დინორეშა გინულა

ოტო შტერნი

ვიკიპედიაშე
ოტო შტერნი
გერმ. Otto Stern

ოტო შტერნი 1950-იან წანეფს
დაბადებაშ თარიღი:

17 ფურთუთა, 1888

დაბადებაშ აბანი:

ზორაუ, პრუსიაშ ომაფე, გერმანიაშ იმპერია (ასეიან ჟორი, პოლონეთი)

ღურაშ თარიღი:

მარაშინათუთა 17, 1969 (81 წანერი)

ღურაშ აბანი:

ბერკლი, კალიფორნია, ააშ

მენოღალობა:

გერმანიაშ შილა გერმანია
ამერიკაშ აკოართაფილი შტატეფიშ შილა ააშ

ომენცარე სფერო:

ფიზიკა

სამუშაშ აბანი :

როსტოკიშ უნივერსიტეტი
ჰამბურგიშ უნივერსიტეტი
კარნეგიშ ტექნოლოგიაშ ინსტიტუტი
კალიფორნიაშ უნივერსიტეტი (ბერკლი)
ციურიხიშ ფედერალური ტექნოლოგიეფიშ ინსტიტუტი

ალმა-მატერი:

ბრესლაუშ უნივერსიტეტი
ფრანკფურტიშ გოეთეშ უნივერსიტეტი

ჯილდოეფი დო პრემიეფი:

ნობელიშ პრემია ფიზიკაშ დარგის (1943)
მენცარობეფიშ ერუანული აკადემიაშ მაკათური (1945)

ოტო შტერნი (გერმ. Otto Stern; დ. 17 ფურთუთა, 1888, ზორაუ, პრუსიაშ ომაფე, გერმანიაშ იმპერია (ასეიან ჟორი, პოლონეთი) — ღ. 17 მარაშინათუთა, 1969, ბერკლი, კალიფორნია, ააშ) — გერმანალი-ამერიკალი ფიზიკოსი, ნობელიშ პრემიაშ ლაურეატი ფიზიკაშ დარგის 1943 წანას. 1925-1945 წანეფიშ პერიოდის, შტერნი 82-შა რდჷ ნომინირაფილი ნობელიშ პრემიაშა.

ოტო შტერნიქ დებადჷ 1888 წანას, ურიეფიშ ფანიას. შტერნი გურაფულენდჷ ბრესლაუშ უნივერსიტეტის, სოდეთ 1912 წანას თხილუ ოდოქტორე დისერტაცია ფიზიკურ ქიმიას. შტერნი მონაწილენდჷ მაართა მოსოფელიშ ლჷმას, მეტეოროლოგო. ლჷმაშ თებაშ უკული მუშენდჷ შხვადოშხვა ომენცარე ინსტიტუტეფს. გერმანიაშ თარობაშა ნაცისტეფიშ მულაშ უკულ, ამერიკაშა მიდართჷ დო მუშობა ქიდიჭყჷ კარნეგიშ ტექნოლოგიაშ ინსტიტუტის, ფიზიკაშ პროფესორო. 1930-იან წანეფიშე რდჷ კალიფორნიაშ უნივერსიტეტიშ (ბერკლი) პროფესორი.

შტერნიქ, მუჭოთ ფიზიკოს-ექსპერიმენტატორქ, ექსპერიმენტეფიშ გიმორინაფათ (ვალტერ გერლახიწკჷმა ართო), მიშეღჷ დიდი მენცარული კონტრიბუცია სპინური კვანტიზაციაშ რკვიებაშა. თაშნეშე, შტერნიქ ზიმუ ატომიშ მაგნიტური მომენტი, მიოგორუ პროტონიშ მაგნიტური მომენტის, აკადგინჷ მოლეკულური ჩხორიეფიშ (ინგლ. Molecular beam) მეთოდი (ნამუთ გიმირინუაფჷ მოლეკულურ-ჩხორიული ეპიტაქსიაშ ტექნიკაშო) დო შხვა.

რესურსეფი ინტერნეტის[რედაქტირაფა | წყუშ რედაქტირაფა]