მერილ სტრიპი

ვიკიპედიაშე
მერილ სტირპი

მერილ სტრიპი 2014 წანას
დაბადებაშ ჯოხო მერი ლუის სტრიპი
დაბადებაშ აბანინიუ-ჯერსი, ააშ
დებადჷ 22 მანგი, 1949 (1949-06-22) (74 წანერი)
საქვარუა არტისტი
აკოქიმინჯალაშ წანეფი 1971–ასეშა
ალმასქუ(ეფი) ჯონ კაზალე (1976-78)
ოხორინალი აბანი სოლსბერი, კონექტიკუტი

მერი ლუის სტრიპი (ინგლ. Mary Louise Streep), უჯგუშო ჩინებული მუჭოთ მერილ სტრიპი (ინგლ. Meryl Streep) (დ. 22 მანგი, 1949) — ამერიკალი კინო, თეატრიშ დო ტელეარტისტი, კინოაკადემიაშ ჯილდოშ „ოსკარიშ“ სამშაიან ლაურეატი.

ბიოგრაფია[რედაქტირაფა | წყუშ რედაქტირაფა]

რეკლამეფიშ არტისტი მერი სტრიპიშ დო ფარმაცევტი ჰარი ვილიამ სტრიპიშ ცირასქუა მერი ლუის სტრიპიქ დებადჷ სამიტის, ნიუ ჯერსიშ შტატის. სტრიპიშ დიდაშ კჷნოხონეფი შვედური, ირლანდიური დო ინგლისური წუმალობაში რდეს, მუმაშ ფანიას გერმანული ჯინჯეფი უღუდჷ დო თიში ჯვეშეფი ხოლო ესპანარი ებრაელეფით რდეს, მორო მერილ სტრიპი ურია ვარე. თის ჟირი უკლაში ჯიმა ჸუნს: დანა დო ჰარი. სტრიპიქ მირდჷ ბერნარდსვილს, ნიუ ჯერსის, სოდეთ გათჷ სკოლა. ვასარიშ კოლეჯის თიქ მიღჷ ხელუანუაშ ბაკალავრიშ ჯოხონობა დრამაშ დარგის, იალიშ უნივერსიტეტის ხელუანებათმარჩქვენჯიშ.

მერილ სტრიპიშ პროფესიული დებიუტიქ 1971 წანას იჸუ სპექტაკლის „სევილიელი პლეიბოი“, მაართა როლი 1977 წანას ოტელევიზიე ეკრანიშო ღოლამირ ფილმის „The Deadliest Season“ ილაჸაფჷ. მაართათ კინოფილმის 1977 წანას ილაჸაფჷ ფილმის „ჯულია“ ჯეინ ფონდაშ დო ვანესა რედგრეიწკჷმა. სტრიპიშ მაართა ხანტურული ფილმი რდჷ „ჯულია“, სოდეთ თიქ ასრულ ჭიჭე როლი. უკული რდჷ „ირემეფიშ ჯინორი“ (1978), ნამუქჷთ მერილს მაართა ოსკარიშ ნომინაცია მოუღჷ საუჯგუშო მაჟირახარისხამი როლიშო. ათე ჯილდო თიქ მაჟირა წანას ეჭოფჷ ფილმიშო „კრამერი კრამერიშ აწმარენჯო“. 1978 წანას თიქ ეჭოფჷ მუში მაართა ემიშ ჯილდო მინისერიალიშო: „მერეხუა“. ართი წანაშ უკული თიქ გიმორჩქინდჷ ვუდი ალენიშ ფილმის „მანჰეტენი“. 1982 წანას თიქ უკვე თარი როლიშო მიღჷ ოსკარი ფილმის „სოფიშ სხუნუ" გასახიერებული სოფი ზავისტოვკიშ როლს.

2002 წანას დახე ეჩწანიანი პაუზაშ უკული მერილ სტრიპიქ დართჷ თეატრის, სოდეთ ილაჸაფჷ სპექტაკლის „მათირია“. თი წანას სტრიპიქ აკათჷ ფილმეფს „ადაპტაცია“ დო სათეფი“. ჟირხოლო როლიშო თიქ კრიტიკოსეფიშ მოწონა დო ჯილდოეფი დეინალუ.

