რაჯასტანი

**რაჯასტანი**
ჰინ. राजस्थान
ინგლ. Rajasthan
ქიანა	ინდოეთი
სტატუსი	შტატი
ადმინ. ცენტრი	ჯაიპური
შხუ ნოღა	ჯაიპური
შხუ ნოღეფი	უდაიპური, აჯმერი, ჯოდჰპური
მადუდე	გუბერნატორი:; კალიან სინგჰი; თარი მინისტრი:; ვასუნდჰარა რაჯე
ოფიც. ნინეფი	ჰინდი, რაჯასტჰანი
მახორობა (2011);	68 621 012 (8-ო აბანი)
მეჭედალა	200,51 კოჩი/კმ²
ფართობი	342 239 კმ² (1-ა აბანი)
სიმაღალა ზუღაშ დონეშე; - უმაღალაშ ჭურჭული	; 1772 მ
აბრევიატურა	IN-RJ
კოდი ISO 3166-2	IN-RJ
	ოფიციალური ვებ-ხასჷლა
	Rajasthan

რაჯასტანი (ჰინ. राजस्थान [raːdʒəsˈt̪ʰaːn], Rājasthān, ზიტყვაზიტყვათ — "რაჯეფიშ ქიანა", ინგლ. Rajasthan) — ინდოეთიშ უდიდაში შტატი, იდვალუაფუ ქიანაშ ოორუე-ბჟადალშე, 1949 წანას, ისტორიული რეგიონიშ რაჯპუთანაშ აკანს დირსხუ. შტატიშ ნანანოღა დო უდიდაში ნოღა — ჯაიპური. შტატიშ მახორობა 68 621 012 ადამიერი (8-ა აბანი შტატეფს შქას; 2011); მახორობაშ უმენტაში ნორთის აკმადგინანა — რაჯასტანარეფი (თინეფს შქას რაჯპუთეფი).

გეოგრაფია[რედაქტირაფა | წყუშ რედაქტირაფა]

ტიოზი ტარი

პეიზაჟი ჯაიპურიშ გოხოლუას, ჯაგარჰიშ ფორტიშე მიოჯინი

მუშ ტერიტორიაშ ფართობით 342 239 კმ², რაჯასტანი ინდოეთიშ უდიდაში შტატი რე. შტატიშ თარ გეოგრაფულ რეგიონეფშა მიშმურს ტიოზი ტარი დო გვალაშ ქჷნდჷრი არავალი, ნამუთ შტატიშ ობჟათე-ბჟადალშე ოორუე-ბჟაეიოლშა 850 კმ.-შე უმოსის იდვალუაფუ. შტატიშ ოორუე-ბჟადალი ნორთი — ქვიშამი დო გოლოფირი რე. თე ტერიტორიაშ უმენტაში ნორთის იკენს ტიოზი ტარი, ნამუთ იგჷნძორებუ პაკისტანიშ ტერიტორიას. ტიოზამი ტერიტორიეფი ძალამი მერკეთი რე დოხორელი, თე აბანეფიშ უდიდაში ნოღა რე — ბინაქერი. ტარიშ ტიოზიშ დო არავალიშ ქჷნდჷრს შქას მაძგვიტია ქვერჩხონეფი ჩანს. თე რეგიონს ტემპერატურაქ ზარხულს შილებე 45 °С-ის მიოჭირინუასჷნ, ზოთონჯს - 0 °С-ის.

არავალიშ ქჷნდჷრი დო თიშ ბჟაეიოლშე დო ობჟათე-ბჟაეიოლშე მადვალუ დიხეფი ჸოფიერი დო მერკეთ გოლოფირი. თე რეგიონს ჩანს ტროპიკული ფართეფურცელამი ტყალეფი, თაშნეშე ლაკაცია, ტიკი დო შხვ. ქჷნდჷრამი რეგიონი ვაგადი რაჯასტანიშ ელახ ობჟათეშე იდვალუაფუ, შტატი გუჯარათიშ ხურგაწკჷმა. თე რეგიონი შტატიშ შანულამი დო ძალამი ტყალამი აკანი რე, თე აკანიშ თარი ნოღეფი რე: უდაიპური დო ჩიტაურგარჰი. შტატიშ ბჟაეიოლი ნორთი უკებჷ მევატიშ რეგიონს, ნამუსჷთ უხურგანს უტარ-პრადეშიშ დო ჰარიანაშ შტატეფი. თაქ იდვალუაფუ შტატიშ ნანანოღა — ჯაიპური. რაჯასტანიშ ბჟაეიოლ დო ობჟათე-ბჟაეიოლ ნორთის თიჯგურა წყარმალუეფი ომძღჷ, მუჭომით რე ბანასი დო ჩამბალი, განგიშ ღანჩოს. შტატიშ უმაღალაში კონკა — გვალა აბუ (1722 მ). არავალიშ ქჷნდჷრი შტატის თიშობურო რთუნს ნამჷ-და, ტერიტორიაშ 60% ქჷნდჷრშე ობჟათე-ბჟადალს იდვალუაფუ, 40% — ობჟათე-ბჟაეიოლს.