ფოქვა

ვიკიპედია-შე
გეგნორთი: ნავიგაცია, გორუა
ფოქვა
პრომეთეშ (ყუმისთავიშ) ფოქვა საქორთუოს
ტობა კარსტულ ფოქვას, სლოვენია

ფოქვა — ფართო სიქოქე დიხაუჩაშ ქერქიშ ჟილენი ფას, დიხაშ ჟინპიჯიშა კილმურს რხვილეფით. წჷმიქიმინუ წყარს გჷმანწყუმუ ქირთეამ ქანეფიშ (კირქუა, დოლომიტი, თაბაშირი დო შხვ.) გიშატიტონუათ დო გინორხუალათ, თაშნეშე სუფოზიური, აბრაზიული, ეოლური დო შხვა პროცესეფიშ შედეგო.

არძაშე დიდი ზჷმაშ ფოქვეფი რე კარსტული ფოქვეფი. თინეფი წჷმოქიმინუნა მიარეკილომეტრიან დო მიარესართულამ რთულ ფოქვურ სისტემედს, ნამუეფსჷთ დიხაშგიმენი წყარმალუეფი მეურს, კანკალეშა მუთმოფხვადჷნა ტობეფი, წყარგელაფუეფი, სტალაქტიტეფი, სტალაგმიტეფი დო შხვა კარსტული ფორმეფი.

მოსოფელიშ უგჷრძაში ფოქვური სისტემეფი რე: მამონტ-ფლინტ-რიჯი — (გჷმორკვიაფილი ნორთიშ სიტომბე - 587 კმ) (ააშ), ჰელოხი — 194 კმ (შვეიცარია), ოპტიმისტური — 230 კმ (უკრაინა), ახალი ათონიშ ფოქვა — 3,3 კმ (საქორთუო). კანკალე ფოქვა ქირქეთ ინმურს დიხაშ სიტომბეშა დო თ. გ. ჩეგემს წჷმოქიმინუნს. უტომბაში ჩეგემეფი რე: კრუბერიშ ფოქვა (საქორთუო) - 2190 მ, თირამი ჩეგემი — 1753 მ (საქორთუო, ბზიფიშ ქჷნდჷრი), ლამპრეჰტსოფენი - 1632 მ (ავსტრია), ჟან-ბერნარი — 1602 მ (საფრანგეთი), ტორკა-დელ-სიერა 1589 მ (ესპანეთი), პიერ-სენ-მარტენი — 1342 მ, (საფრანგეთი), მუთმოფხავდჷნა მიარესართულამი ფოქვეფი ხოლო (სამანგ. ცუცხვათიშ ფოქვა).

ლიტერატურა[რედაქტირაფა | წყუშ რედაქტირაფა]