სალომე ზურაბიშვილი
.jpg)
სალომე ზურაბიშვილი (დ. 18 მელახი, 1952, პარიზი) — საფრანგეთიშ დო საქორთუოშ პოლიტიკურ მოღალე, საქორთუოშ მა-5 პრეზიდენტი, საქორთუოშ მა-9 მოოჭანაფაშ პარლამენტიშ მაკათურ (მთაწმინდაშ ოლქიშ ზოხორინელ მაჟორიტარი დეპუტატ 2016-2018 წანეფს), სსაქორთუოშ გალენურ საქვარეფიშ მინისტრ 2004 წანაშ მელახშე 2005 წანაშ გჷმათუთაშახ,, საფრანგეთიშ ჸენჯ საქორთუოს 2003-2004 წანეფს.
საქორთუოშ გალენურ საქვარეფიშ მინისტრიშ პოსტის მოღალობაშ ბორჯის, თიშ ჯოხოს მეთმიარსხუაფუ საქორთუოშე რუსეთიშ ფედერაციაშ ოურდუმე ბაზეფიშ გიშაჸონაფა.[1]
სალომე ზურაბიშვილქ დებადჷ დო ირდჷ საფრანგეთის, ქორთუ პოლიტიკურ ემიგრაციაშ მოღალეშ, წანეფიშ განწეხანს საფრანგეთიშ ქორთულ დიასპორაშ დუდმახვენჯიშ, ლევან ზურაბიშვილიშ, ფანიას. თინა რე ქორთუ ჯარალობურ დო პოლიტიკურ მოღალეშ, ნიკო ნიკოლაძეშ, მოთაშმოთა.
სალომე ზურაბიშვილიშ ქორთულ პოლიტიკაშა მუკორჩქინა საქორთუოს ვარდეფიშ რევოლუციაშ უკული, პრეზიდენტ მიხეილ სააკაშვილიშ ჯოხოს არსხუაფუ, ნამუქჷთ 2004 წანაშ მელახის საქორთუოშ გალენურ საქვარეფიშ მინისტრო დარინუ. სატარობო ბუნაწკჷმა დო ქიანაშ მა-3 პრეზიდენტწკჷმა კონფლიქტიშ უკულ ზურაბიშვილქ პოსტ ქიდიტჷ დო აქტიურ ოპოზიციაშა გეგნორთჷ. ოპოზიციას ჸოფაშ ბორჯის თიქ პოლიტიკურ პარტია „საქართველოს გზა“ დარსხჷ. მოგვიანეთ თიქ აკოკათელ ოპოზიციას ქაკათჷ დო საქორთუოშ ხეშუულებაშ თირუაშ მოთხირით მანჯებულ ანდა მანიფესტაციას ოკათუდჷ.
2010 წანაშე სალომე ზურაბიშვილქ ქართულ პოლიტიკა ქჷდიტუ დო აკადემიურ საქვარუა გაგჷნძორუ. მარა კჷნ პოლიტიკაშა დორთაშენ გეგმაცხადჷ დო ქართულ პოლიტიკას 2012 წანაშე დართჷ, მუჟანსჷთ საქორთუოს ხეშულებაქ დითირჷნ. ზურაბიშვილქ 2016 წანაშ საქორთუოშ მა-9 მოჭანაფაშ საპარლამენტო გიშაგორუეფს დორხველ კანდიდატურა ზოხორინელო, უპარტიეთ წჷმარინუ. გამაგე ბუნაქ მთაწმინდაშ ოგიშაგორუე ოლქის თის კონკურენტ კანდიდატ ვა დურინჷ. ზურაბიშვილქ გიშაგორუეფ მაჟირა ტურს მიგჷ დო საქორთუოშ პარლამენტის სადეპუტატო მანდატ მიპალჷ.
2018 წანას საქორთუოშ საპრეზიდენტო გიშაგორუეფქ იმანჯჷ, სოდე ზურაბიშვილქ დორხველ კანდიდატურა თიწკჷმათ ზოხორინელო, უპარტიეთ წჷმარინუ, მარა კჷნ გამაგე პარტიაშ ხუჯიშ დოკინათ ირგებუ. საქორთუოშ მა-5 პრეზიდენტიშ გიშაგორუეფ თიქ მა-2 ტურს საბოლათ მიგჷ დო 2018 წანაშ ქირსეთუთაშე საპრეზიდენტო საქვარუაშ ქემუდირთჷ.
