ბრაზილია (პორტ. Brasília [bɾaˈziʎɐ]), — ბრაზილიაშ ფედერალური რესპუბლიკაშ ნანანოღა დო ფედერალური ოლქიშ თარობაშ ნანანოღა[1][2]. ბრაზილიაშ გეოგრაფიაშ დო სტატისტიკაშ ინსტიტუტიშ 2022 წანაშ მახორობაშ ეჭარუაშ მუნაჩემეფიშ მეჯინათ, ნოღაშ მახორობა 2 817 381 ადამიერს აკმადგინანს, თე მუნაჩემეფით ბრაზილია ქიანაშ მასუმა უკაბეტაში ნოღა რე. ანაპოლისი (139 კმ) დო გოიანიაწკჷმა (209 კმ) ართო, აკმადგინანს ლირეს „ბრაზილია — ანაპოლისი — გოიანაია“, ნამუთ არძაშე გოვითარაფილი ოლქი რე ცენტრალურ-ბჟადალ რეგიონს.
1960 წანაშ 21 პირელს, პრეზიდენტი ჟუსელინუ კუბიჩეკიქ ქიანაშ ნანანოღა გეგნიღჷ ნოღა ბრაზილიაშა, ნამუქჷთ ქიანაშ მასუმა ნანანოღათ გჷნირთუ სალვადორიშ დო რიო-დე-ჟანეიროშ უკული. ფედერალური ადმინისტრაციული ორგანოეფიშ გინულაქ ახალ ნანანოღა, ბრაზლია გჷნართინუ ემაჸონაფალი, კანონმადვალე დო სასამართალო ხეშუელებეფიშ ცენტრო. ნოღაშ უმენტაში ადმინისტრაციული დო ოჯარალე დგჷმილეფი აკოგაფილი რე ჩინებული ბრაზილიარი არქიტექტორი ოსკარ ნიმეიერიშ პროექტით.
1987 წანას, ნოღა გენშეღეს იუნესკოშ მოსოფელიშ მონძალაშ ერკებულშა.
.jpg)
.svg)
.svg)
