ცოტნე დადიანი
| ცოტჷნე დადიანი | |
|---|---|
.jpg) | |
| დებადჷ | ? |
| ღურჷ | 1260 |
| შინუაშ დღა | ახ. სტილით - 12 მარაშინათუთა (30 კვირკვე) |
ცოტჷნე დადიანი (დ. ? - ღ. დოხოლაფირო 1260) — საქორთუოშ დიდგვარიშ ფეოდალი XIII ოშწანურაშ I გვერდის. უმაფობაშ ხანას მონღოლეფქ რაჭაშ ერიშდუდწკჷმა ართო ბჟადალ საქორთუოშ მადუდეთ ქჷდარინეს. 1245 წანას ოკათუუდჷ კოხტასთავიშ ლამოსუას, მუდგაშ ღანკი რდჷ მონღოლეფიშ მეხჷ არყებაშ მონწყუალა. მონღოლეფქ აკორაგადიშ მოკათაფუეფი აკოჭოფეს დო ანისიშა მონღოლეფიშ ნოინშა მიდეჸონეს. გჷმოტახუაშ ღანკით თინეფი თაკარი ჩხანას ქჷმწარღვეს. ცოტჷნე დადიანქ ალალბედშა გჷნასქიდჷ ჭოფუას (არყებაშო ჯარს აკმოკათუნდჷ ბჟადალ საქორთუოს). ჟამიშემაჭარალიშ ჩინებათ, მუჟამც დადიანქ ლამოსუაშ მოკათაფუეფიშ ამბე ქჷგეგუნ, ანისშა დინილჷ დო მუში კორინით წორომალჷმორეფიშ უჩა უღუს ქათუდირთჷ — გამუკინწყჷ მუკოქვენჯი დო მაჸალეეფწკჷმა ართო ქჷმწოდოხოდჷ ჩხანას. ცოტჷნე დადიანიშ გერგეზულ რჯებაქ მონღოლეფი დარწუმჷ ქორთუეფიშ სიმართეს დო არძო გადუდიშალეს.[1][2]
1999 წანაშ 26 გჷმათუთას საქორთუოშ მართლმადიდებელი ეკლესიაშ სინოდიქ ცოტჷნე დადიანი წიმინდეთ აკირჩქინჷ. თეწკჷმაშენო მიშინუაფუ ცოტჷნე დადიანიშ შინუაშ დღა — 30 კვირკვე (ჯვ. სტ.).[3] თინა მასქერეფწკჷმა ართო მუკოხანტილი რე ხობიშ ეკლესიაშ უჯვეშაშ ფრესკას.
ცოტჷნე დადიანიშ ჯოხონობაშ რე წკვარამი საქორთუოს.
ლიტერატურა
[რედაქტირაფა | წყუშ რედაქტირაფა]- ბერაძე თ., ქორთული სხუნუეფიშ ენციკლოპედია, ტ. 3, ხს. 330, ქართი, 1978 წანა.
სქოლიო
[რედაქტირაფა | წყუშ რედაქტირაფა]- ↑ (ქორთული) Melikishvili, Giorgi et al.. (1970), საქართველოს ისტორიის ნარკვევები (Studies in the History of Georgia), Vol. 2. Tbilisi: Sabch’ota Sakartvelo.
- ↑ Dadiani Dynasty Archived 2011-08-11 ვებ-ხასჷლას Wayback Machine. . A project by Smithsonian & National Parliamentary Library of Georgia. Accessed on March 4, 2010
- ↑ Machitadze, Archpriest Zakaria (2007), Saint Tsotne Dadiani the Confessor (13th century). The Lives of the Georgian Saints. Retrieved from Pravoslavie.Ru on February 14, 2008.
|
თე სტატია პიჯიშ გეშა დიოდღარო მერკე რე. თქვა შეგილებუნა ქუმმეხვარათ დო აკაფშათ თინა. |
| |||||||
