ერნსტ ჰეკელი

ვიკიპედიაშე
ერნსტ ჰეკელი
გერმ. Ernst Haeckel
დაბადებაშ თარიღი:

16 ფურთუთა, 1834

დაბადებაშ აბანი:

პოტსდამი, პრუსიაშ ომაფე

ღურაშ თარიღი:

მარაშინათუთა 9, 1919 (85 წანერი)

ღურაშ აბანი:

იენა, გერმანია

მენოღალობა:

გერმანიაშ შილა გერმანია

ომენცარე სფერო:

ზოოლოგია, ორთაშობური ისტორია, ევგენიკა, ფილოსოფია, ოკიანეშ ბიოლოგია

სამუშაშ აბანი :

იენაშ უნივერსიტეტი

ალმა-მატერი:

ბერლინიშ უნივერსიტეტი
ვიურცბურგიშ უნივერსიტეტი
იენაშ უნივერსიტეტი

ჯილდოეფი დო პრემიეფი:

კოტენიუსიშ მენდალი (1864)
ლინეშ მენდალი (1894)
ბრესაშ პრემია (1895)
დარვინიშ მენდალი (1900)
დარვინი-უოლესიშ მენდალი (1908)

ხეშმოჭარუა:

ერნსტ ჰენრიხ ფილიპ ავგუსტ ჰეკელი (გერმ. Ernst Heinrich Philipp August Haeckel; დ. 16 ფურთუთა, 1834, პოტსდამი, პრუსიაშ ომაფე — ღ. 9 მარაშინათუთა, 1919, იენა, გერმანია) — გერმანალი ზოოლოგი დო ფილოსოფოსი.

ჰეკელი რდჷ ევოლუციონისტი დო ჩარლზ დარვინიშ იდეეფიშ პროპონენტი. ჰეკელიქ მუში მენცარული კარიერაშ გოძვენას გიმირკვიუ ჩხოლარეფი, ზუღაშ ჩხოლარეფი, ეჭარუ გვარობეფი, მიშეღჷ ახალი ტერმინეფი: ეკოლოგია, ტიპი (ლათ. Phylum), ფილოგენია დო პროტისტეფი. ჰეკელიქ მიშეღჷ დიდი თია ბიოგენეტიკური კანონიშ გოვითარაფაშა, ნამუთ თეხანური მენცარობას მეღებული ვარე. ბიოგენეტიკური კანონიშ (ნამუსჷთ რეკაპიტულაციაშ თეორიას ხოლო უძახჷნა) მეჯინათ თელი ორგანიზმეფი გოჭყაფაშე - ემბრიონული სტადიაშე, მუკმულა გოვითარაფაშ ჸეთი ეტაპეფს, ნამუ ეტაპეფით მიკორთეს წიმოხონი ორგანიზმეფქ.

ერნსტ ჰეკელი რდჷ მენცარული რასიზმიშ დო სოციალური დარვინიზმიშ პროპონენტი დო პოპულარიზატორი.

ჰეკელი რე ავტორი ოშიშე უმოსი ილუსტრაციაშ - ჩხოლარეფიშ დო ზუღაშ ჩხოლარეფიშ. ჰეკელიშ ჸათე ნახანდიქ, ნამუშ ჯოხოთ რე "ორთაშ არტისტული ფორმეფი", დიდი გოლინა იღვენუ ხელუანობაშ, არქიტექტურაშ დო დიზაინიშ სტილიშ არტ-ნუვოშ გოვითარაფაშა.

ჰეკელიქ დებადჷ პოტსდამს. გურაფულენდჷ მედიცინას ბერლინიშ დო ვიურცბურგიშ უნივერსიტეტეფს. 1857 წანას მიპალუ მედიცინაშ დოქტორიშ ხარისხი. გურაფაშ თებაშ უკულ მუშენდჷ იენაშ უნივერსიტეტის, ზოოლოგიაშ პროფესორო. 1860-1870-იან წანეფს შარალენდჷ სქირონაშქა ზუღაშპიჯეთის, კანარიშ კოკეფს, ნორვეგიას, ხორვატიას, ეგვიპტეს, თურქეთის, საბერძნეთის. 1866 წანას ლონდონშა მიდართჷ, სოდეთ შეხვადუ ჩარლზ ლაიელის, ტომას ჰენრი ჰაქსლის დო ჩარლზ დარვინს.

ერნსტ ჰეკელი რდჷ შხვადოშხვა პრემიეფიშ დო ჯილდოეფიშ ლაურეატი. თიში ჯოხონობაშ რე ართ-ართი კონკა სიერა-ნევადაშ ქჷნდჷრს დო ართი ასტეროიდი.

რესურსეფი ინტერნეტის[რედაქტირაფა | წყუშ რედაქტირაფა]