დინორეშა გინულა

ოგიუსტ ფორელი

ვიკიპედიაშე
ოგიუსტ ანრი ფორელი
ფრანგ. Auguste-Henri Forel

ოგიუსტ ფორელი 1900-იან წანეფს
დაბადებაშ თარიღი:

1 ეკენია, 1848

დაბადებაშ აბანი:

მორჟი, შვეიცარია

ღურაშ თარიღი:

კვირკვე 27, 1931 (82 წანერი)

ღურაშ აბანი:

ივორნი, შვეიცარია

მენოღალობა:

შვეიცარიაშ შილა შვეიცარია

ომენცარე სფერო:

მირმეკოლოგია, ნეიროანატომია, ფსიქიატრია

სამუშაშ აბანი :

ციურიხიშ უნივერსიტი

ალმა-მატერი:

ციურიხიშ უნივერსიტეტი

ხეშმოჭარუა:

ოგიუსტ ანრი ფორელი (ფრანგ. Auguste-Henri Forel; დ. 1 ეკენია, 1848, მორჟი, შვეიცარია — ღ. 27 კვირკვე, 1931, ივორნი, შვეიცარია) — შვეიცარიალი მირმეკოლოგი, ნეიროანატომი, ევგენიკოსი დო ფსიქიატრი.

ბიოგრაფია დო მენცარული რკვიებეფი[რედაქტირაფა | წყუშ რედაქტირაფა]

ოგიუსტ ანრი ფორელი გურაფულენდჷ ციურიხიშ მედიცინაშ სკოლას. 1871 წანას ფორელიქ ოგურაფუშა ვენაშა გეგნორთჷ, სოდეთ გურაფულენდჷ გერმანალი-ავსტრიალი ფსიქიატრიშ, ნევროპათოლოგიშ დო ანატომიშ თეოდორ მეინერტიშ ხემანჯღვერობათ. 1873 წანას ფორელიქ გერმანიაშა მიდართჷ დო მუშობა ქიდიჭყჷ მიუნხენიშ უნივერსიტეტის, ლექტორო. 1879 წანაშე ფორელი რდჷ ციურიხიშ უნივერსიტეტიშ მედიცინაშ სკოლაშ ფსიქიატრიაშ პროფესორი. ფორელი რე ნეირონეფიშ თეორიაშ ართ-ართი დუმარსხუაფალი. გიმირკვიუ ადამიერიშ დო ჭკიჭკიტიაშობურეფიშ ტვინი დო თიში ფუნქციეფი. 1898 წანას ფორელიქ ძირუ დო გიმირკვიუ ჭკიჭკიტიეფიშ ტროფალაქსისი. ოგიუსტ ფორელიქ მიშეღჷ დიდი თია სექსოლოგიაშ დო ფსიქოლოგიაშ გოვითარაფაშა ხოლო. 1903 წანას ფორელიქ ოცხოვრებშა შვეიცარიაშ ნოღა ივორნიშა გეგნორთჷ. ოგიუსტ ფორელიქ ღურუ 1931 წანაშ 27 კვირკვეს, 82 წანერქ. 1978-2000 წანეფს ფორელიშ სურათი გეხანტუდჷ შვეიცარიული ფრანკიშ 1000-იან ბანკნოტის.

რესურსეფი ინტერნეტის[რედაქტირაფა | წყუშ რედაქტირაფა]