სუვონი (კორ. 수원시?, 水原市) — კიონგიდოშ პროვინციაშ ადმინსიტრაციული ცენტრი დო უკაბეტაში ნოღა, ობჟათე კორეას. მახორობა დოხოლაფირო 1,25 მილიონი რე. ნოღა სეულიშ ბჟაეიოლშე 30 კილომეტრიშ მეძენას იდვალუაფჷ. კანკალეშა ნოღას კორეული კუჩხბურთიშ ნანანოღათ მიშინუანა - თაქ იდვალუაფუ ჩონებული კორეული ოკუჩხბურთე ბუნა სუვონიშ სამსუნგ ბლიუინგზი. სუვონსჷთ იდვალუაფჷ სამსუნგიშ მაჸვენჯი ორკუალე ცენტრეფი.
სუმი ომაფეშ ბორჯის, თეხანური სუვონიშ ტერიტორიას რდჷ ხორუა მოსუ, უკული ჩინებული, მუჭოთ მეჰოლი. სუვონქ თეხანური ჯოხო 1413 წანას მიღჷ, დო ნოღაშ სტატუსი — 1949 წანას.
ნოღა იდვალუაფა კიონგიდოშ პროვინციაშ ცენტრალურ ნორთის. ოორუეშე უხურგანს იივანი, ბჟადალშე - ანიანი, ბჟაეიოლშე - იონინი, ობჟათეშე - ჰვასონი. ლანდშაფტი უმენტაშო გვალათონა რე. აფხვადჷნა მუსხირენი ტობა, ნამუეფშე უკაბეტაში რე ვანჩხონი. უმაღალაში ჭურჭული — გვალა კვანგიოსანი რე.
სუვონი კორეაშ ართ-ართი უდიდაში ოხრეჭე ცენტრი რე. ეკონომიკაშ თარი დარგეფი რე: ელექტრონიკა, ტესქტილიშ ხერეჭუა, ქიმიური ხერეჭუა, მეტალურგია დო შხვა. ნოღაშ ბიუჯეტი წანმოწანას 1 მილიარდ ააშ დოლარს აკმადგინანს.
იაპონია ასაჰიკავა, იაპონია (1989)
ჩინეთი ძინანი, ჩინეთი (1993)
ავსტრალია ტაუნსვილი, ავსტრალია (1997)
ინდონეზია ბანდუნგი, ინდონეზია (1997)
გერმანია ბერლინი, გერმანია (1997)
რუმინეთი კლუჟ-ნაპოკა, რუმინეთი (1999)
მექსიკა ტოლუკა, მექსიკა (1999)
თურქეთი იალოვა, თურქეთი (1999)
მაროკო ფესი, მაროკო (2003)
ვიეტნამი ჰეიზიონგი, ვიეტნამი (2004)
კამბოჯა სიემრეაპი, კამბოჯა (2004)
ინდოეთი ჰაიდარაბადი, ინდოეთი (2005)
რუსეთი ნიჟნი-ნოვგოროდი, რუსეთი (2005)
ბრაზილია კურიტიბა, ბრაზილია (2006)
