უჩაღალი (ქორთ. შავღელე) — ოფუტე ბჟადალ საქორთუოს, სამარგალო-ჟიმოლენი შონეშ აკანიშ ხობიშ მუნიციპალიტეტის. 2014 წანაშ ეჭარუაშ მუნაჩემეფით ოფუტეს ოხორანს 581 ადამიერი.[1]
დოხორინქ გორჩქინდჷ მაეჩა ოშწანურაშ 80-იან წანეფს, მუჟამცჷთ თექ გვალონა აჭარაშე სტიქიაშე გავალერ 300 ფანია გიმახორესინ[2]. დუდშე დოხორინი ოფუტე ჭიჭე ფუთიშ ადმინისტრაციულ თანჯეფს რდჷ მორთელი. აბანობურ ჯოხოდვალა „უჩაღალუ“, ქორთულო შავღელე-ს შანენს. თე ღალი გიშმურს ტორფონს დო წყარი ხოლო უჩა ფერიშ რე. ღალიშ ჯოხოდვალაშ გეშა თე აბანეფსით, ნამუთ დოხორინშახ კოლხური ტყალეფით რდჷ ფორილინ „უჩაღალუს“ უძახუდეს.[3] ოფუტეშ სტატუსიქ მიაჩჷ 2011 წანაშ 7 კვირკვეს საქორთუოშ პრეზიდენტიშ № 360 ზოჯუაშ ოსხირშა.[4]
ოფუტე უჩაღალუ საქორთუოშ საპატრიარქოშ ფოთიშ დო ხობიშ ეპარქიაშ დუდალაშ თუდო რე.
