ლესიჭინე

ვიკიპედია-შე
Jump to navigation Jump to search
ოფუტე
ლესიჭინე
SZS-Chkhorotsku-ka.svg
ქიანა საქორთუო
აკანი სამარგალო-ჟიმოლენი შონე
მუნიციპალიტეტი ჩხოროწყუშ მუნიციპალიტეტი
მახორობა 3116 კოჩი[1] 2002
Georgia location map2.svg

ლესიჭინეოფუტე საქორთუოს, სამარგალო-ჟიმოლენი შონეშ აკანიშ ჩხოროწყუშ მუნიციპალიტეტის. უკინებუ 35.8 კვ.კმ. 2002 წანაშ ეჭარუაშ მუნაჩემეფით, ოფუტეს ოხორანს 3116 კოჩი.

ლესიჭინეშ თემშა მიშმურს განობეფი:ლესიჭინე, მაჟია ლესიჭინე დო ოჩხომური. თემიშ განობეფ რე: ზაკალონი, ზურემი, მაჟია ლესიჭინე, მონგირი, ოლეკეში, საგუგუნა, სახვარა, საკაციო, სალაშხიო, სავეკუო, ნადუ, ხორგანა, ხვიჩარონი, დობერა, ტები, ოჩე, ღაჩერე, ეწერი, სკურჩა, ჭალე, აბანო, გუმარონი, ნაისირუ, ნაღუმუ, ნაჭკადუ, ნაკაზარმუ, ნაკანცელარუ, გოჯოში ნოხორი [2].

ოფუტეშ ჯოხოშ ისტორია[რედაქტირაფა | წყუშ რედაქტირაფა]

ლესიჭინე ოფუტეს ჯინჯმახორუ სიჭინეფიშ გვარიშ გეშა ჯოხო. თე გვარიშ კათა ოფუტეს ამდღა ხოლო არძაშ უმოსიე.

გეოგრაფია, ორთა[რედაქტირაფა | წყუშ რედაქტირაფა]

ლესიჭინეს უხურგანა: ბჟაიოლშე ოფუტეფი ახუთი დო ფოცხო, ოორუეშე თუდოლენი ჩხოროწყუ, ბჟადალშე კირცხი დო ოჩხანეშე სანაკიშ რაიონიშ ოფუტე ზანა. ლესიჭინე წყარით დიდარიე. ვარა თემიშ ტერიტორიას დო ვარა ხურგას 4 კაბეტი წყარი მეურს: ხობწყარი, ზანაწყარი, ცივწყარი დო ოჩხომურწყარი. ხობწყარიშ წყარით მუშენს ჩხოროწყუშ ჰესი (ჩხორჰესი), ნამუთ რაიონიშ შხვა ოფუტეფიშ წორო ლესიჭინეს ხოლო ამარაგენს ელექტროენერგიათ.

ტყალეფი ლესიჭინეს ექიაქო რე დო ედომუშამო 54,77 ჰექტარი ფართობი უკინებუ.

მახორობა[რედაქტირაფა | წყუშ რედაქტირაფა]

1859-60 წანეფიშ ეჭარუათ ოფუტეს 186 ფანია ოხორანდუ 1315 შურით დო თინწკჷმა ხოლო ლესიჭინე სამარგალოშ ართართი უდიდაშ ოფუტე რდჷ. ამდღა ლესიჭინეს დო ოჩხომურს ართო აკოკორობილო 1290 კომლი დო 5150 შური იკოროცხუ. თენეფი უმოსო ქორთუეფი რენა. ოფუტეს ოხორანს 211 გვარიშ მახორუ. არძაშ უმოსი რენა სიჭინეფი (1693 შური, 35,4%), თინეფს გეჸუნა ხორეფი (502), ვეკუეფი, ლაშხიეფი, დგებუაძეეფი, კაციეფი, კვარაცხელიეფი, თოდუეფი, ჟვანიეფი, კოხიეფი, შენგელიეფი, წურწუმიეფი, ტყებუჩეფი, ჯალაღონიეფი დო შხვა.

ისტორია[რედაქტირაფა | წყუშ რედაქტირაფა]

ლესიჭინე მითაჟამიშ ოფუტე რე. მაართა მახორუეფი ამდღანერ მაჟია ლესიჭინეშ ტერიტორიას ოხორანდეს (ზანაწყარ დო ცივწყარ შქას). ოფუტეშ ამდღანერი ცენტრი უკულიანი დუნახორეფიე.

ზოხო ოფუტე რდჷ ოჩხომური, სოდეთ ჯვეში მახორუეფი მა-16 ოშწანურას გეშაჭყვადელენა დო 200 წანას ოფუტე ჩოლიერი რდჷ. სამარგალოშ თარი ოტია დადიას მა-18 ოშწანურას თი აბანეფს საზარხულო ჸუდე ქიგუდგუმ დო თიშ სქუა კაციას მუშ უკლაშ ჯიმა გიორგშა ქუჩუქებუ, ნამუსით მარტვილშე აფუ მუნაჸონეფი დო ოფუტეს დუნახორეფი დიო ხორეფი დო უკული დგებუაძეეფი, კაკაშვილეფი, ჩიქვანეფი, კოხიეფი დო გოროზიეფი.

ეკონომიკა[რედაქტირაფა | წყუშ რედაქტირაფა]

განათლება[რედაქტირაფა | წყუშ რედაქტირაფა]

ლესიჭინეს რე 3 რსული ოშქარი სკოლა [3]. თუდო ძირაფილიე სკოლეფს მაგურაფალ დო მოგურაფეეფიშ მუდანობა 2008-09 ოგურაფუ წანას.

სკოლა 1-ლ ოშქარი მა-2 ოშქარი მა-3 ოშქარი
მაგურაფალი 37 23 21
მოგურაფე 230 174 100

სქოლიო[რედაქტირაფა | წყუშ რედაქტირაფა]

ლიტერატურა[რედაქტირაფა | წყუშ რედაქტირაფა]