|
ზიტყვას „მანუჩარ“ უღჷ შხვა შანულობეფი ხოლო, ქოძირით მანუჩარ.
|
მანუჩარ II დადიანი — ოდიშიშ თარი 1791-1795 წწ., კაცია II დადიანიშ სქი. 1792 წანას, სოლომონ II-აშ მოხვარათ ხვისტა მიდუღჷ მუში ჯიმა, გრიგოლს. 1796 წანას, გრიგოლქ დირთინუ ხვისტა, მანუჩარ II დადიანქ — 1799 წანას ომაფასქირეთ მიღჷ ოლიპარტიანე. ართბორჯის სოლომონ II-აშ ჭყოლოფუათ ხოლო ობურჯუდჷ ჯიმას, მარა 1802 წანას, საბოლათ გერიგჷ თის. 1804 წანას, მანუჩარქ მიოდინუ ოლიპარტიანე. ოდიშიშ ოთარეშ რუსეთიშ მაფორუობაშ გიმე მიშულაშ უკული, 1805 წანაშ ღურთუთას, გრიგოლიშ დო მანუჩარიშ ნანაქ, ანაქ ოლიპარტიანეშ მანუჩარშო დოტება ქოთხუ თარმამართალ ციციანოვს, მარა ვარი მიღჷ. ოლიპარტიანე ოდიშიშ თარიშ ოხასე მამულონო გეგმაცხადჷ, უკული — სამოუროთ გინაჩჷ თავად დგებუაძეეფს.
