ოჰავე ტრანსპორტიშ საირქიანო ასოციაცია

ვიკიპედიაშე
ფაილი:IATA Logo.svg
ორგანიზაციაშ ლოგო

ოჰავე ტრანსპორტიშ საირქიანო ასოციაცია (ინგლ. International Air Transport Association ვარდა IATA) - ვასათარობო ორგანიზაცია, ნამუშ მაკათური რე მოსოფელიშ არძა რეგიონიშ მაჸვენჯი ოავიაციე ოწარმეეფი. ორგანიზაციაქ დირსხუ 1945 წანასს. ორგანიზაციაშ ღანკეფი - უშქურანჯი, რეგულარული დო ეკონომიური ოჰავე ტრანსპორტიშ გოვითარაფაშ დო ოავიაციე კომერციული საქვარუაშ ხეშენწყუალა დო თეშა მერსხილი პრობლემეფიშ დოგურაფა. უმაღალაში ორგანო რეირწანური საართო შაყარუა, ნამუთ გიშმაგორუნს ასოციაციაშ ემაჸონაფალი კომიტეტიშ პრეზიდენტის დო მაკათურეფს, გჷთმოსხუნუნს ულირ წანაშ ანგარიშეფს დო ანტკიცენს მუმალ წანაშ ბიუჯეტის. ემაჸკომი დუთმარინუანს გენერალურ დირექტორს დო, იატაშ საქვარუაშ შხვადოშხვა ოკითხეეფშე აკმოქიმინუნს კომიტეტეფს, ნამუეფსჷთ უკული ანტკიცენს საართო შაყარუა. იატა წანმოწანას ჟირშა მანჯენს გინოჸონაფა-გინოღალაშ გეშა რეგიონულ კონფერენციეფს. იატაშით დიხაუჩა დორთილი რე სუმ არეთ: 1 - ამერიკაშ ქიანეფი; 2 - ევროპა დო აფრიკა; 3 - აზია (არხო ბჟაეიოლიშ მოხ), ავსტრალია დო ოკიანეთი. იატა შითმიმუშენს ტარიფეფიშ გჷმორინაფაშ დონეშ დო წესეფიშ რეკომენდაციეფს, გინოჸონაფა გინოღალაშ საართო პიჯობეფს, თინეფს შქას - მაშარეეფიშ ნინალაშ სტანდარტეფს, მანჯენს ავიახაზეფიშ ექსპლუატაციაშ ეკონომიკური დო ტექნიკური გჷმოცადაფაშ გოზოგადაფაშ დო გოფაჩუაშ ხანდას, გინოღალაშ საბუთეფიშ დო კომერციული აპიჯალეფიშამო განრიგეფიშ აპიჯალა. ეკონომიკურ დო ფინანსურ ოკითხეეფშე თიშ მეღებული გჷოჭყვიდირეფი სარეკომენდაციორე. იატაშ ფარგალეფს ქიმიჯენს კლირინგიშ პალატა (ლონდონს), მაკათურ-ავიაოწარმეეფიშ შქას ურთიართანგარიშწორებაშო, დო კონტროლიშ ბიურო (ნიუ-იორკის) - ასოციაციაშ წესდვალუაშ, საართო შაყარუაშ დო რეგიონული კონფერენციეფიშ გინოჭყვიდირეფიშ რსხულებაშ კონტროლიშო. იატაშ შტაბ-ორენი იდვალუაფუ მონრეალს (კანადა).

ლიტერატურა[რედაქტირაფა | წყუშ რედაქტირაფა]

  • დავით გეფერიძე, საერთაშორისო საჰაერო სამართალი, თბ.2009, გამომცემლობა „მერიდიანი“, გვ. 154-165

რესურსეფი ინტერნეტის[რედაქტირაფა | წყუშ რედაქტირაფა]