დიდიუს იულიანუსი

დიდიუს იულიანუსი ლათ. Didius Julianus
რომიშ იმპერატორი
პოსტის გერინაშ ბორჯი
28 მელახი, 193 წანა – 2 მანგი, 193 წანა
წიმოხონი	პერტინაქსი
მონძე	სეპტიმიუს სევერუსი
დუნაბადი	29 ღურთუთა, 133 მედიოლანუმი, იტალია
ნაღურა	მანგი 2, 193 (60 წანერი) რომი, იტალია
მუმა	კვინტუს პეტრონიუს დიდიუს სევერუსი
ნანა	ემილია კლარა
ალმასქუ	მანლია სკანტილა
სქუალეფი	დიდია კლარა

მარკუს დიდიუს იულიანუსი (ლათ. Marcus Didius Julianus; დ. 29 ღურთუთა, 133 — ღ. 2 მანგი, 193) — რომიშ იმპერატორი ხუთი იმპერატორიშ წანაშ პერიოდის, 193 წანაშ 28 მელახიშე 2 მანგიშახ.

იულიანუსის უღუდჷ შანულამი პოლიტიკური კარიერა დო უკინებუდჷ შხვადოშხვა პოსტეფი. რდჷ დალმაციაშ დო თუდოლენი გერმანიაშ მამართალი, თაშნეშე კონსული. იულიანუსიქ ბრელშა ორჯგინჷ გერმანული ტომეფს ხავკეფს დო ხატეფს, ნამუეფით იმპერიაშ ტერიტორიეფიშა მიშაჭკირუას ოცადუდეს.

193 წანაშ 28 მელახის, პრეტორიანალეფიშ გვარდიაქ დოჸვილუ იმპერატორი პერტინაქსი. პრეტორიანალეფქ იმპერატორიშ პოსტი აუქციონშა გეგშეღეს. აუქციონს პოსტი ქიჸიდჷ იულიანუსიქ დო ჸათაშ გეშართჷ იმპერატორიშ ხვისტაშა. იულიანუსი იმპერატორო ვეჩინეს შხვა პრეტენდენტეფქ, მანჯღვერთარეფქ პესცენიუს ნიგერიქ, სეპტიმიუს სევერუსიქ დო კლოდიუს ალბინუსიქ დო ეარყეს. სუმხოლო პრეტენდენტიქ დუდი გეგმაცხადჷ იმპერატორო. ჸათე სუმი პრეტენდენტიშე რომიწკჷმა უმოს ხოლოს რდჷ სევერუსი, ნამუქჷთ შხვეფს ქუჭიშუ დო მუში ლეგიონეფით რომიშა მიშელჷ. იულიანუსი, სევერუსიშ შიშით, ირკოჩიქ ქიმიოტუ. სენატიქ იმპერატორო სევერუსი გეგმაცხადჷ. მალას 193 წანაშ 2 მანგის იულიანუსი დოჸვილუ ჯარიშკოჩიქ. რომალი ისტორიკოსიშ დიონ კასიუსიშ ნტკიცებათ, იულიანუსიშ ეკონია ზიტყვეფი ჸოფე: "მარა, მუ ვაკეთი მა გლახა? პილიო მითინი?". იულიანუსი დასაფლეს ვია ლაბიკანას.

რესურსეფი ინტერნეტის

• Coinage of Didius Julianus
• Biography at Roman-emperors.org
• Livius.org: Didius Julianus Archived 24 November 2014 ვებ-ხასჷლას Wayback Machine.

დიდიუს იულიანუსი დებადჷ: 133 ღურჷ: 193
წიმოხონი: პერტინაქსი	რომიშ იმპერატორი    193	გეჸვენჯი: სეპტიმიუს სევერუსი