ხაბუმე

ვიკიპედია-შე
Jump to navigation Jump to search
ოფუტე
ხაბუმე
SZS-Chkhorotsku-ka.svg
ქიანა საქორთუო
აკანი სამარგალო-ჟიმოლენი შონე
მუნიციპალიტეტი ჩხოროწყუშ მუნიციპალიტეტი
მახორობა 1834 კოჩი[1] 2002
Georgia location map2.svg
ხობწყარი ხაბუმე

ხაბუმეოფუტე საქორთუოს, სამარგალო-ჟიმოლენი შონეშ აკანიშ ჩხოროწყუშ მუნიციპალიტეტის. 2002 წანაშ ეჭარუაშ მუნაჩემეფით, ოფუტეს ოხორანს 1834 კოჩი.

იდვალუაფუ ხობწყარიშ დო ოჩხომურიშ ლეხერეფიშ გოფაჩილ ჭალეეფს.

ოფუტე ირთუ სუმ განობათ — ჯუმითი, ხაბუმე დო მოიდანახე. ოფუტე ჯვეში ბორჯის დადიანეფიშ რეზიდენცია რდჷ. იკოროცხუდუ დადიანეფიშ ართი ჸაშ მამულო — თ.გ. "სამანჩო". თაქ ოზარხულე რეზიდენციეფი უღუდეს კაბეტპატჷნეფს. ოფუტე ხაბუმე შქა სამარგალოში შარაში ცენტრის ართ-ართი აწოკინელი ეკონომიკური დო კულტურული ცენტრი ჸოფე მა-19 ოშწანურაშახ.

ტოპონიმიკა[რედაქტირაფა | წყუშ რედაქტირაფა]

1. ენწერი (აბანი), კომუნისტეფიშ ბორჯის თაქ ჩაიშ პლანტაციეფ რდჷ გოფაჩილი.

2. ნაოხვამუ (აბანი) სუკი, გუძუბა. თაქ შენგელიეფიშ ჯვეშ ნაოხვამუ ჸოფე.

3. ოღურღულე (ონგარალი), ჭირს გოუჭყვიდ თაქ კათა დო ნონგარუენა.

4. ნაფაცხუ თაქ შენგელიეფქ, ხუთ ჯიმაქ ქიგედგეს ფაცხა. უკულ ზოხო-ზოხო ქჷდიდგეს ფაცხეფი. თენა რე თაქ შენგელიეფიშ მაართა ნაფაცხუ. თენეფშე ართ ჯიმას, შაქარას ქართიშა მიდურთუმუ. თი ბროჯის თინა 50 წანერ ჸოფე. შარას ნაფიჩხუს მიკულებუ. თაქ მუს მეგჷდელეშა სალამ ქუთქუალჷ. მეგჷდელე თე ბორჯის გაგთონთხაფე დო დოღურე. შაქარას თინა დოუნგარჷ, თიშ ფანიაშა პატი უცემუ. თაქი მუშ ფაცხეფი ქიგუდგჷმუ. შაქარას თაქ ნოჸვე ჯიმალეფი ხოლო.

5. ღუთაიაში ნაშენი

6. ღადიდი დიდ ღალი, ღალდიდი.

7. ცხვირია ჩხვინდით წოგჷნძორაფილი აბანი რე წყარმალეფი შქას.

8. საცქვიტისქუალო (საცქვიტიშვილო) ცქვიტიშვილეფიშ განობა რე.

9. ჟიპიჯი აბანი, მაღალი აბანი რე.

10. ლეჩხარჩხალე ჩხარჩხალიეფიშ გვარიშ ოხორე.

11. ხაკო ხარებეფიშ (გვარი რე) განობა. თაქ თინეფს მაართა კოლმეურნეობა დოურსხუაფუნა.

12. შეგნება, აბანი.

13. ენწერი აბანი ოჩხომურიშ პიჯის, მაღალ აბან.

14. ჭალე აბანი წყარმალუ ოჩხომურიშ პიჯის.

15. ხაბუმე ხაბო რუმე - რუმე, უკუმელამი აბანი. 2. ხაბა ქუა. ქუალონი აბანი. 3. ოფუტეშ ცენტრის უგუული აბანი ჸოფე, მუშ ცენტრიშა ტომბას მიშულირი ინწროხით, აბრაგეფიშ დო ნოტყერეფიშ ოგვაჯე ჸოფე. 4. ხაბუმე ოდიარე ჸოფე, ნამუთჷთ ჸოფე მოფინილი თე აბანი. თეშ გეშა გიადუ თე აბანს ჯოხოქ - ხაბუმე.

