გა

ვიკიპედიაშე
გალეფი

გარელიეფიშ დადებითი ფორმეფი. წჷმარინუანს ალაზჷმაფათ მორჩილ ამაღალაფას დაღარას გიშარჩქინელი ლაკადეფით დო ჯინჯით. ალაზჷმაფონი სიმაღალა არაშ უმოსი 200 მ-ს ანჭუ. მორგვალე ვადა ოვალური მოჸონაფილობაში რე. წჷმიქიმინუ ინორზენილ აბანეფიშ დოწეწუაშ შედეგო, თინწკჷმა მუჟმსჷთ იდაბალებუ გვალამი კუნთხუეფი დო თე ეკონია გინმურს დენუდაციურ რზენშა, ნამუთ იგვირგვინებჷ აკუმულაციური პროცესეფით: ჯიშთიშ დო ბორიაშ ქიმინჯუათ დო შხვ. გა დენუდაციური პროცესეფიშ შედეგი რე.

გა, ნამუთ არსებენდჷ ჯიშთურ პერიოდშახ დოდაღარაფილი რდჷ ჸინით (მოუღუ შხვადოშხვა ქანეფი), ვარდა არხოს მადვალუ ლეხერეფი დო რღამილეფი ეშაფშაფილი რდჷ ჯიშთური დრეიფით. გაშ ალაზჷმაფონი მორჩილი სახეგვარობას წჷმარინუანს სუკი. არსებენს მუსხირენი კონკრეტული ჯოხო, ნამუთ გაშ შხვადოშხვა ტიპიშ ემაშინალი რე, ეიოშინალი რე: დრუმლინი, მოწამე, ტორეფი, პიუი, გორე, წკარუ დო შხვ. სამანგათ პიუი აბანური გეოლოგიური ტერმინი რე ოვერნიშო (საფრანგეთი). ბჟადალი ცჷნდჷრიშ ვეს თუ გა ინწრო დო ლაგჷნძია რე სიგჷრძას, თინწკჷმა თიშა სუკი ვარდა წკარუ უჯოხონა, თუ თინა რეღმამი ქორე-და — უვალეფს.[1]

სქირონაშ შხვადოშხვა აბანეფს შილებე წჷმიქიმინას თ.გ. ხელუანური გაქ, ნამუთ ტექნიკური ხანდაშ შედეგი რე. გეფს შხურას აკმოქიმინუნდეს ნოღეფს, ნამუქჷთ გოლინა იღვენუ თინეფიშ ჯოხოეფშა (სამანგათ კაპიტოლიუმიშ გა).

რესურსეფი ინტერნეტის[რედაქტირაფა | წყუშ რედაქტირაფა]

სქოლიო[რედაქტირაფა | წყუშ რედაქტირაფა]

  1. Геологический словарь, Том I, м—я. Государственное научно-техническое издательство литературы по геологии и охране недр. М., 1955