კამპორა-სან-ჯოვანი

კამპორა-სან-ჯოვანი
ქიანა	იტალია
რეგიონი	კალაბრია
კოორდ.	39°04′00″ ოორ. გ. 16°05′00″ ელ. გ. /
ფართობი	6,2 კმ²
55	580 მ
მახორობა	7 340 კოჩი (2009)
მეჭედალა	1 200 კოჩი/კმ²
ბორჯიშ ორტყაფუ	UTC+1, ზარხულს UTC+2
ტელ. კოდი	0982
ოფოსტე ინდექსი	87032
	კამპორა-სან-ჯოვანი

კამპორა-სან-ჯოვანი (იტალ. Campora San Giovanni) — ოოფუტუ დოხორინი იტალიას, კალაბრიაშ რეგიონს, კოზენცაშ პროვინციაშ ამანტეაშ კომუნას. იდვალუაფუ კატანძაროშ პროვინციაშ თანჯაშ გოხოლუას.

გეოგრაფია

კამპორა-სან-ჯოვანი ტირენიაშ ზუღაშ პიჯის გინმაჯინე. 1950-იან წანეფშე, ოფუტექ მიირდჷ დო გიფართანჷ. გოკიდილი რე პლაჟიშ დუც ეკინელ ჭიჭე, ბირტყა პლატოს. რეგიონს მუკი-მუკი გოჸუნს ბინეხეფით დო ზეთიშხილიშ პლანტაციეფით ფორილი გუძუბეფი. თე გუძუბეფი ოფუტეჸურე ჭიი-ჭიეთ დინმიკინანს დო მიკმაჭოფალ გინოჯინუს აკმოქიმინუნს: კვარჩხანშე მორჩქჷ ლამეცია-ტერმეშ ლუბა, ოდო მარძგვანშე, ჰორიზონტის ბჟალარ ტაროზის ვულკანი სტრომბოლი.

ოფუტეშ ონიშოლშე ლექინას მიოჭირინაფუ რე ლიპარიშ კოკეფი.

ეკონომიკა დo ტრანსპორტი

კამპორა-სან-ჯოვანიშ ეკონომიკა ოფუტეშ მეურნობაშა დო ტურიზმიშა რე გერსხილი. 1950-იან წანეფშე დასაბაღას გევითარჷ ჭითა ხვარხვიშ მოჸონაფაქ, ნამუთ ამუდღა მუჭოთ ოდინოხოლენი, თეში ოგალენე ბაზარეფშა გიშმურს. ეკონია 20 წანაშ მეძენას, თე პროდუქტიშ ექსპორტიქ უდუღორებუო აკუნწყუ ხე ოფუტეშ ეკონომიკაშ წიმიულას.

ოფუტე თებორჯისჷნე ოზუღე კურორტის წჷმარინუანს. 2003 წანას თაქ ონიშოლი ეკიდეს, მუდგაქჷთ გალექინჷ ლიპარიშ კოკეფშახ მეულა. თე ონიშოლი ტურისტული ინფრასტრუქტურაშ ლირე რე.

ოქინაფუეფი

ოფუტეშ აკა კაკალია გჷშნაგორა ნოგაფუობა რე XIV ოშწანურაშ ჸორში. თიში ჟილენი ნორთი მიობიჯალეფით რე დეკორირაფილი.

ოფუტეშ მაფორუთ იკოროცხუ ფრანცისკ პაოლიელი, მიდგაშ დღასანწალით 1—3 ეკენიას ეთმიშანუაფუ, მუთ გოხოლუაშ ოფუტეეფშე პილიგრიმეფს მიკმიჭოფანს. თე ბორჯის იმანჯუ მიმალუობა, მუ ბორჯისჷთ მორწუმეეფი შოშეეფს წიმინდეშ ნოჭახნაკუს ხუჯკილადვალირო გილაზოჯუანა.