16. ჯუმათი (ჯუმაშ ჸუდე), განობა. მიდგარენი დიდკოჩი ჯუმა ჸოფე, დიდი ფანია ნოჸვე დო თე აბანს ჯუმათის უძახჷნა.

17. ბარცხონა ოჸვანე დო ჩაიშ პლანტაცია.

18. ჭალე, წყარმაალ ხობწყარიშ ჭალე.

19. შიშა, ღალი აკათუ ოჩხომურს, მარძგვანი ნადუ რე. თაქ დადიანეფს აბანო ჸოფუნა მონწყიილი დო ჭკორეფს ვა ნოღვენა ბონუაშ ნება, თეშ გეშა ქიგიადუ თე აბანს შიშაქ.

20. ხობწყარი, წყარმალუ.

21. ოჩხომური, წყარმალუ.

22. ჯანაშური, ჯანაშიეფიშ გვარიშ განობა.

23. ოფერებენე, აბ. ოფერე ბინეხი.

24. ონწარე, ონტყოლაშეამი აბანი.

25. ლოშქუა ქუალონი აბანი.

26. სქურჩა ღალი, აკათუ ღალი შიშას.

27. ოკისკური აბ.

28. ლევახანე, ვახანიეფიშ გვარიშ განობა.

29. დიხაკურზულუ, „უჯვეშაშ ნაოხვამუ.“

30. გუთაიაში ნოხორიი, აბ.

31. ბედინერ ღალი, ღალი.

32. ხალერი, აბ.

33. კადარი (ქუალონი), ქუალონი აბანი.

34. გა სერი.

35. ჭალე, ხობწყარიშ ჭალე.

36. ჟუღუ, აბ. „ჟი უღუ,“

37. დადიაში ნოხორიი, თეჯგურა აბანი მაჟირა ხოლო რე. თაქ დადიანს ნოღვე დოხორე დო ოდამორჩილე რეზიდენცია.

38. ენწერი, აბანი.

39. ნადოხორუ, დადიანეფიშ დოხორე დო ოზე-კარი ჸოფე თაქი.

40. ნაოჭკადუ, აბ. უჯვეშაშ ოჭკადუეფი დო ლეჭეხეფი ჸოფე თაქი.

41. ეწერი, აბ.

42. ჭკადუ ნოხორიი.

43. ჭკადუერი.

44. ჭკადუერ რობუ.

45. ფართო ენწერი.

46. ონწარე, ონტყოლაშე აბან.

47. ნაბერაღუ (ქორთ. ნადროშალი), უჯვეშაშ ნაოხვამუ.

48. ურატეფიში ჭალე (უროტავეფიშ ჭალე), უროტაძეეფი ნოხორუენა თე აბანეფს.

49. პლატონ დადიანიშ მამული. პლატონ დადიანი არძაშე უმოს ჩიჩიე პატჷნი ჸოფე, ნამუთ ჭკორეფს მიდნოღალუე მუნაწიის დო დიხეფს. 1905 წანას, რევოლუციაშ დღალეფს ეგზეკუცია ქინარინეეს თაქი. არყებულ ყაზახეფქ ოჭოფეს თინა ტყობაშე, ტყას დოჸვილეს დო ჟი ჯოღორ ქუმნაჸვილეს. „ჯოღორქ ქეგგოღურუა პლატო დადია,“ უთქუალ კათას.

50. ტკილონა, აბანი.

51. ოხარჩალე, ღალი.

52. სტეფაში წყურგილი.

53. წყურგილი, ლევან დადიანიშ დოხორეშ გინაჯინუშე ოორუე-ბჟადალშე, წყარმალ ხობწყარიშ პიჯის. თინა ქუალეფით ჸოფე ეშაკჷდილი. გინოჩამათ, 1918 წანაშ ყაზახეფიშ არყებაშ დღალეფს, წალენჯიხაშ შარათ თაქ მორთჷ საშა გეგეჭკორქ.

54. ლეცეღუნე, უსაქვარო, მეტყურანჯე კოჩიშ აბანი. თქ ნოხორუე ცუღუნია, ცუხი, მეტყურანჯე, უსაქვარო დო უბადო კოჩი. მუშ გამნარყეფი ართო ცუღუნიეფი ჸოფენა, თეშენი თე აბანს ლეცუღუნექ ქიგიადუ.

55. ნაწისქვილუ, აბანი.

56. ლეაბხაზე, თაქ აფხაზავეფიშ გვარი ნოხორუე.

57. ლებერიე, საბერიო, აბ. ბერიეფს დო დადიანეფს ბანძღი ნოღვენა თე აბანეფშე დო თაქ ბერიეფი დოხორელენა ართო, ეში დადიანეფიშ დიხა ჸოფე თაქი.

58. ნახაკუ, აბ. სახოკიეფი ნოხორუენა დუდშე დო უკული მიდურთუმუნა.

59. ლეგაბელე, აბ. გაბელიეფი ნოხორუენა.

60. საროდონაიო, როდონაიეფიშ გვარიშ ოხორუ.

61. ოკარკალე, აბანი ლეხერს.

62. აბანო, თაქი მონწყიილი ჸოფე ობონუეფი. ჸოფე ძალამი სქვამი გეჩხრიალონეფი.

63. კომუნაში შარა, თაქი მაართა კომეურნეობა დარსხუეს.

64. ლეცირგაიე, ცირგაიეფიშ გვარიშ ოხორე.

65. კეთილ ხანდა, აბანი, მაართა კოლმეურნეობაშ განობა რდჷ.

66. ნაოსხაპუ, აბ.

67. ნაჭკიდუ, აბ.

68. ნაღუმუ, აბ.

69. ნაქობალუ, აბ.

70. ნახარდანუ, აბ.

71. ნაჭვი, ჭვავს ნოთასუენა წოხოლე თაქი.

72. ლეჩალიგე, ჩალიგეფიშ გვარიშ განობა.

73. ბორკი სქვილი.

74. ბორკი სქვილი ღალი.

75. ნაოხვამუ, აბ.

76. ნადუქანუ, აბ.

77. ღალი, აბ.

78. მანცხვარი, ჯვეში ნაოხვამუ, ჩიქვანეფი ნოხვამუენა მუნეფიშ ხატშე.

79. ობერაღე, დადიანეფს მუნეფიშ დიხაშ მიორჩქინალო შილა (დროშა) ჸოფუნა გეშკუმალირი.

80. ხოსკოსკური, წყურგილი დო წყარმალუ.

81. საბაში ნოხორუ, თაქი ჯვეში ბორჯის მიდგარენ დიდკოჩი, კეთილი საბა ნოხორუე.

82. ბერიკიაში ნოხორი, აბ.

83. ბეჩუკიაში ნოხორიი, აბ.

84. ცირგაიაში ღალი, ღალი.

85. მოიდანახე (მორთი დო ძირი), განობა. კურზუს ართი თური კათას მაჟირა თური კათაწკჷმა ბანძღი ნოღვე დო გოუჭყვიდჷნა ართიანი. ართი თეურეშე ნანტინა მონკა ოსურს თაქ დოუტყობინ დო ქჷდაბადებუ ბოში. მასქერეფს მოურდჷნა თინა დო თამკოჩი ქიგუდვალჷნა ჯოხოთ. მუს გურიას ნოჸვე მოჯგრეეფი დო მეუჩინუნა, მორთით დო ქოძირითია (მოდი და ნახე). ათეშენი თე აბანს მოდი და ნახე ქიგედვალჷ. თამკოჩიშ სქუალეფი ჟირ შხვა აბანს ქუდოხორელენა დო თინეფშა ხოლო მოიდანახე ქიგუდვალნა.

86. ნაშენი, წოხოლე ჸოფე ბაღჷ, ხილიშ დო ბინეხიშ.

87. უჩა ქუა, გინოჩამათ, თაქ უჩა ქუალეფი უჸოთამუნა, უჩა ქუალეფიშ კჷრცხჷ ჸოფე დო ასე ხოლო უჩა ქუალეფით რე თე აბანი მოფაჩილი.

88. მარანი, ჯვეში მარანი, დადიანეფიშ მარანი ჸოფე თაქ.

89. ნალიმა, თაქი თათარეფიშ დიდი ჯარი დამარცხჷ თურმე დადიაქ.

90. ნაღუმუ, თაქ დადიეფს გუნგეფიშ ოჩუალარი ნოღვენა.

91. ოთიფურე, ოცალარი, აბ.

92. ნაკარუ, მეორინჯეეფს კარეეფი ნოღვენა თაქი.

93. ნაქერუ, აბ.

94. ნაჭკიდუ, აბ.

95. ოღუმოლი, აბ.

96. ტები, აბ.

97. ენწერი, აბ.

98. ნაღუმუ, აბ.

99. ჯამუში ფერდი, აბ.

100. ჭუჭუში გა, სერი, აბ.

101. ოშაყარუ, აბ.

102. მოიდანახეშ ოხვამე, მა-19 ოშწანურაშ ბაზილიკაშ ტიპიშ ეკლესია.

რესურსეფი ინტერნეტის[რედაქტირაფა | წყუშ რედაქტირაფა]

სქოლიო[რედაქტირაფა | წყუშ რედაქტირაფა]

  1. 2002 წანაშ ეჭარუაშ მუნაჩემეფი