პერტინაქსი

	პუბლიუს ჰელვიუს პერტინაქსი; ლათ. Publius Helvius Pertinax
	; პერტინაქსიშ ბიუსტი უფიციშ გალერეას
რომიშ იმპერატორი
პოსტის გერინაშ ბორჯი
	1 ღურთუთა, 193 წანა – 28 მელახი, 193 წანა
წიმოხონი	კომოდუსი
მონძე	დიდიუს იულიანუსი
ნაღურა	მელახი 28, 193 (66 წანერი); რომი, იტალია, რომიშ იმპერია
ნთხორუ აბანი	რომი
მუმა	ჰელვიუს სუკცესუსი
ალმასქუ	ფლავია ტიციანა
სქუალეფი	ჰელვიუს პერტინაქსი; ჰელვია
რელიგია	ჯვეშრომაული რელიგია

პუბლიუს ჰელვიუს პერტინაქსი (ლათ. Publius Helvius Pertinax; დ. 1 მარაშინათუთა, 126 — ღ. 28 მელახი, 193) — რომიშ იმპერატორი 193 წანაშ 1 ღურთუთაშე 28 მელახიშახ, ხუთი იმპერატორიშ წანაშ პერიოდიშ მაართა იმპერატორი.

პერტინაქსიქ დებადჷ გადუდშულებული დოლმახორეშ ფანიას. ოურდუმე კარიერა კოჰორტაშ იფიცერობათ დიჭყჷ. მონაწილენდჷ რომი-პართიაშ ლჷმეფს, სოდეთ წჷმოძინეფს მიოჭირინუ. უკულიანი პერიოდეფს პერტინაქსის უკინებუდჷ შხვადოშხვა პოსტეფი. რდჷ დაკიაშ პროკურატორი, 175 წანას - კონსული, 185 წანაშახ, შხვადოშხვა ბორჯიშ გოძვენას, რდჷ ჟიმოლენი დო თუდოლენი მეზიაშ, დაკიაშ, სირიაშ დო ბრიტანეთიშ მამართალი. 180-იან წანეფიშე პერტინაქსის უღუდჷ შანულამი კარიერა რომიშ სენატის. 188-189 წანეფს ნინალენდჷ აფრიკაშ პროკონსულო.

192 წანაშ 31 ქირსეთუთას დოჸვილეს რომიშ იმპერატორი კომოდუსი. ჸათე პერიოდის პერტინაქსის უკინებუდჷ ნოღაშ პრეფექტიშ პოსტი. მალას პრეტორიანალეფიშ გვარდიაქ ახალი იმპერატორო გეგმაცხადჷ პერტინაქსი. თიში მართუალაქ გეგინძორჷ ხვალე 87 დღას. პრეტორიანალეფი პერტინაქსიშე ელუდეს დიდი მუდანობათ ფინანსეფს. პერტინაქსიქ მინდომუ ოურდუმე დისციპლინაშ დო ახალი კანონეფიშ მიშაღალა პრეტორიანალეფიშ გვარდიაშა. ჸათეშ გურშენ ძალამს გეჟღამეს პრეტორიანალეფქ დო ეარყეს, გემნაკათეს პერტინაქსის დო დოჸვილეს, 193 წანაშ 28 მელახის.

პერტინაქსიშ ჸვილუაშ უკულ, პრეტორიანალეფქ, ნამუეფსჷთ ფარაშ მეღება ულამუდეს, აუქციონს გეგმოჩეს იმპერატორიშ ტიტული. იმპერატორიშ პოსტი ხეშა ქეშეჸოთუ დინდარი სენატორქ დიდიუს იულიანუსიქ, ნამუქჷთ არძაშე უმოს ბრელი ფარა მიკიღუ. იულიანუსი მალას გეგთარაგუ სეპტიმიუს სევერუსიქ დო დოჸვილუ პერტინაქსიშ მაჸვილარეფი. სევერუსიშ ზოჯუათ რომიშ სენატიქ პერტინაქსი გაღორონთუ.

ლიტერატურა

Elliot, Simon (2020). Pertinax: The Son of a Slave Who Became Roman. Greenhill Books.

პერტინაქსი დებადჷ: 126 ღურჷ: 193
წიმოხონი: კომოდუსი	რომიშ იმპერატორი 193	გეჸვენჯი: დიდიუს იულიანუსი

თე სტატია რომიშ ისტორიაშ გეშა დიოდღარო მერკე რე. თქვა შეგილებუნა ქუმმეხვარათ დო აკაფშათ თინა.