პაპავეფიშ გვარიშ განობა.
• წელამი, ჩანარი წელამიშ აბანი, გვალა რე.
• მინგარიე (ქორთულო „მტირალა), გვალა რე. რე გინოჩამა, ნამდა თაქ ირო ნირსი უჩქჷ დო მუნაფილი რე, ირო ცჷზანს დო ჭვენს. თაქი მირძღი ოდიარე ჩანს. თეშენი თე აბანს ნოღვენა კვარაცხელიეფს ორინჯიშ ოდიარე აბანი. თაქ გუშუჸონაფუნა თინეფს მუნეფიშ ჭითა ჯიშიშ ორინჯი.
• ნაჯიხუ, თაქ ჯვეშო ნოღვენა ჯიხაზურგა. ჯიხაშ დუდის ირო გეჸოფე მაჯინუ, ნამუთ ტერიშ მოხოლაფაშ ბორჯის დუნორზამუე დაჩხირს. თეთ ოჩინებაფუანდჷ შხვა ჯიხეფს დო უფუტეშ მახორუეფს ტერიშ მოხოლაფას. თე ჯიხას „ნათურქუ“ ჯიხას უძახჷდეს. თაქი არძნოერ ტერს „თურქის“ ნოძახუედეს. თურქი რდჷ ოშქურანჯი, უბადო კოჩიშ ემაშანალი ზიტყვა. თეცალი ნარაგადი ასქილადირი რე თურქეფიშ ფშხირი მუშაციმაშ გეშა.
• ნაფიჩხუ, ფიჩხაიეფიშ ნოხორი. თაქი გვალო დუდშე ფიჩხაიეფი დოხორელენა. ფიჩხაიეფი ჟინოსქუალეფი ჸოფენა დო თაქ, დიხეფიშ დიდი ნორთი მუნეფიშ დორხველობას ჸოფე. თაშნეშე, დიდი დიხეფი ნოღვენა გვალას ხოლო. მუნეფიშ ჭკორეფს თაქ ნოჸვენა ფიჩხაიეფიშ ორინჯი.
• ლექობალე, ქობალიეფიშ გვარიშ განობა.
• მაღლოკი, აბანი.
• მაღლოკი, ღალი.
• ქობალური (ქობალიეფიშ), განობა. რე გინოჩამა, ნამდა შონეფს ქუმურთუმუნა თაქ ქობალიაშ კარეშა დო თაქ გორთელენა. ართი ნორთი თაქ გაჩერებე, თეშ უკული თაქ ქობალიეფიშ გვალაშ დოხორალა ჸოფე. უკული რზენშა გიმულებუნა, მარა კარე ქუდუტებუნა, ზარხულს კარეშა ეკნოვენა დო თექ ნოხორუენა. თინეფი წოხოლე ქობალიანეფი ჸოფენა, თაქ დოხორალაშ უკული ქობალიათ გეგნუკეთებუნა გვარი. თაქ ქუმუღალჷნა მუნეფიშ ჯინჯი ხატი. ხანწკის, ლემორგოშიეს ოხვამე დოუკიდჷნა. თაქ მუშულირი შესაწჷრი ფარა შონეშა, წიმინდე კვირიკეშ ოხვამეშა მინოღვენა. ხანწკიშ ოხვამე ხოლო წიმინდე კვირიკეშ ჸოფე.
• ნაჭკიდუ, აბანი.
• ნაღუმუ, აბანი.
• ნაფუჩუ, აბანი. გინოჩამათ, თაქ გინაჩამალი აბანი ჸოფე.
• ოხვარხვალე, აბანი. მაღალი აბანი რე, ონდეთ გინოკინელი ფერდით.
• დობერა, აბანი.
• ონწარე, ჭყენჭყონა, აბანი.
• ნაოსხაპუ, აბანი.
• ნადუქანუ, აბანი.
• ნახარდანუ, აბანი.
• ნოჯიხენი, ნოჯიხუ, აბანი.
• ატამანა, ღალი, აკათუ ოჩხომურს.
• ურთხა, ღალი, აკათუ ღალი ვახუს.
• ვახუ, ღალი, აკათუ ოჩხომურს.
• კამა, ღალი, აკათუ ოჩხომურს.
• ნახაჯუ, აბანი.
• ქვაბიში, აბანი. ინოკინელი აბანი რე.
• ცხენიში, აბანი.
• ნაჭკიდუ, აბანი.

რესურსეფი ინტერნეტის

• საიტი ხაბუმეზე Archived 2016-01-10 ვებ-ხასჷლას Wayback Machine.

ლიტერატურა

• ჩხოროწყუს რაიონის ტოპონიმიკის კატალოგი, გივი ელიავა, გივი ფარულავა, გრიგოლ შენგელია, 1983 წანა