ნიკო დადიანი

ვიკიპედიაშე
ნიკო დადიანი

ნიკო დავითიშ სქი დადიანი (დ. 4 ღურთუთა, 1847, ზუგდიდი ― ღ. 23 ღურთუთა, 1903, სანქტ-პეტერბურგი), სამარგალოშ ეკონია თარი (* 1853-შე), რუსეთიშ არმიაშ გენერალ-მაიორი (1878).

გურაფა პარიზის მიღჷ. თიში ჭიჭეხანერობაშ გეშა ოთარეშ საქვარეფს დუდენდჷ დიდამუში ეკატერინე ჭავჭავაძე, ნამუშ ბორჯის (1857) დე-ფაქტოთ სამარგალოს თარობაქ გეუქვუ. 1868 წანას, დადიანქ ვარია თქუ (დე-იურე) სამარგალოშ თარიშ ტიტულშე. 1875 წანაშე რდჷ კავალერგარდიშ პოლკის. ოკათუდჷ რუსეთ-ოსმალეთიშ ლჷმას (1877–1878). 1877 წანაშე პოლკოვნიკი. ბულგარეთის ხვისტაშე ბატენბერგიშ გჷთოჸოთამაშ უკული (1886 წანაშ 21 მარაშინათუთა) რუსეთიშ თარობაქ დადიანი ბულგარეთიშ თარიშ კანდიდატო ქჷმწარინუ. დადიანქ მუში ბიბლიოთეკა (169 ხეშნაჭარა დო წინგეფი) უფასოთ გეგნოჩჷ ქორთუეფ შქას ჭარუა-კითხირიშ გჷმაფაჩალ ჯარალუას.

ნიკო დადიანიშ მოთა რდჷ პოეტი მამია გურიელი.


ლიტერატურა[რედაქტირაფა | წყუშ რედაქტირაფა]

ვიკიოწკარუეს? რე ხასჷლა თემაშენ:


რესურსეფი ინტერნეტის[რედაქტირაფა | წყუშ რედაქტირაფა]


თაშნეშე ქოძირით[რედაქტირაფა | წყუშ რედაქტირაფა]