საქორთუოშ კონსტიტუციაშ ახალ რედაქციათ პრეზიდენტ ზურაბიშვილ რე ბონ გიშაგორუეფით გიშაგორილ საქორთუოშ ეკონია პრეზიდენტი, ნამუსჷთ თე პოსტ 6 წანაშ ხანით უკებუდჷ. სალომე ზურაბიშვილ თაშნეშე რე საქორთუოს დო ედომუშამ კავკაციაშ რეგიონს გიშაგორილ პირველ ოსურ პრეზიდენტი.
ბიოგრაფია
[რედაქტირაფა | წყუშ რედაქტირაფა]სალომე ზურაბიშვილქ დებადჷ პარიზის,პოლიტიკოშ ლევან ზურაბიშვილიშ დო ზეინაბ კედიაშ ფანიას.
გათუ პარიზიშ „პოლიტიკურ მეცნიერებათა ინსტიტუტი”, კოლუმბიიშ უნივერსიტეტი დო პარიზიშ „სახელმწიფო მართვის ეროვნული სკოლა”.
თაშნეშე ქოძირით
[რედაქტირაფა | წყუშ რედაქტირაფა]რესურსეფი ინტერნეტის
[რედაქტირაფა | წყუშ რედაქტირაფა]
- პოლიტიკური პარტია „საქორთუოშ რზა“ Archived 2008-05-17 ვებ-ხასჷლას Wayback Machine.
- სალომე ზურაბიშვილი — Curriculum Vitae
სქოლიო
[რედაქტირაფა | წყუშ რედაქტირაფა]- ↑ „ქართული ოცნება“ საზოგადოებას მოუწოდებს, საქართველოს პრეზიდენტის პოსტზე მხარი დაუჭიროს სალომე ზურაბიშვილის კანდიდატურას. new.ipn.ge. კითხირიშ თარიღი: 30 ნოემბერი, 2018.
| პოლიტიკური პოსტი | ||
|---|---|---|
| წიმოხონი: გიორგი მარგველაშვილი |
საქორთუოშ მა-5 გიშაგორილი პრეზიდენტი 2018 |
გეჸვენჯი: ონირზებელი |
| წიმოხონი: ზაზა პაპუაშვილი |
საქორთუოშ პარლამენტიშ მთაწმინდაშ ოლქიშ მაჟორიტარი დეპუტატი 2016 |
გეჸვენჯი: ლადო კახაძე |
| წიმოხონი: თედო ჯაფარიძე |
საქორთუოშ გალენურ საქვარეფიშ მინისტრი 2004 - 2005 |
გეჸვენჯი: გელა ბეჟუაშვილი |
| წიმოხონი: მირეი მიუსო |
საფრანგეთიშ ელჩი საქორთუოს 2003 — 2004 |
გეჸვენჯი: ფილიპ ლეფორი |
| |||||||
 |
თე სტატია პოლიტიკური მოღალეშ გეშა დიოდღარო მერკე რე. თქვა შეგილებუნა ქუმმეხვარათ დო აკაფშათ თინა. |
- დუნაბადი 1952
- დუნაბადი 18 მელახი
- შურდგუმილი კათა
- პერსონეფი ანბანიშ მეჯინათ
- დიპლომატეფი ანბანიშ მეჯინათ
- XXI ოშწანურაშ დიპლომატეფი
- ქორთუ დიპლომატეფი
- პოლიტიკოსეფი ანბანიშ მეჯინათ
- XXI ოშწანურაშ პოლიტიკოსეფი
- ქორთუ პოლიტიკოსეფი
- ქორთუ ოსური პოლიტიკოსეფი
- მერკე სტატიეფი პოლიტიკოსეფიშ გეშა
- საქორთუოშ გალენური საქვარეფიშ მინისტრეფი
- საქორთუოშ IX მოჭანაფაშ პარლამენტიშ მაკათურეფი
- ოსური პრეზიდენტეფი
- საქორთუოშ პრეზიდენტეფი
- ხასჷლეფი ფაილეფიშ ჩილათერი რსხილეფით