ტრაიანე

	მარკუს ულპიუს ტრაიანე; ლათ. Marcus Ulpius Trajanus
	; ტრაიანეშ ბიუსტი
რომიშ იმპერატორი
პოსტის გერინაშ ბორჯი
	28 ღურთუთა, 98 წანა – 11 მარაშინათუთა, 117 წანა
წიმოხონი	ნერვა
მონძე	ადრიანე
ნაღურა	მარაშინათუთა 11, 117 (63 წანერი); სელინუნტი, კილიკია
ნთხორუ აბანი	ტრაიანეშ სიმეტი
მუმა	მარკუს ულპიუს ტრაიანე
ნანა	მარცია
ალმასქუ	პომპეია პლოტინა
სქუალეფი	ადრიანე (სქუალაფირი)
რელიგია	ჯვეშრომაული რელიგია

მარკუს ულპიუს ტრაიანე (ლათ. Marcus Ulpius Trajanus, დ. 18 ეკენია, 53 — ღ. 11 მარაშინათუთა, 117) — რომიშ იმპერატორი 98-117 წანეფს, ანტონინუსეფიშ დინასტიაშ წჷმმარინაფალი. "ხუთი ჯგირი იმპერატორი"-შე ართ-ართი რე.

ტრაიანექ დებადჷ იტალიკას, რომიშ სენატორიშ მარკუს ულპიუს ტრაიანეშ დო თიში ალმასქუშ მარციაშ ფანიას. ახალნორდი ტრაიანექ ურდუმე კარიერული წჷმოძინას მიოჭირინუ იმპერატორი დომიციანეშ მართუალაშ ბორჯის. ნინალენდჷ ლეგატო ტარაკონული ესპანეთის. უკულ ალურდჷ იმპერატორს ლუციუს ანტონიუს სატურნინუსიშ არყებაშ ბორჯის. უკულიანი პერიოდეფს ტრაიანე რდჷ რომიშ პროვინციეფიშ გერმანიაშ დო პანონიაშ მამართალი. ახ.წ. 96 წანას, დომიციანე დოთირუ ნერვაქ, ნამუთ რჩინი რდჷ დო სქუა ვაჸუნდჷ. არმიაშ რანწყეფს ნერვას პოპულარობა ვაუღუდჷ. პრეტორიანელეფიშ გვარდიაშ არყებაშ უკულ, ნერვაქ ქისქუალუ უმოსი პოპულარული ტრაიანე დო თინა გჷმაცხადჷ მუში მონძეთ.

ტრაიანექ იმპერატორიშ ხვისტაშა ეშართჷ 98 წანაშ 28 ღურთუთას. თიქ მალას ქიდიჭყჷ შანულამი პროექტეფი, მაგალთო ეიოგჷ ფორუმი, ნამუთ თიშ ჯოხონობაშ რდჷ. ტრაიანექ გეჭოფუ ნაბატეა დო დაკია. პართიაწკჷმა ლჷმეფით, რომიშ აკოდგინალუაშა გემშართჷ სომხეთიქ, მესოპოტამიაქ დო ასურეთიქ. 117 წანაშ მარაშინათუთას, მუჟამსჷთ ტრაინე რომიშა გემით ირთუდჷ, ქიდელახჷ დო დოღურჷ კილიკიაშ ნოღა სელინუნტის. რომიშ სენატიქ ტრაიანეს ტიტული optimus ("საუჯგუშო") ქიმეჩჷ. ღურაშ უკულ, ტრაიანე სენატიქ გაღორონთუ.

ტრაიანეშ ღურაშ უკულ, იმპერატორიშ ხვისტაშა ეშართჷ თიში სქუალაფირი ადრიანექ.

ლიტერატურა

Bennett, Julian (2001). Trajan. Optimus Princeps. Bloomington: Indiana University Press.
Jackson, N. Trajan: Rome's Last Conqueror, 1st edition, GreenHill Books, 2022.

ტრაიანე ანტონინუსეფიშ დინასტია დებადჷ: 53 ღურჷ: 117
წიმოხონი: ნერვა	რომიშ იმპერატორი 98 –117	გეჸვენჯი: ადრიანე

თე სტატია რომიშ ისტორიაშ გეშა დიოდღარო მერკე რე. თქვა შეგილებუნა ქუმმეხვარათ დო აკაფშათ თინა.