ფილმოგრაფია[რედაქტირაფა | წყუშ რედაქტირაფა]

წანა მარგალურო ოდაბადური ჯოხოდვალა როლი
1977 ჯულია Julia ანა მარი
1978 ირემეფიშ ჯინორი The Deer Hunter ლინდა
1979 კრამერი კრამერიშ აწმარენჯო Kramer vs. Kramer ჯოანა კრამერი
1979 მანჰეტენი Manhattan ჯილ დეივისი
1981 ფრანგი ლეიტენანტიშ ჩილი The french lieutenant's woman სარა/ანა
1982 სოფიშ სხუნუ Sophie's Choice სოფი ზავისტოვსკი
1983 სილქვუდი Silkwood კარენ სილქვუდი
1984 ჸოროფილეფი Falling in Love მოლი ჯილმორი
1985 აფრიკაშე Out of Africa კარენ ბლიქსენი
1987 რინაშ ტყა Ironweed ჰელენ არჩერი
1988 ღვარაფი უკმელას A Cry in the Dark ლინდა ჩემბერლენი
1989 ეშმაკი ოსური She-Devil მერი ფიშერი
1990 ბარათეფი გარამიშ პიჯიშე Postcards from the Edge სუზან ვეილი
1992 ღურა ხვადუ თიში Death Becomes Her მადელინ ეშტონი
1995 მედისონიშ ოლქიშ ხინჯეფი The Bridges of Madison County ფრანჩესკა ჯონსონი
1996 მარვინიშ ოთახუ Marvin's Room ლი
1998 თახმი ღირებულებეფი One True Thing კეიტ გულდენი
1999 გურიშ მუსიკა Music of the Heart რობერტა გასპარი
2002 მერჩქვანა Adaptation სუზან ორლინი
2002 საათეფი The Hours კრისტინა ვოგანი
2004 მანჯურიაშ კანდიდატი The Manchurian Candidate სენატორი ელეანორ შოუ
2004 ლემონი სნიკეტი: 33 უჸვაიჭარობა Lemony Snicket's A Series of Unfortunate Events დეიდა ჯოზეფინა
2006 ეშმაკის მიკაქუნს პრადა The Devil Wears Prada მირანდა პრისლი
2008 მამა მია! Mamma Mia! დონა შერიდანი
2008 ეჭვი Doubt და ალოიზ ბუვიე
2009 მარტივი სირთულეფი It's Complicated ჯეინ ადლერი
2009 ჯული დო ჯულია Julie & Julia ჯული ჩაილდი
2011 რკინაშ ლედი The Iron Lady მარგარეტ ტეტჩერი
2012 იმენდიშ ნაცაცხალი Hope Springs კეი სოემსი
2013 მარაშინათუთა: ოსეიჯიშ ოლქი August: Osage County ვაიოლეტ ვესტონი
2014 მიმაჩამუ The Giver უფროსი უხუცესი
2014 აკანური The Homesman ალთა კარტერი
2014 ტყას Into the Woods ჯადოქარი

ჯილდოეფი[რედაქტირაფა | წყუშ რედაქტირაფა]

კრიტიკული დო კომერციული წჷმოძინა მალას იშუ ფილმეფით „ირმეფიშ ჯინორი“ რობერტ დე ნიროწკჷმა დო „კრამერი კრამერიშ აწმარენჯო“ დასტინ ჰოფმანწკჷმა. მაართას სტრიპიქ მაართა ოსკარიშ ნომინაცია მიღჷ, მაჟირს მაართა ოსკარი. გვალო სტრიპის სუმი ოსკარი, ბრუო ორქოშ გლობუსი, ჟირი კინოარტისტეფიშ გილდიაშ პრემია დო ართი BAFTA-შ ჯილდო აფჷ მეღებული. რდჷ ხოლო წჷმორინელი გრემიშ ჯილდოს. კინოაკადემიაშ ისტორიას არძაშე უმოსშა რდჷ წჷმორინაფილი ოსკარს 19 ნომინაციათ (მუჭოთ ოსურეფი თეშ კოჩეფიშ შქას).

რესურსეფი ინტერნეტის[რედაქტირაფა | წყუშ რედაქტირაფა]

ვიკიოწკარუეს? რე ხასჷლა თემაშენ:

სქოლიო[რედაქტირაფა | წყუშ რედაქტირაფა]