კარლ პოპერი

ვიკიპედიაშე
კარლ პოპერი
ინგლ. Karl Popper

კარლ პოპერი 1980-იან წანეფს
დაბადებაშ თარიღი:

28 კვირკვე, 1902

დაბადებაშ აბანი:

ვენა, ავსტრია-უნგრეთიშ იმპერია

ღურაშ თარიღი:

ეკენია 17, 1994 (92 წანერი)

ღურაშ აბანი:

ლონდონი, გოართოიანაფილი ომაფე

მენოღალობა:

ავსტრიაშ შილა ავსტრია
გოართოიანაფილი ომაფეშ შილა გოართოიანაფილი ომაფე

ომენცარე სფერო:

ეპისტემოლოგია, მენცარობაშ ფილოსოფია, ლოგიკა, სოციალური ფილოსოფია, პოლიტიკური ფილოსოფია, მეტაფიზიკა, აბიოგენეზი, კვანტური მექანიკაშ ინტერპრეტაცია

სამუშაშ აბანი :

კენტერბერიშ უნივერსიტეტი
ლონდონიშ ეკონომიკაშ სკოლა
ლონდონიშ ომაფე კოლეჯი
დარვინიშ კოლეჯი

ალმა-მატერი:

ვენაშ უნივერსიტეტი

ომენცარე ხემანჯღვერი:

კარლ ბიულერი
მორიც შლიკი

ჯოხოშინელი მოგურაფეეფი:

ჯოზეფ აგასი
ჩარლზ ლეონარდ ჰამბლინი
აბდელჰამიდ იბრაჰიმ საბრა

ჯილდოეფი დო პრემიეფი:

სონინგიშ პრემია (1973)
ლეოპოლდ ლუკასიშ პრემია (1981)
ალექსის დე ტოკვილიშ პრემია (1984)
კატალონიაშ საირქიანო პრემია (1989)
კიოტოშ პრემია (1992)
გოეთეშ მენდალი (1992)
ოტო ჰანიშ შვიდობაშ მენდალი (1993)
მონტიონიშ პრემია (2003)
რაინდი-ბაკალარი
ღრისებაშ ორდენი (პრუსია)
ავსტრიაშ საპატიო შანი მენცარობეფიშო დო ხელუანობეფიშო
ღრისებაშ ორდენი (გფრ)
ღრისებაშ ორდენიშ კავალერი (ბრიტანეთი)
ლონდონიშ ომაფე ჯარალუაშ მაკათური
ბრიტანეთიშ აკადემიაშ მაკათური

სერ კარლ რაიმუნდ პოპერი (ინგლ. Sir Karl Raimund Popper; დ. 28 კვირკვე, 1902, ვენა, ავსტრია-უნგრეთიშ იმპერია — ღ. 17 ეკენია, 1994, ლონდონი, გოართოიანაფილი ომაფე) — ავსტრიალი-ბრიტანალი ფილოსოფოსი, მერჩქინელი რე XX ოშწანურაშ მენცარობაშ ფილოსოფიაშ ართ-ართ უდიდაშ წჷმმარინაფალო.

კარლ პოპერი რდჷ მენცარული მეთოდიშ კლასიკური ინდუქტივისტური მეჯინაშ კრიტიკოსი, ემპირიული ფალსიფიკაციაშ სასარგებელოთ. პოპერი თვალუნდჷ, ნამდა ემპირიულ მენცარობეფს თეორია ვედინტკიცებე, მარა შილებე თიში ფალსიფიკაცია. თენა თის შანენს ნამდა შილებე თიში ექსპერიმენტიშ გიმორინაფათ გინომოწმება.

კარლ პოპერი ოპონირენდჷ რჩქინაშ კლასიკურ დასაბუთებას დო თინა თიქ დოთირუ კრიტიკული რაციონალიზმით.

პოპერი რდჷ ლიბერალური დემოკრატიაშ დო სოციალური კრიტიციზმიშ მეთოდეფიშ ნძალიერი პროპონენტი დო ჯერდჷ ნამდა ჸათე პრინციპეფით გოღია დო პეულერი ჯარალუაშ გოვითარაფა შილებედჷ.

კარლ პოპერიშ პოლიტიკური ფილოსოფია იკათუანდჷ შხვადოშხვა იდეეფს თარი დემოკრატიულ-პოლიტიკური იდეოლოგიეფიშე: სოციალიზმიშე/სოციალ-დემოკრატიაშე, ლიბერტარიანიზმიშე/კლასიკური ლიბერალიზმიშე დო კონსერვატიზმიშე.

კარლ პოპერიქ დებადჷ 1902 წანაშ 28 კვირკვეს, ურიეფიშ ფანიას. გურაფულენდჷ ვენაშ უნივერსიტეტის. 1919 წანაშე მარქსიზმით დეინტერესჷ დო გინირთჷ ავსტრიაშ სოციალ-დემოკრატიული პარტიაშ მაკათურო. მარა უკულ პოპერიქ მარქსიზმი ქიმიოტუ. ოდოქტორე დისერტაცია თხილუ 1928 წანას კარლ ბიულერიშ დო მორიც შლიკიშ ხემანჯღვერობათ.

1937 წანას პოპერიქ ოცხოვრებშა ახალი ზელანდიაშა მიდართჷ დო მუშობა ქიდიჭყჷ ფილოსოფიაშ ლექტორო კენტერბერიშ უნივერსიტეტის. ჸათაქ პოპერიქ ჭარუ მუში არძაშე უმოსო შანულამი ნაწარმები "გოღია ჯარალუა დო თიში ნტერეფი".

მაჟირა მოსოფელიშ ლჷმაშ თებაშ უკულ პოპერიქ ოცხოვრებშა დო ომუშებუშა ბრიტანეთიშა გინილჷ. ბრიტანეთის პოპერიქ იმუშუ ლექტორო ლონდონიშ ომაფე კოლეჯის. 1958-1959 წანეფს რდჷ არისტოტელეშ ჯარალუაშ პრეზიდენტი.

კარლ პოპერი რდჷ შხვადოშხვა პრესტიჟული ჯილდოეფიშ დო პრემიეფიშ ლაურეატი დო შხვადოშხვა ომენცარე ინსტიტუტეფიშ საპატიო დოქტორი.

რესურსეფი ინტერნეტის[რედაქტირაფა | წყუშ რედაქტირაფა]

ვიკიოწკარუეს? რე ხასჷლა თემაშენ: