ქირსეშ კოკი (კირიბატი)

ვიკიპედია-შე
Jump to navigation Jump to search
Disambig-dark.svg შხვა შანულობეფშო ქოძირით ქირსეშ კოკი.
Kiritimati-EO.jpg
ქირსეშ კოკი (კირიტიმატი), გჷნოღალირი საირქიანო კოსმოსური დგჷმილიშე
გეოგრაფია
ორენი რჩქალი ოკიანე
კოორდინატეფი
ფართობი 388,39 კმ²
უმაღალაში კონკა 13 მ
კირიბატიშ შილა კირიბატი
უდიდაში ნოღა ოფუტე ტაბვაკეა
დემოგრაფია
მახორობა 6,447 (2015)
მეჭედალა 17 /კმ²

ქირსეშ კოკი, თაშნეშე კირიტიმატი (ინგლ. Christmas Island) — ართ-ართი უდიდაში ატოლი რჩქალ ოკიანეს, ლაინიშ კოეფიშ ბუნას. ატოლი კირიბატიშ რესპუბლიკაშ ტერიტორიულ დორხველუაშა მიშმურს. იდვალუაფუ 285 კმ-ს კოკი ტაბუაერანიშე, 2500 კმ-ს ჰონოლულუშე, 2700 კმ-ს ტაიტიშე. ატოლიშ ფართობი — 388,39 კმ², ლაგუნაშ ფართობი — 324 კმ². მაქსიმალური სიმაღალა ზუღაშ დონეშე — 13 მეტრი. ატოლს ჩანს ქოქოსიშ პალმაშ პლანტაციეფი. მირგატიშ მოპალუა მეურს. ატოლს, 1777 წანას, მიოგორუ ჯ. კუკიქ.

ქირსეშ კოკი — მოსოფელიშ უდიდაში ატოლი რე ფართობით 321 კმ² (სქირონაშ ფართობი). კოკის მოსოფელიშ ოზუღე მაფურინჯეეფიშ ართ-ართი არძაშე მაღალი კონცენტრაცია რე. ატოლს ხუთი კილერი ტერიტორია იდვალუაფუ.

მაჟირა მოსოფელიშ ლჷმაშ ბორჯის კოკი დეკინჷ მორსხუეფიშ ჯარქ, ფურინჯეფშო აკიგჷ ეიოფურჷნალ-დაფურჷნალ ზოლქ. 1956—1958 წანეფს კოკშე 50 კმ-ს გოართოიანაფილი ომაფე აწარმენდჷ ბირთვული ანჯარიშ გოცადებაქ. მიარე დგჷმილქ აკოცუ, მარა ასკილადირ ინფრასტრუქტურაქ შილებუ კირიტიმატი გინორთედკო ლაინიშ კოკეფიშ ადმინისტრაციულ ცენტრო.

ქირსეშ კოკის ჟირი წჷმმარინაფალი ჸუნს ქიანაშ პარლამენტის. თაშნეშე ატოლს იდვალუაფუ ლაინიშ დო ფენიქსიშ კოკეფიშ სამინისტრო. ქირსეშ კოკი — დიხაუჩაშ მაართა დოხორელი პუნქტი რე, ნამუთ ახალ წანას აუხვადჷნ.

ლიტერატურა[რედაქტირაფა | წყუშ რედაქტირაფა]