უშგულიშ თემი
| თემი
უშგული
|
უშგული — თემი მესტიაშ მუნიციპალიტეტის. აკმოდირთუ 5 ოფუტეშე: ჟიბიანი, ჩვიბიანი, მურყმელი, ლამჯურიში, ჩაჟაში (თემიშ ცენტრი).
დემოგრაფია
[რედაქტირაფა | წყუშ რედაქტირაფა]ზოგადი
[რედაქტირაფა | წყუშ რედაქტირაფა]2002 წანაშ ეჭარუაშ მუნაჩემეფით, თემს ოხორანდჷ 288 ადამიერი[1]. 2014 წანას — იფიქსირებუდჷ რკება, თემს ოხორანდჷ 228 ადამიერი, სოიშე 116 ქომოლკოჩი რდჷ, 112 — ოსური[2].
| ეჭარუაშ წანა | მახორობა |
|---|---|
| 2002 | 288[3][4] |
| 2014 | 228 
|
ოფუტეეფიშმეჯინათ
[რედაქტირაფა | წყუშ რედაქტირაფა]| N | ოფუტე | 2002 წანაშ ეჭარუა[5] | 2014 წანაშ ეჭარუა | თირუა |
|---|---|---|---|---|
| 1. | ლამჯურიში | — | 48 | 
|
| 2. | მურყმელი | 32 | 38 |
|
| 3. | ჟიბიანი | 164 | 87 |
|
| 4. | ჩაჟაში | 34 | 28 |
|
| 5. | ჩვიბიანი | 58 | 27 |
|
გეოგრაფია
[რედაქტირაფა | წყუშ რედაქტირაფა]უშგული იდვალუაფუ შხარაშ ჯინს, ინგირწყარიშ დო შავწყალა-ქვიშარაშ ნადუწკჷმა. უშგულიშ თემიშ სიმაღალა იძანძჷ ზუღაშ დონეშ 2060 მეტრიშე 2200 მეტრიშახ. თე მუნაჩემეფით უშგული ევროპაშ არძაშე მაღალ დოხორელ პუნქტო მირჩქინუაფუდჷ 2014 წანაშახ. მარა, თიშ უკული, 2014 წანაშ საარძო ეჭარუაშ მუნაჩემეფით ახმეტაშ მუნიციპალიტეტიშ ოფუტე ბოჭორნას 1 იროიანი მახორუქ დეფიქსირჷნ,[6] ევროაშ არძაშე მაღალი დოხორელი პუნქტიშ სტატუსიქ თე ოფუტეს გეგნაჩჷ.[7]
უშგული დინოხსახენწჷბობური შანულობაშ რზეფით მითმიარსხუ მესტიას დო ლენტეხის. ლენტეხწკჷმა მიმარსხუაფალი რზა გჷშმურს უღვირიშ ჸალაიბონს, ნამუთ წანმოწანას ხვალე სუმ თუთას რე გონწყუმილი, დოსქილადირ ბორჯიშ გოძვენას — თირით იფორუ. უშგული შიმეოშქურანჯი ზონას იდვალუაფუ. 1987 წანას დიდი შიმეშ გეშა აბანური მახორუეფქ ეკომიგრანტეფო გჷნირთეს, თარო, თუდოლენ ქართლის. ასეშო ტემს დოხოლაფირო 70 კომლი ოხორანს.
უშგულიშ გოხოლუას, ინგირწყარიშ ოდუდეეფწკჷმა მოურს მინერალური წყარი.
ოქინაფუეფი
[რედაქტირაფა | წყუშ რედაქტირაფა]უშგულიშ თემიშ ართ-ართი ოფუტე, ჩაჟაში, იუნესკოშ მოსოფელიშ მონძალაშ ობიექტი რე. შხირი რე ტიპური შონური დუდოთხილუე ყორშეფი. ასეშო თინეფიშ მუდანობა 30-შახ რე.
უშგულიშ ოქინაფუეფი:
- უშგულიშ ლამარია
- უშგულიშ არქეოლოგიური მუზეუმი
- თამარ მაფაშ ოზარხულე დო ოზოთე ყორშეფი.ოზარხულე ყორშეფი 1950-იან წანეფს აკარღვეს დო ფერმაშ აკაგაფალ მასალათ გჷმირინეს
- მანცხვარიშ ჯოხოდვალაშ ოხვამე - ოფუტე მურყმელს
- წიმინე ბარბალეშ ჯოხოდვალაშ ოხვამე - ოფუტე მურყმელს
- მანცხვარიშ ჯოხოდვალაშ ოხვამე - ოფუტე ჩვიბიანს
- მანცხვარიშ ჯოხოდვალაშ ოხვამე - ოფუტე ჟიბიანს
- წიმინდე გერგიშ ჯოხოდვალაშ ოხვამე - ოფუტე ჟიბიანს
- ოხვამე - ოფუტე ჩაჟაშის
გალერეა
[რედაქტირაფა | წყუშ რედაქტირაფა]-
ჟიბიანი -
ჩაჟაში -
მურყმელი -
ჩვიბიანი -
უშგულიშ რუკა -
უშგულიშ ლამარია -
წყარმალუ ინგირწყარი უშგულიშ გოხოლუას
.jpg)
_-_A._Muhranoff,_2011.gif)
.jpg)
ლიტერატურა
[რედაქტირაფა | წყუშ რედაქტირაფა]- გასვიანი გ., დასავლეთ საქართველოს მთიანეთის ისტორიიდან, თბ., 1973;
- თაყაიშვილი ე., არქეოლოგიური ექსპედიცია ლეჩხუმ-სვანეთში 1910 წელს, პარიზი, 1937;
- სვანეთის საისტორიო ძეგლები, პ. ინგოროყვას რედ., ნაკვ. 2, თბ., 1941;
- ჩარკვიანი ა., საბჭოთა სვანეთი, თბ., 1974
რესურსეფი ინტერნეტის
[რედაქტირაფა | წყუშ რედაქტირაფა]- ვებ-ხასჷლა შონეშ გეშა
- უშგული - შონე
- Ushguli.com - შონე
- ტურისტული მარშრუტი უშგულს
- ოფანიე ოსუმარე უშგულს Archived 2013-04-23 ვებ-ხასჷლას Wayback Machine.
სქოლიო
[რედაქტირაფა | წყუშ რედაქტირაფა]- ↑ 2002 წლის მოსახლეობის აღწერის მონაცემები Archived 2012-04-19 ვებ-ხასჷლას Wayback Machine.
- ↑ {სახელმწიფო აღწერა 2014}
- ↑ pop-stat.mashke.org — საქართველოს დასახლებული პუნქტების მოსახლეობა Archived 2012-04-19 ვებ-ხასჷლას Wayback Machine.
- ↑ საქართველოს სტატისტიკის სახელმწიფო დეპარტამენტი — სოფლების მოსახლეობა 2002 წელი Archived 2013-09-19 ვებ-ხასჷლას Wayback Machine.
- ↑ pop-stat.mashke.org — საქართველოს დასახლებული პუნქტების მოსახლეობა Archived 2012-04-19 ვებ-ხასჷლას Wayback Machine.
- ↑ საქართველოს მოსახლეობის საყოველთაო აღწერა 2014
- ↑ ბოჭორნა – ყველაზე მაღალი სოფელი ევროპაში კახეთის საინფორმაციო ცენტრი
|
თე სტატია საქორთუო დო ქორთუეფიშ გეშა დიოდღარო მერკე რე. თქვა შეგილებუნა ქუმმეხვარათ დო აკაფშათ თინა. |