დინორეშა გინულა

სტანისლავ ულამი

ვიკიპედიაშე
სტანისლავ ულამი
პოლ. Stanislaw Ulam
დაბადებაშ თარიღი:

13 პირელი, 1909

დაბადებაშ აბანი:

ლემბერგი, ავსტრია-უნგრეთიშ იმპერია (ასეიან ლვივი, უკრაინა)

ღურაშ თარიღი:

მესი 13, 1984 (75 წანერი)

ღურაშ აბანი:

სანტა-ფე, ნიუ-მექსიკო, ააშ

მენოღალობა:

პოლონეთიშ შილა პოლონეთი
ამერიკაშ აკოართაფილი შტატეფიშ შილა ააშ

ომენცარე სფერო:

მათემატიკა

სამუშაშ აბანი :

პერსპექტიული რკვიებეფიშ ინსტიტუტი
ჰარვარდიშ უნივერსიტეტი
ვისკონსინიშ უნივერსიტეტი (მადისონი)
ლოს-ალამოსიშ ერუანული ლაბორატორია
კოლორადოშ უნივერსიტეტი
ფლორიდაშ უნივერსიტეტი

ალმა-მატერი:

ლვოვიშ პოლიტექნიკური ინსტიტუტი

ომენცარე ხემანჯღვერი:

კაზიმირ კურატოვსკი
ვოლოდიმირ სტოჟეკი

ჯოხოშინელი მოგურაფეეფი:

პაულ კელი

ჯილდოეფი დო პრემიეფი:

ჯონ ფონ ნოიმანიშ პრემია
მენცარობეფიშ ერუანული აკადემიაშ მაკათური (1966)

სტანისლავ მარტინ ულამი (პოლ. Stanisław Marcin Ulam; დ. 13 პირელი, 1909, ლემბერგი, ავსტრია-უნგრეთიშ იმპერია (ასეიან ლვივი, უკრაინა) — ღ. 13 მესი, 1984, სანტა-ფე, ნიუ-მექსიკო, ააშ) — პოლონარი-ამერიკალი მათემატიკოსი დო ფიზიკოსი. რდჷ მანჰეტენიშ პროექტიშ მაკათური, დარსხუ თერმობირთვული ანჯარეფიშ ტელერი-ულამიშ ტექნიკური კონცეფცია, თაშნეშე თოლური ავტომატიშ კონცეფცია დო გიმიგონჷ კომპიუტერული ალგორითმიშ მონტე-კარლოშ მეთოდი. გჷმორინაფონი მათემატიკაშ დარგის ულამიქ დანტკიცჷ შხვადოშხვა თეორემა.

სტანისლავ ულამიქ დებადჷ პოლონარი ურიეფიშ ფანიას. გურაფულენდჷ ლვოვიშ პოლიტექნიკურ ინსტიტუტის, სოდეთ 1933 წანას თხილუ ოდოქტორე დისერტაცია გიშარჩქინელი პოლონარი მათემატიკოსეფიშ: კაზიმირ კურატოვსკიშ დო ვოლოდიმირ სტოჟეკიშ ხემანჯღვერობათ. 1935 წანას ულამიქ გეჩინებაფუ ჯონ ფონ ნოიმანი, ნამუთ პერსპექტიული რკვიებეფიშ ინსტიტუტის მუშენდჷ. 1939 წანას ულამიქ ამერიკაშა მიდართჷ, სოდეთ მუშობა ქიდიჭყჷ ვისკონსინიშ უნივერსიტეტის (მადისონი), ასისტენტ-პროფესორო. 1941 წანას ულამიქ მიპალუ ააშ-იშ მენოღალობა.

1943 წანას ჰანს ბეთეშ ინიციატივათ ულამიქ ქაკათჷ მანჰეტენიშ პროექტის, ლოს-ალამოსიშ ერუანული ლაბორატორიას. ჸათაქ ულამიშ მენცარული ინტერესეფიშ სფერო ჰიდროდინამიკური კალკულაციეფი რდჷ. მანჰეტენიშ პროექტიშ მუშობაშ ბორჯის ულამი ედვარდ ტელერიშ ბუნას ორხველუდჷ. მაჟირა მოსოფელიშ ლჷმაშ თებაშ უკულ, ულამიქ მენცარული კარიერა გაგინძორჷ ობჟათე კალიფორნიაშ უნივერსიტეტის. 1946 წანას ულამიქ კინ ლოს-ალამოსიშა დირთჷ, სოდეთ თერმობირთვული ანჯარეფიშ გოვითარაფაშ პროექტის მონაწილენდჷ.

სტანისლავ ულამიქ ღურუ 1984 წანაშ 13 მესის, 75 წანერქ.

ულამი რდჷ ჯონ ფონ ნოიმანიშ პრემიაშ ლაურეატი დო ააშ-იშ მენცარობეფიშ ერუანული აკადემიაშ მაკათური.

რესურსეფი ინტერნეტის[რედაქტირაფა | წყუშ რედაქტირაფა]