ჰელენ ჰანტი

ჰელენ ჰანტი
დაბადებაშ ჯოხო	ჰელენ ელიზაბეთ ჰანტი
დაბადებაშ აბანი	კალიფორნია, ააშ
დებადჷ	15 მანგი, 1963 (1963-06-15)
საქვარუა	არტისტი, რეჟისორი, სცენარისტი
აკოქიმინჯალაშ წანეფი	1973–ასეშა
ორქოშ გლობუსიშ ჯილდოეფი
ორქოშ გლობუსი
BAFTA ჯილდოეფი
BAFTA
შხვა ჯილდოეფი
ოსკარი

ჰელენ ჰანტი (ინგლ. Helen Hunt; დ. 15 მანგი, 1963) — ამერიკალი არტისტი ოსური, სცენარისტი, რეჟისორი, პროდიუსერი; ამერიკაშ კინოაკადემიაშ ჯილდოშ „ოსკარიშ“ მაღვენი.

ბიოგრაფია

დებადჷ ნოღა კალვერ სიტის (კალიფორნია). კინოს გინოღალა ბაღანობაშე დიჭყჷ, მორო წჷმოძინა თარ როლქ მოუღჷ სერიალს "უზნობელო სქანდე", ნამუშოთ ორქოშ გლობუსი დო ემიშ ოთხი პრემია მიღჷ. არძა ახალი სერიაშო ათე ტელეფილმის თიში ჰონორარი მილიონ დოლარს აკადგინანდჷ, მუთ არძაშე მაღალი ოგაფური რე ტელეარტისტიშ ისტორიას.

ტელესერიალს წჷმოძინაშ გეშა თინა კინოსინჯეფშა იჭანეს. თიში როლი რომანტიულ კომედიას „უჯგუში ვარსებენს" (1997) დეჯილდუ ოსკარით საუჯგუშო არტისტი ოსურიშო. მორო თიში უკულიანი ნახანდეფქ ვართ ფერი ჯგირი ფასალა დეინალუ კინოკრიტიკოსეფშე. 2012 წანას ფილმის „სესიეფი“ რსულებური მაჟირახარისხამი როლიშო მიღჷ მუსხირენ ნომინაცია შხვადოშხვა ჯილდოს.

ფილმოგრაფია

წანა		მარგალურო	ოდაბადური ჯოხოდვალა	როლი
1997	ფ	უჯგუში ვარსებენს	As Good as It Gets	კეროლ კონელი
2000	ფ	გიშარაჸილი	Cast Away	კელი ფრირზი
2012	ფ	სესიეფი	The Sessions	შერილ კოენ-გრინი

პიჯული დო ფანიური რინა

1999 წანას ჩილო ქაჸუნჷ არტისტის ჰენკ აზარიას, მორო გეჸვენჯი წანას დეთხიეს.

რესურსეფი ინტერნეტის

• შეგილებუნა ქოძირათ მედიაფაილეფი თემაშე „ჰელენ ჰანტი“ ვიკიოწკარუეს.
• ჰელენ ჰანტი — კინოფილმეფიშ ინტერნეტ-მუნაჩემეფიშ ბაზას