ჯოან კროუფორდი

ვიკიპედიაშე
ჯოან კროუფორდი

დაბადებაშ აბანისან-ანტონიო, ააშ
დებადჷ 23 მელახი, 1904
ღურჷ 10 მესი, 1977
ნიუ-იორკი, ააშ
საქვარუა არტისტი
აკოქიმინჯალაშ წანეფი 1925-1972

ჯოან კროუფორდი (ინგლ. Joan Crawford; დ. 23 მელახი, 1904 — ღ. 10 მესი, 1977) — ამერიკალი მუნჯი დო ხონარამი კინოშ არტისტი, ოსკარიშ ლაურეატი, ჰოლივუდიშ ორქოშ ხანაშ უნირზეთ ართ-ართი უდიდაში გამა კოჩი 1920-40-იან წანეფს. ამერიკაშ კინოშ ინსტიტუტიქ კროუფორდი არძა ბორჯიშ უდიდაშ ოსურ არტისტეფ შქას მიშინუ (მავითა აკანს).

დუდშე მასხაპალი კროუფორდიქ კინოს კონტრაქტი მეტრო-გოლდუინ-მაიერ სტუდიაწკჷმა გაფორმჷ 1925 წანას დო ჭიჭე როლეფს არსულენდჷ. 20-იანი წანეფიშ ბოლოშო თიში პოპულარობაქ მიძინჷ. 1930-იან წანეფს თინა კონკურენციას უკინანდჷ მგმ-შ კოლეგეფს ნორმა შირერს დო გრეტა გარბოს. თიში გერგეზეფი ხანდაშ მოჸოროფე ოსურეფი რდესჷ, ნამუეფით საბოლათ ჸოროფას დო წუმოძინას მიოგორუანდეს. ათეშნერო როლეფს მაჯინეეფი ენთუზიაზმით ხვადუდესჷ დეპრესიაშ პერიოდის. ათე ვითწანურაშ ბოლოშო თინა ჰოლივუდიშ უდიდაში მურიცხი რდჷ დო ხოლო არძაშე უმოსო გინოგაფური ოსური ააშ-ს.

რესურსები ინტერნეტში[რედაქტირაფა | წყუშ რედაქტირაფა]