ჰალი ბერი

ვიკიპედია-შე
გეგნორთი: ნავიგაცია, გორუა
ჰალი ბერი
Halle Berry by Gage Skidmore.jpg
ჰალი ბერი 2013 წანას
დაბადებაშ ჯოხო ჰალი მარია ბერი
Halle Maria Berry
დაბადებაშ აბანი კლივლენდი, ოჰაიო, ააშ
დებადჷ 14 მარაშინათუთა, 1966 (1966-08-14) (ხანი 51)
საქვარუა არტისტი
აკოქიმინჯალაშ წანეფი 1989–ასეშა
ალმასქუ(ეფი) დევიდ ჯასტისი (1992–1997)
ერიკ ბენეტი (2001–2005)
გაბრიელ ობრი (2005-ამდღარშა)
ოფიციალური ვებხასჷლა ოფიციალური ვებხასჷლა

ჰალი მარია ბერი (ინგლ. Halle Maria Berry; დ. 14 მარაშნათუთა, 1966) — ამერიკალი არტისტი, ჸოფილი მოდელი დო სისქვამეშ დიაფალი. მეღებული აფჷ „ემი“ დო „ორქოშ გლობუსი“ ფილმიშო „გეჩინებაფეთ დოროტი დენდრიჯი“. 2001 წანას „ოსკარი“, ნომინაციას უუჯგუშაში არტისტი ოსური ფილმიშო „მონსტრეფიშ მეჯლისი“. ბერი აკა აფრიკალ-ამერიკალი ოსკარამი არტისტი ოსური რე. თინა ჰოლივუდიშ ართ-ართი არძაშე ძვირასღირებული არტისტი დო კოსმეტიკაშ კომპანია Revlon-იშ გამა-კოჩი რე.

არტისტიშ კარიერაშახ, ბერიქ აკათჷ მუსხირენ სისქვამეშ კონკურსის. 1986 წანას თიქ იშუ მის ააშ-იშ ოპატიე ტიტული. თიში ოარტისტე დებიუტიქ იჸუ 1991 წანას ფილმის „ჯუნგლეფიშ ჩეჩხური“, ათეს მაჸუნ როლი ფილმის „ფლინსტონეფი“ (1994), „ბულვორტი“ (1998), „იქს-ადამიერეფი“ (2000). ჰალიქ ხოლო ასახიერჷ „ბონდიშ ძღაბი“ - ფილმის „დოღური შხვა დღას“ (2002). უწუმუძინუქ იჸუ ბერიშო ფილმი „ოსური-კატუ“ (2005), მუჟამსით ორქოშ მუჸიაშ დოჯილდაფას არძაშე გლახა არტისტი ოსური გიოდვეს დო ჯილდოქ პიჯულო გჷნაჩჷ.

კარიერაშ გოძვენას ჰალიქ ჟირშა დეთხიუ ალმასქუს. მაართა თინეფშე კარაჩხაბურთელი დევიდ ჯასტისი რდჷ, გეჸვენჯი მუსიკოსი ერიკ ბენეტი. 2005 წანაშ გერგობათუთაშე ბერიქ ოჸოროფე რომანი გაბუნუ ფრანგ-კანადარ მოდელ გაბრიელ ობრიწკჷმა. თინეფიშ მაართა ცირასქუა — ნალა არიელა ობრიქ 2008 წანაშ 16 მელახის დებადჷ.

რესურსეფი ინტერნეტის[რედაქტირაფა | წყუშ რედაქტირაფა]