ატაკამა
| ატაკამა ესპ. Desierto de Atacama | |
|---|---|
 | |
| ორენი | ობჟათე ამერიკა |
| ტიპი | ქვიშამი, ქუამი |
| ქიანეფი |
 ჩილე |
| ფართობი | 105 000 |
| კოორდინატეფი | / |
| ჩანარობა | ლაკაცია, კაქტუსი დო შხვ. |
ატაკამაშ ტიოზი — სქირე, გოლოფამი პლატო, ნამუთ იდვალუაფუ ობჟათე ამერიკას, ანდეფიშ ბჟადალშე, რჩქალ ოკიანეშ წყარპიჯიშ მანგას, 1 000 კმ-იშ სიგჷრძას. ნასაშ, „National Geographic“-იშ დო შხვეფიშ მიარე პუბლიკაციეფიშ მეჯინათ, ატაკამა მოსოფელს არძაშე სქირე აბანი რე. თაქ წანმოწანას ნოლექეფიშ მუდანობა 50 მმ-შე მერკე რე. ტიოზი იდვალუაფუ ჩილეშ ოორუე ნორთის დო იკენს 105 000 კმ²-ს. თინა თარო აკმოდირთუ ჯიმუშ საბადოეფშე, ქვიშაშ დო ვულკანური ქანეფშე.
ელმოლი
[რედაქტირაფა | წყუშ რედაქტირაფა]მოსოფელიშ ტყარი ორთაშ ფონდიშ გოთანჯუათ, ატაკამაშ ეკორეგიონი იჭყაფუ პერუ-ჩილეშ ხურგაშე მუსხირენ კილომეტრის, ობჟათეშ 30 გრადუსიამი პარალელშე. თიშ ოორუეშ იდვალუაფუ სეჩურაშ (ნასკაშ) ტიოზი, ობჟათეშე — ჩილეშ მატორალიშ ეკორეგიონი.
ააშ-იშ ერუანული გეოგრაფიული ჯარალუა, ობჟათე პერუშ წყარპიჯიშ არეალს, იკაშ რეგიონს მადვალუ ტიოზეფს ხოლო ატაკამაშ ტიოზიშ ნორთო მირჩქინანა. ბჟაეიოლშე გინოზინდილი რე ცენტრალურანდური სქირე პუნაშ ეკორეგიონი.
არძაშე სქირე ტიოზი
[რედაქტირაფა | წყუშ რედაქტირაფა]ატაკამა დიხაუჩას არძაშე სქირე აბანი რე დო თინა ფაქტობური სტერილური რე, თიშ გეშა, ნამჷ-და სილამეშე ბლოკირაფილი რე ჟირხოლოჸურე, ბჟაეიოლშე ანდეფიშ გვალეფით დო ბჟადალშე ჩილეშ წყარპიჯიშ გვალეფიშ სისტემათ. წყარპიჯი რეგიონიშ ჰეერიშ ინვერსია, ნამუთ წჷმიქიმინუაფუ ჰუმბოლდტიშ რგილი მალობეფით დო რჩქალოკიანურიი ანტიციკლონიშ შედეგო, ატაკამაშ ტიოზიშ თეჯგურა სისქირაშ უმაართაში ბაძაძი რე. მუჭოთ დოკვირაფეფქ ოძირჷნ, 1570 წანაშე 1971 წანაშახ, ტიოზის ვაუჭვემჷ.
გალერეა
[რედაქტირაფა | წყუშ რედაქტირაფა]-
ატაკამა რუკას -
ატაკამშ ტიოზი -
ატაკამაშ მიოჯინი "თუთაშ ვეშე" -
რზა ტიოზის -
ტობა ატაკამას
რესურსეფი ინტერნეტის
[რედაქტირაფა | წყუშ რედაქტირაფა]- SanPedrodeAtacama.Net & Org
- [1] Archived 2003-11-19 ვებ-ხასჷლას Wayback Machine.
- National Geographic-ი ატაკამაშ გეშა
