ტრიპურა

ვიკიპედიაშე
ტრიპურა
ბენგ. ত্রিপুরা
ინგლ. Tripura
ქიანა ინდოეთიშ შილა ინდოეთი
სტატუსი შტატი
ადმინ. ცენტრი აგარტალა
შხუ ნოღა აგარტალა
მადუდე გუბერნატორი:
პადმანაბჰა ბალაკრიშნა აჩარია
თარი მინისტრი:
მანიკ სარკარი
ოფიც. ნინეფი ბენგალური ნინა, კოკბოროკი
მახორობა (2011)
3 671 032 (22-ა აბანი)
მეჭედალა 349,89 კოჩი/კმ²
ფართობი 10 492 კმ²
ტრიპურა რუკას
აბრევიატურა IN-TR
კოდი ISO 3166-2 IN-TR
ოფიციალური ვებ-ხასჷლა
Tripura

ტრიპურა (ბენგ. ত্রিপুরা, ინგლ. Tripura) — მორჩილი ტერიტორიაშ შტატი ინდოეთიშ ბჟაეიოლშე. შტატიშ ნანანოღა დო უდიდაში ნოღა — აგარტალა. შტატიშ მახორობა 3 671 032 ადამიერი რი (22-ა აბანი შტატეფს შქას; 2011). შტატიშ ფართობი 10 492 კმ² (26-ა აბანი).

გეოგრაფია[რედაქტირაფა | წყუშ რედაქტირაფა]

ტრიპურა ინდეოთიშ ოორუე-ბჟაეიოლს იდვალუაფუ დო ზუღაშა გიშალი ვაუღჷ. უხურგანს ბანგლადეში (ბჟადალშე, ოორუეშე დო ობჟათეშე) დო ინდოეთიშ ასამიშ დო მიზორამიშ შტატი (ბჟაეიოლშე). შტატი ქჷნდჷრამი რე. კლიმატი — ტროპიკული, მუსონური. ტერიტორიაშ მაქსიმალური გოძვენა ოორუეშე ობჟათეშა 184 კმ-ს აკმადგინანს, ბჟადალშე ბჟაეიოლშა — 113 კმ. შტატიშ ტერიტორიაშ ფართობი — 10 492 კმ².

ისტორია[რედაქტირაფა | წყუშ რედაქტირაფა]

შტატიქ 1972 წანაშ 21 ღურთუთას დირსხუ, 1960 წანაშე მორსხუე ტერიტორიაშ სტატუსი უღუდჷ, თეიშახ ასამიშ შტატიშ აკოდგინალუაშა მიშმეშჷ.

პოლიტიკა[რედაქტირაფა | წყუშ რედაქტირაფა]

ტრიპურა — ინდოეთიშ სუმი შტატიშე ართ-ართი რე (კერალა დო ბჟადალ ბენგალწკჷმა ართო), სოდე ტრადიციული პოლიტიკური ნძალეფი მეკვარჩხანე ნძალეფი რენან. ასეიანი ბორჯის შტატიშ ხეშუულებას მეკვარჩხანე ფრონტი დუდენს — ინდოეთიშ კომუნუნისტური პარტიაშ, ინდოეთიშ კომუნისტური პარტია (მარქსისტული)ინდოეთიშ კომუნიტური პარტიაშ დო რანწკი მორჩილი პარტიეფიშ კოალიცია.

მახორობა[რედაქტირაფა | წყუშ რედაქტირაფა]

2011 წანაშ ეჭარუაშ მუნაჩემეფით, შტატიშ მახორობა 3 199 203 ადამიერი რე, ოშქაშე მეჭედალა — 305 ადმ./კმ². თენა ინდოეთიშ ედომუშამი მახორობაშ 0,31% აკმადგინანს. ტრიპურაშ მახორობაშ დოხოლაფირო 70%  — ბენგალარეფი, დოსქილადირი 30% წჷმორინელი რე შხვადოშხვა ეთნიკური ბუნეფით, ნამუშეთ არძოშე დიდი რე — კათა ტრიპურა, ნამუთ ჩინურ-ტობეტური ფანიაშ კოკბოროკიშ ნინაშა რაგადანა. მახორობაშ 85,6% ინდუიზმიშ მორწუმე რე, 8% — ისლამი, 3,2% — ქირსიანობა დო 3,1% — ბუდიზმი. შტატიშ ჭარუა-კითხირიშ რჩქინაშ მაძირაფალი 73,2% რე, ნამუთ ოშქაშეინდური მაძირაფალშე მაღალი რე.

ადმინისტრაციული დორთუალა[რედაქტირაფა | წყუშ რედაქტირაფა]

ტრიპურაშ ოლქეფი

ადმინისტრაციულო შტატი 8 ოლქო ირთუ:

ეკონომიკა[რედაქტირაფა | წყუშ რედაქტირაფა]

დოხორე აგარტალას.

შტატიშ ეკონომიკაშ თარი სფერო რე ოფუტეშ მეურნობა, თე სფეროს ტრიპურაშ მახორობაშ 64 % რე დოკაფილი. თარი კულტურა — ორზა. შტატიშ დიხეფს დაღარას რე სასარგებლე დინოხურიშეფი, რე ძალამი ჭიჭე კაოლინიტიშ, რკინაშ მადანიშ დო ნოშქერიშ ოზირუე, თაშნეშე შანულამო რე — ორთაშობური გაზი. ტრიპურაშ წარმება კინოხიშობურო ძალამ დაღარას რე გოვითარაფილი.

რესურსეფი ინტერნეტის[რედაქტირაფა | წყუშ რედაქტირაფა]