სანდრა ბულოკი

ვიკიპედიაშე
სანდრა ბულოკი

სანდრა ბულოკი 2013 წანას
დაბადებაშ ჯოხო სანდრა ანეტა ბულოკი
დაბადებაშ აბანიარლინგტონის ოლქი, ააშ
დებადჷ 24 კვირკვე, 1964 (1964-07-24) (59 წანერი)
საქვარუა არტისტი, პროდუსერი
აკოქიმინჯალაშ წანეფი 1987–ასეშა
შხვა ჯილდოეფი
ოსკარი, საუჯგუშო არტისტი ოსური

2009 — უძირაფუ განი
ორქოშ გლობუსი, საუჯგუშო არტისტი ოსური დრამას

2009 — უძირაფუ განი

სანდრა ბულოკი (დ. 26 კვირკვე, 1964) — ამერიკალი არტისტი. დებადჷ არლინგტონს. დიდა ოპერაშ მაბირე რდჷ მუმა რიტორიკაშ მაგურაფალი. 1982 წანას თიქ სკოლა გათუ. ათეშ უკულ თინა გურაფლენდჷ კაროლინაშ უნივერსიტეტის. უნივერსიტეტიშ თებაშ უკული თიქ გინორთჷ ოხორუშა ნიუ-იორკიშა, სოდეთ დიჭყჷ ოარტისტე კარიერა. პოპულარობა მიპალუ 1990-იან წანეფს. სანდრაშ პოპულარობაშე ხოლო იმოქიმინჯჷ ფილმიქ „აკმარღვაფალეფი“ (1993), სოდეთ თინა სილვესტერ სტალონეწკჷმა ართო ლაჸაფენდჷ. 2007 წანას თინა მანგი რდჷ მუჭოთ სიდიდარეთ მავითაანთხა ოსური ართუაფაშ ინდუსტრიას. სანდრაქ უჩაკანიანი ბოში ლუისი ეჭოფჷ. ათექ მოხვადჷ თი პერიოდის მუჟამსით თიში დო ჯესი ჯეიმზიშ გურგინუა აკირღვაფუდუნ. დათხიებაშ უკული სანდრა ხვალახე დიდაქ იჸუ.[1]

ფილმოგრაფია[რედაქტირაფა | წყუშ რედაქტირაფა]

წანა მარგალურო ოდაბადური ჯოხოდვალა როლი
1993 აკმარღვაფალეფი Demolition Man ლეიტენანტი ლენია ჰაქსლი
1996 ჸვილუაშ ბორჯი რე A Time to Kill ელენ როარკი
2000 მის კონგენიალურობა Miss Congeniality გრეისი ჰარტი
2002 დალეფი ია–იაშ ღორონთული ფულირეფი Divine Secrets of the Ya-Ya Sisterhood სიდალ უოკერი
2005 მის კონგენიალურობა 2 Miss Congeniality 2: Armed and Fabulous გრეისი ჰარტი
2006 ჸუდე ტობაწკჷმა The Lake House კეიტ ფორსტერი
2009 უძირაფუ განი The Blind Side ლი ენ ტუი
2013 გრავიტაცია Gravity დოქტორი რაიან სტოუნი
2014 სინჩხე The Heat ეშბორნი

რესურსეფი ინტერნეტის[რედაქტირაფა | წყუშ რედაქტირაფა]

ვიკიოწკარუეშ ლოგო ვიკიოწკარუეს რე ხასჷლა თემაშე: სანდრა ბულოკი

სქოლიო[რედაქტირაფა | წყუშ რედაქტირაფა]

  1. Goldman, Lea, Blakeley, Kiri. “The 20 Richest Women In Entertainment“, Forbes.com, January 18, 2007. კითხირიშ თარიღი: 2010-01-06.